Սպիտակի համայնքապետարանի ուշագրավ գնումները եւ ֆինանսական բաժնի պետի բացատրությունը

ՀՀ ֆինանսների նախարարության գնումների համակարգի սպասվելիք 2018 թվականի գնումների պլաններում բավական ուշագրավ թվեր կան: Ներկայացնում ենք Լոռու մարզի Սպիտակի համայնքապետարանի 2018 թվականին նախատեսված տարեկան գնումների պլանները:

Մասնավորապես, համայնքապետարանը նախատեսել է գնել 63 հատ կոնյակ, որի ընդհանուր արժեքը կազմում է 371 հազար 700 դրամ, յուրաքանչյուրի արժեքը` 5900 դրամ, կոնյակի անվանումը` «Արարատ» 5 աստղ:

Նախատեսված գնումների ցանկում ներառված են նաեւ տուփով շոկոլադե կոնֆետներ, յուրաքանչյուր տուփն արժե 4700 դրամ, պետք է գնեն 67 տուփ, ընդհանուր՝ 314 հազար 900 դրամ արժողությամբ:

Սպիտակի համայնքապետարանի գնումների պլանների մեջ է մտնում 7000 լիտր բենզին, լիտրը 420 դրամ է, իսկ ընդհանուր գումարը կազմում է ոչ ավել, ոչ պակաս 2 մլն 940 հազար դրամ: Այսինքն, համայնքապետարանին 365 օրվա կտրվածքով օրական անհրաժեշտ է 8 հազար դրամի բենզին:

Գնման պլանների ցուցակում կան մի շարք «կարեւոր» գնումներ, որոնցից ստորեւ առանձնացնում ենք մի քանիսը:

Փուչիկի պոչ, հատը՝ 50 դրամ, անհրաժեշտ քանակությունը՝ 800 հատ, այսինքն, 40 հազար դրամի:

Հուշանվերներ, տարբեր տեսակի եւ գների, մասնավորապես 4500 դրամ արժողությամբ հուշանվերներից անհրաժեշտ է 30 հատ, այսինքն, 135 հազար դրամի, իսկ 7000 հազար դրամանոց հուշանվերներից անհրաժեշտ է 10 հատ, այսինքն, 70 հազար դրամի:

Սպիտակի քաղաքային զբոսայգում տեղադրված 2-րդ աշխարհամարտում զոհվածների հիշատակի հուշարձանի վերանորոգման համար անհրաժետ է 3 մլն 254 հազար 340 դրամ:

Նախատեսված են շուրջ 3 մլն 500 հազար դրամի նախագծահետազոտական ծախսեր: 130 հազար դրամ էլ պետք է տրամադրվի ավտոմեքենաների լվացման համար:

Այս ծախսերի հետ կապված կապ հաստատեցինք Սպիտակ համայնքապետարանի ֆինանսական բաժնի պետ Հենրիկ Միրզոյանի հետ, ով ներկայացրեց, թե որն ինչ նպատակով է եղել:

Մասնավորապես, ըստ Միրզոյանի, կոնյակները նախատեսված են եղել զինծառայողների ծնողների համար, տուփով շոկոլադե կոնֆետները՝ նույնպես: Նրա խոսքով՝ դրանք նվիրել են հունվարի 28-ին՝ «Հայոց Բանակ»-ի օրվա առիթով:

Միրզոյանի խոսքով՝ հուշանվերները նախատեսված են եղել ուսուցչուհիներին Մարտի 8-ին եւ Ապրիլի 7-ին նվիրելու համար, դիտարկմանը, թե ինչո՞ւ են դրանք տարբեր գների, Միրզոյանը արձագանքեց, որ ցանկացել են տարբեր նվերներ գնել: Համայնքապետարանը ունի 2 ավտոմեքենա, ինչի վրա էլ ծախսվում է գնումների պլանների մեջ ներառված 7 հազար լիտր բենզինը:

Սպիտակի ֆինանսական բաժնի պետը նշեց, որ բոլոր գումարները ըստ նախատեսվածի ծախսվել են, եւ ոչ մի կոպեկ չի փոշիանալու:

Տպել
3212 դիտում

Սևանի թերակղզուց մինչև Դիլիջանի թունել ճանապարհահատվածում բուք է

Ոստիկանությունը գնդակահարել է Ստրասբուրգի ահաբեկչության հեղինակին

Դեսպան Տիգրան Գևորգյանը հավատարմագրերը հանձնեց Սիրիայի նախագահ Բաշար Ալ-Ասադին

Ֆիլիպ Կիրկորովը Բաքուն անվանել է «հարազատ դարձած տուն»

Դժվարանցանելի են Սպիտակի ոլորանները, Սոթք-Քարվաճառ ճանապարհը, փակ է Վարդենյաց լեռնանցքը, Լարսը

Կալանավոր տեղափոխող Վիլիսը Արթիկում վրաերթի է ենթարկել 2 երեխայի, բախվել պատին. 5 վիրավոր կա

Տեղի է ունեցել Արցախի մասին ռուսերենով ու անգլերենով պատմող ֆիլմի շնորհանդեսը (տեսանյութեր)

Հայաստանում են ՌԴ օդատիեզերային պաշտպանության զորքերի ներկայացուցիչները

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին