Սոցապում ուղղորդում են դատարան. թոշակից զրկված հերթական քաղաքացին

Շուտով կլրանա մեկ տարին՝ ինչ 64-ամյա Հռիփսիկ Գրիգորյանը ոչ մի դրամ թոշակ չի ստանում: ՀՀ աշխատանքի եւ սոցիալական հարցերի նախարարությունը տիկնոջը բազմիցս առաջարկել է խնդիրը դատարանի միջոցով կարգավորել:

Հռիփսիկ Գրիգորյանը 2017 թվականին՝ 63-ամյակը լրանալուց մի քանի օր անց, դիմել է համապատասխան կենտրոն՝ օրենքով իրեն հասանելիք գումարը ստանալու համար, սակայն մերժվել է: Հռիփսիկ Գրիգորյանի  խոսքով՝ պահանջվող բոլոր փաստաթղթերը, այդ թվում՝  աշխատանքային գրքույկը, ներկայացրել է  ՀՀ աշխատանքի եւ սոցիալական հարցերի նախարարություն:

Մեզ հետ զրույցում Հռիփսիկ Գրիգորյանն ասաց, որ աշխատել է Երևանի պետական հանրախանութում (ներկայիս «Գումի» շուկա), որն այժմ չի գործում. «Հիմնարկի լուծարվելուց հետո փաստաթղթերը չեն պահպանվել, տնօրենն ասում է՝ այրվել են, անհետացել, աշխատանքի եւ սոցիալական հարցերի նախարարությունն էլ իմ գրքույկն անվավեր է ճանաչել եւ թոշակ չի տալիս»:

ՀՀ աշխատանքի եւ սոցիալական հարցերի նախարարությունից ստացած տեղեկատվության համաձայն՝ Երևանի պետական հանրախանութում (1981-1993թ.թ.) որպես կրտսեր վաճառող Հռիփսիկ Գրիգորյանի աշխատած ժամանակ աշխատանքային ստաժում հաշվառելու եւ տարիքային աշխատանքային կենսաթոշակ նշանակելու հիմքեր չկան:

«Դիմեցի իրենց, մի քանի ամիս ձգձգեցին, դրանից հետո էլ մերժեցին, մերժված թուղթն էլ ունեմ, ինձ ասում են, որ ոչինչ չեն կարող անել, որովհետև հիմնարկը լուծարված է, իսկ արխիվում այդ թղթերը պահպանված չեն: Ինձ ասում են, որ միակ տարբերակը դատարան դիմելն է եւ դատարանի միջոցով կարգավորելը»,- ասաց նա:

Հռիփսիկ Գրիգորյանին իր նախկին տնօրենն ասել է, որ մի քանի տարի առաջ հրդեհ է եղել, փաստաթղթերն այրվել են եւ արխիվ չեն հասել. «Իմ մեղքը ո՞րն է, որ ինչ-որ տեղ փաստաթղթե՞ր են այրվել, չգիտեմ էլ, դա սուտ է, թե ճիշտ, իսկ տնօրենը երկրում չէ հիմա: Հռիփսիկ Գրիգորյանի խնդրի մասին ՀԺ-ն հետաքրքրվեց աշխատանքի եւ սոցիալական հարցերի նախարարությունից. նախարարության հասարակայնության հետ կապերի բաժնից մեզ փոխանցեցին, որ ցանկանում են քաղաքացին զանգահարի իրենց, որպեսզի մանրամասն տեղեկատվություն տրամադրեն եւ փորձեն օգնել:

Ավելի ուշ Հռիփսիկ Գրիգորյանը կապ հաստատեց մեզ հետ, հաղորդելով, որ աշխատանքի եւ սոցիալական հարցերի նախարարությունից իրեն մի քանի ամիս առաջվա պատասխանն են տվել՝ հերթական անգամ ուղղորդել, որ դիմի դատարան եւ դատարանի միջոցով պարզի: «Ամեն անգամ հենց զանգահարում եմ, ինձ դատարանի տեղն են ցույց տալիս, հաշմանդամություն ունեցող կին եմ: Հետաքրքրվել եմ, դատարան դիմելու համար փաստաբան պետք է վարձես, իսկ փաստաբանի համար գումար է անհրաժեշտ, որը ես չունեմ»,- ասաց 64-ամյա կինը:  

Տպել
2078 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