Մշակույթը պետք չէր շփոթել դիջեյների փառատոնի, խորովածի եւ սիգարների փարթիի հետ. Ա. Արաբյան

Հայաստանի պետական կամերային երգչախմբի տնօրեն, արվեստի վաստակավոր գործիչ Արմեն Արաբյանը Հժ-ի հետ զրուցել է մշակույթի ոլորտում բացերի եւ վերջին երկու տարիներին մշակույթի նախարարության կողմից կատարված անընդունելի քայլերի մասին:

Կամերային երգչախմբի տնօրենի խոսքով՝ երգչախումբն ապրիլի 24-ին, Մարզահամերգային համալիրում պետք է մեծ համերգով հանդես գար: Համերգը, սակայն ներքաղաքական վերջին իրադարձություններով պայմանավորված, չկայացավ: Մշակույթի նախկին նախարար Արմեն Ամիրյանի կարգադրությամբ սույն համերգը տեղափոխվեց մայիսի 25-ին:

«Ապրիլի 24-ի միջոցառումը ի՞նչ կապ կարող է ունենալ մայիսի 25-ի հետ, բացատրեք հասկանամ, Ապրիլի 24-ը մեկն է, դա մի այնպիսի ծրագիր էր, որ տեղափոխելը անիմաստ է եւ զավեշտալի»,- ասաց Արմեն Արաբյանը: Նա նշեց, որ մայիսի 14-ին մեծ համերգ կայացավ, որը կրկին նախորդ նախարարից էր «ժառանգություն» մնացել. «Հավաքել էին աշխարհի տարբեր ծայրերից երաժիշտներ, միջոցառման վրա հսկայական գումար ծախսել: Աբսուրդ է նման ծախսեր անել այն դեպքում, երբ վերջին մեկ-երկու տարվա ընթացքում նույն դասական երաժշտության ոլորտում բավականին մեծ կրճատումներ արեցին եւ շատ ընտանիքներ մնացին առանց կենցաղային պայմանների: Անիմաստ է կոմսոմոլի ժամանակներից մնացած մասսայական միջոցառումները բերել, խցկել ծրագիր՝ առանց այն էլ չնչին աշխատավարձով ապրող երաժիշտների հաշվին»:

Արմեն Արաբյանն ասում է, որ նմանատիպ միջոցառումների պատճառով կրճատվել են նաև աշխատողների եկամուտները: «Այն դեպքում, երբ այդ մարդիկ շատ ապահովված են, եւ եթե ցանկություն ունենային հայրենիքում համերգներով հանդես գալ, ապա կգային: Պարտադիր չէր այստեղի երաժիշտների հաշվին նրանց բերել եւ ցույց տալ, որ գործ է արվում»,- ասաց նա:

Արմեն Արաբյանի խոսքով՝ Կամերային երգչախումբն անցած տարի եւ այս տարի նույնպես՝ ԱՄՆ-ում համերգով հանդես գալու հրավեր ուներ, նախարարը երկու տարի անընդմեջ խոստացել էր, անպայման ֆինանսավորել, ասել՝ «եթե անգամ չճարեմ այդ ֆինանսավորումը, մեկենասների միջոցով կկազմակերպեմ»: Սակայն այդպես էլ չի կազմակերպվել Կամերային երգչախմբի համերգն ԱՄՆ-ում: «Ամիրյանը ոչ մի անգամ ներկա չեղավ Կամերային երգչախմբի որևէ համերգի, բայց այլ զվարճանքի միջոցառումներին նա միշտ ներկա էր»,- ասաց Արաբյանը:

Վերջինս մտահոգություն հայտնեց, որ մշակույթի նախարարության կողմից Կամերային երգչախումբը դիտարկվում է ընդամենը եկամտի աղբյուր, սակայն շատ թույլ աղբյուր:

