Աշոտ Բլեյանն ակնկալում է, որ նորանշանակ նախարարը կվերացնի քննությունները

Հայաստանի կրթության ոլորտը նոր փոփոխությունների շեմին է: Կրթության եւ գիտության նախարարի պաշտոնը մայիսի 11-ից զբաղեցնում է «Քաղաքացիական պայմանագիր» կուսակցության անդամ Արայիկ Հարությունյանը, եւ սպասվում ու ակնկալվում է, որ անդրադարձը այս կամ այն խնդրին լինելու է արմատական: Հայտնի մանկավարժ, «Երեւանի «Մխիթար Սեբաստացի կրթահամալիրի» տնօրեն Աշոտ Բլեյանի հետ զրուցել ենք նոր նախարարի նշանակման առիթով: Արայիկ Հարությունյանից Աշոտ Բլեյանն ակնկալում է, որ ուղղակի կվերացվեն քննությունները՝ թե՛ դպրոցի ավարտական եւ թե՛ բուհի ընդունելության:

- Պարոն Բլեյան, ԿԳ նորանշանակ նախարարի առաջին որոշումներից մեկը եղավ այն, որ հետաձգվեցին ավարտական եւ միասնական քննությունները: Դա ճի՞շտ քայլ էր, ըստ Ձեզ, դրա կարիքը զգացվո՞ւմ էր:

- Հետեւո՞ւմ է ընթերցողը իմ՝ ashotbleyan.mskh.am բլոգում անընդհատ օրագրին։ Երեկվա իմ գրում՝ թվով 1376-րդում, ես առաջարկել էի նվաճել անգիրի դպրոցի բաստիլ քննությունները՝ դրանք վերացնելով, ոչ թե հետաձգելով... Խոսքը ե՛ւ ավարտական-պետական քննությունների մասին է 9-րդ եւ 12-րդ դասարաններում, ե՛ւ բարձրագույն ուսումնական հաստատությունների անիմաստ, բաց դռան թակոց հիշեցնող միասնական քննությունների մասին, որոնց նպատակը այդպես էլ հայտնի չդարձավ... Կարելի էր ձեւակերպել թեկուզ որպես վարչապետ Նիկոլ Փաշինյանի նվեր ցուցարար պարմանիներին, որոնք քաղաքացիական քննություն բռնեցին բոլորիս աչքի առաջ հակաբռնի, սիրո եւ համերաշխության շարժման՝ փողոցներում եւ հրապարակներում։ Հարգելի նախարարը ինձնից լավ գիտի, այդ «քննական հանձնաժողովը» ղեկավարել է...

- Կրթության ոլորտում խնդիրները բազմաթիվ ու բազմատեսակ են: Նորանշանակ նախարարը, Ձեր կարծիքով, ի՞նչ առաջնահերթություններ պետք է ունենա, ինչի՞ց պետք է սկսել աշխատանքային գործունեությունը, որը հիմք կդառնա հետագա փոփոխությունների ճիշտ ընթացքի համար:

- Պետք է շարունակել նշածս առաջին քայլը՝ անցում կատարելով քննությունների-ստուգումների կենտրոններ դարձած, անունով հանրակրթական դպրոցներից դեպի անհատի հետաքրքրությունները բավարարող, բնույթով հանրակրթական ուսումնական կենտրոններ: Դպրոցների տնօրեններից-ուսուցիչներից առաջացող բողոքներն ուղղել ոչ թե նախարարություն-կառավարություն, այլ կրթական համայնքի ինքնակազմակերպում դարձնել: Ամեն համայնք կրթական՝ դպրոցի գործող խորհրդով-տնօրենով, ուսուցման բոլոր մասնակիցներով, թող հավաքվի-ավարտի-կարողանա օրակարգում հայտնված խնդիրները բաց լուծել: Նախարարությունն էլ իր ներկայացուցչով, ես էլ, որպես հասարակության ներկայացուցիչ, կմասնակցենք...

- Կրթության ոլորտում տեսնո՞ւմ եք որեւէ հաջողություն, որը ամեն կերպ պետք է պահպանել, փայփայել ու զարգացել:  

- Փոփոխությունները եւ փոփոխությունների հնարավորությունը, ինչպես Վահե Հովհաննիսյանն է բնորոշում, դարձել են Հայաստանի նոր բրենդը։ Սա վերաբերում է նաեւ, նախ եւ առաջ կրթությանը։ Սա ամենամեծ ձեռքբերումն է, որ արձանագրել ենք որպես պետություն, մեր նոր կառավարությամբ, վարչապետով։ Վահեն նաեւ շարունակում է՝ հենց այս իրողություններն են տալիս առաջընթացի եւ զարգացման մեծ պոտենցիալ... նաեւ ցնցումների եւ կորուստների։ Հավաքական ընդունակության հարց է. ես գործել ու գործում եմ մի հավատամքով՝ չի կարելի չօգտվել այս հնարավորությունից ու չդրսեւորել հասարակություն-պետություն ստեղծելու մեր հավաքական տաղանդը։

Մենք վճռական ենք մեր հեղինակային կրթական ծրագիրը՝ նախադպրոցական, տարրական, հիմնական, բաց ցանցային կազմակերպումով մոտեցնել բնակչին Երեւանում եւ Երեւանից դուրս, կազմավորելով հեղինակային նախակրթարանների-դպրոց-պարտեզների-կրթահամալիրների ցանց՝ պահպանելով դրանց ինքնուրույնությունը: Մենք այսպիսի ուղերձով ենք շնորհավորել Արայիկ Հարությունյանին՝ արձանագրելով մեր ռազմավարական գործընկերությունը փոփոխությունների ճանապարհին։

«Այբ»-ը ձեւավորում է Արարատյան բակալավրիատի ծրագրով ավագ դպրոցների ցանց: Կան միջազգային բակալավրիատի ծրագիր իրականացնող հաստատություններ, ճիշտ է, թանկ վճարով, փոքրամասնության համար՝ «Քվանտ», Շիրակացի ճեմարան, Դիլիջանի միջազգային դպրոց: «Արեգնազան» կրթահամալիրն է հետեւողական ներկայացնում իր ծրագիրը: Մանկավարժական նորարարության խթանումը, հանրակրթության քաղաքական ազատագրումը մանկավարժական ներուժի իրացման ամենահասանելի ուղին է: Սրանց ավելացրեք ձեր իմացածը։ Մեծ հաջողություն եմ համարում առցանց ուսուցման, ինտերնետ-ուսուցչի գոյությունը, առանց սահմանների կրթությունը, ճամփորդությամբ ուսուցումը: Իշխանությունը բոլոր մակարդակներում պիտի կենտրոնանա հանրակրթության՝ բաց համայնքային դպրոցի բարեշինության վրա, Ստեղծական ու մոբիլ, կազդուրիչ-ակտիվ ուսուցման վրա:

Տպել
8363 դիտում

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է

ՀՔԾ-ն մեղադրանք առաջադրեց Լեւոն Երանոսյանին. վերջինս ծանոթացել է մեղադրանքին, իրեն մեղավոր չի ճանաչում

Վարչապետը ներկա է գտնվել ՄԱԿ-ի Գլխավոր ասամբլեայի 73-րդ նստաշրջանի ընդհանուր քննարկումների բացմանը

«Բա մեր քյարը ո՞րն ա» հարցը խորհրդարանը ցրելու բանակցությունների օրակարգում լինել չի կարող

Նարե Գրիգորյանին ասվել է՝ եթե աշխատանքից հետո մի քանի րոպե մնալն անտանելի է դառնում, կարող է դիմում գրել