«Չի կարելի մշակույթը դիտարկել որպես փող տպող մեքենա: Վերջին մեկուկես, երկու տարիների ընթացքում մեզ մոտ մշակույթը խիստ կրճատվել է, որի փոխարեն սկսել է զարգանալ փոփ երաժշտությունը, որը բարձր մշակույթի հետ կապ չունի եւ չի կարելի այն խառնել, շփոթել եւ մշակույթի նախարարության շրջանակներում կազմակերպել դիջեյների փառատոն, փոփ երաժշտության փառատոն, սիգարների փարթի, կամ խորովածի փառատոն, այն, ինչը տեղի էր ունենում այս ընթացքում, շատ զարմանալի էր»,- ասաց նա:

Արաբյանը հույս հայտնեց, որ պետությունը ինչպես մեկ-երկու տարի առաջ հոգում էր շենքի ծախսերը, ջեռուցման եւ այլնի, եւ համերգների եկամուտներով էլ կարողանում էին լրացուցիչ մրցանակներ, խրախուսիչ հոնորարներ տրամադրել երաժիշտներին՝ գուցե նոր նախարարի ջանքերով կվերականգնի: Արաբյանն ասաց, որ այսօր պրոֆեսիոնալ երաժիշտները ստանում են 62 հազար դրամ աշխատավարձ, որն ապրելու համար ծիծաղելի թիվ է: «Նախկին նախարարն ասել էր՝ եթե տարեկան 31 համերգ են ունենում, շաբաթ-կիրակին էլ հանենք, թող մնա 300 օր, բա այդ օրերը ինչի՞ են պարապուրդի մատնված: Նա երգչախումբը շփոթել էր կինո սեանսի հետ, որ կարելի էր շաբաթական 3-4 անգամ նույն ֆիլմը ցուցադրել եւ գումար աշխատել»,- պատմեց երգչախմբի ղեկավարը:

Մտահոգություն հայտնեց, որ մշակույթի նախարարությունը փակել է Կոմիտասի փառատոնի ֆինանսավորումը. «Եթե որևէ մեկը կա, որ կարող է ասել, թե վերջին հարյուրամյակներում ավելի բարձր արժեք ենք ունեցել, քան Կոմիտասն է՝ թող ինձ ասի. նման բան չկա: Կոմիտասի փառատոնն անտեսելն առնվազն դիլետանտություն եմ համարում»:

Տպել
9451 դիտում

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կդառնանա պատգամավոր

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները

ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Մի վաճառեք ձեր ձայնը․ այս ընտրությունները պետք է լինեն լավագույնը Հայաստանում․ Սվիտալսկի

Արտակարգ դեպք Երեւանում․ կրակոցներ են արձակել ՊՆ գնդապետի մեքենայի ուղղությամբ

Մեծ կարեւորություն ենք տալիս վերականգնվող էներգետիկայի ներուժի օգտագործմանը․ Տիգրան Ավինյան

«Արզնու տոհմային ԹՏԽ» ընկերությունը տուգանվել է 20 միլիոն դրամով․ կարագում բացակայել է կովի կաթը

ՀՀ եւ Իրանի գլխավոր դատախազները ստորագրել են երկու համագործակցության ծրագիր

Դավիթ Սանասարյանի բացած դուռը փակվել է. Մարալիկում բողոքի ակցիան ընդդեմ Արտակ Գեւորգյանի վերսկսվել է

«Գազպրոմ Արմենիա»-ում բացահայտվել են խոշոր չափերով հարկային պարտավորություններ չվճարելու դեպքեր․ ՊԵԿ

ՀՀ-ում երկրորդ կյանք են տալիս պոլիէթիլենից տոպրակներին, պլաստիկին եւ կենցաղային այլ թափոններին (տեսանյութ)

Ինձ համար ցավոտ թեմա է. Մարտիրոսյանը դոպինգ սկանդալի ու օլիմպիական բրոնզից զրկվելու մասին

ՀՀ բնակիչները կասկածվում են Մեծ Բրիտանիայում կրիպտո-խարդախության համար

Թաղային հեղինակություն ասելով՝ նկատի ունեմ թաղում հեղինակություն ունեցող մարդ. Արայիկ Աղաբաբյան

ՀՅԴ համամասնական ցուցակի առաջին եռյակը հաստատվել է

Արցախում Սարսանգից մինչեւ Մարտակերտ նոր ջրանցք է կառուցվելու․ կներդրվի շուրջ 100 մլն ԱՄՆ դոլար