Տնօրենը կաշառք է բաժանել ՀՀԿ-ի օգտին, հետո ետ պահանջել. Դալարի դպրոցում բողոքի ցույց էր

Արարատի մարզի Դալար գյուղի միջնակարգ դպրոցը հերթականն էր, որտեղ բողոքի ցույցեր էին անցկացվում՝ ընդդեմ տնօրենի:

Շողիկ Հախվերդյանից աշակերներն այսօր պահանջում էին հեռանալ տնօրենի պաշտոնից: Նրանց սատարում էին նաեւ ուսուցիչները: «Հախվերդյան, հեռացիր», «Ազգի դավաճան», «Դպրոցի դավաճան», «Հանրապետական հեռացար, փասափուսեդ մոռացար», «Հախվերդյան, հեռացար, փասափուսեդ մոռացար»,- դպրոցի բակում վանկարկում էին դասադուլ հայտարարած աշակերտները:

Նրանցից ոմանք դժվարանում էին նշել իրենց բողոքի ցույցի պատճառները, մյուսները թվարկում էին տարբեր դժգոհություններ. «Տնօրենը խիստ չէ, եւ դպրոցում կարգուկանոն չկա: Վիրավորում էր երեխաներին, օրինակ, որ կռիվ էին անում, դասերից շատ էին բացակայում, վիրավորանքով էր խոսում իրենց հետ, չգիտեմ ինչ էր ասում, բայց գիտեմ, որ վիրավորանքով էր խոսում», «Ես դժգոհ եմ զուգարարանից, շատ վաղուց է, բայց չի նորոգվել»,- ասում էին Դալարի դպրոցի միջին դասարաններում սովորողները: Նաեւ ավելացնում, որ դպրոցում գործում է անօրինական բուֆետ, մատյաններում գրված են գյուղից բացակայող երեխաների անուններ: Տարրական դպրոցի աշակերտները բողոքում էին իրենց տրվող սննդի որակից ու քանակից: Դժգոհում էին նաեւ, որ ուտելուց հետո իրենց ստիպում են հավաքել ափսեները:

«Բոլորն են բողոքում, որ ինքը լավ տնօրեն չի, ժողովրդին ճնշում է՝ աշակերտներին, ուսուցիչներին»,- պարզաբանեց 11-րդ դասարանցի Սերյոժան: Հարցին, թե ինչպես են այդ ճնշումներն արտահայտվում, նա պատասխանեց. «Կոպիտ ասած՝ ախ է տալիս, դուռն է փակում՝ ժողովուրդ դուրս մի եկեք, այս մի արեք, ցույցերի ժամանակ ով դուրս է եկել, կհեռացնեմ, սա կանեմ, նա կանեմ: Շատ մանրուքներ կան ու ոչ մեկն էլ իրենից գոհ չէ: Եվ մենք մեր նպատակին հասնելու ենք, որ ինքը հրաժարական տա»: Դպրոցի բակում գտնվող երիտասարդներից մեկն էլ, որն ինչպես հետո պարզվեց, դասվար Կատյա Գեւորգյանի որդին է, նշեց, որ տնօրենը խորհրդարանական վերջին ընտրությունների ժամանակ ՀՀԿ-ի համար քվե ապահովելու նպատակով ընտրակաշառք է բաժանել, բայց գյուղում ընտրվել է ԲԿՀ-ն, ինչից հետո նա ետ է պահանջել 10 հազարական դրամները: «Նման կեղտոտ մթնոլորտ ստեղծող տնօրենը իրավունք չունի ոչ միայն մեր, այլ ցանկացած հաստատությունում աշխատելու, նրանք թող գնան տանը նստեն, քաղհան անեն, երեւի քաղհան անելով, ավելի լավ կլինի: Գյուղում «Բարգավաճն» անցավ, որովհետեւ արդար են մեր գյուղացիները, հետո պահանջեց գումարները հետ բերել»,- նշեց Արմենը:

Դալարի դպրոցի ուսուցիչները: Աջից առաջինը՝ Կատյա Գեւորգյանը

Ուսուցչանոցում գտնվող մանկավարժներից քչերը ցանկացան խոսել ստեղծված իրավիճակի մասին, թեպետ այստեղ հայտարարում էին, որ դա բոլորովին չի նշանակում, թե չեն կիսում աշակերտների պահանջները: «Աշակերտների դժգոհությունները լիարժեք հիմնավոր եմ համարում: Դպրոցում անառողջ մթնոլորտ է տիրում, միշտ մեզ ահաբեկում է տնօրենը, միշտ վախի մթնոլորտ է: Անգամ ժողովների ժամանակ ամեն մեկս վախեցած, մի կողմ կծկված, ինչ ասում է, գլխով ենք անում: Բավական է, մենք հոգնել ենք ամեն ինչից: Մենք հոգնել ենք իր համար կամակատարներ լինելուց: Բոլորս գրագետ մարդիկ ենք: Այսքան գեղեցիկ, զարգացած, խելացի ուսուցիչներ ունենք, մենք մի հատ լիցենզավորված ուսուցիչ չունենք (խոսքը հավաստագրի մասին է, որի առկայությունը կարեւոր պայման է՝ դպրոցի տնօրենի թափուր պաշտոնի մրցույթին մասնակցելու համար-խմբ.): Հարցրեք՝ ինչու: Ինչ է, արժանի ուսուցիչներ չկա՞ն: Ահուսարսափից, որովհետեւ հաշվեհարդար կտեսներ մեզ հետ»,- ասաց Կատյա Գեւորգյանը:

«Անցած տարի քննությունների համար չեմ հիշում ինչ պատմություններ եղան, երեխաները վիրավորվեցին, խռովեցին, վեց լավագույն աշակերտ դպրոցը լքեցին գնացին: Մեզ ասում է՝ ձեր պատճառով առաջին դասարան երեխա չեն բերում, իսկ մենք սարսափում ենք ասել՝ ոչ, մեր պատճառով չէ, ասում են՝ քանի Հախվերդյան Շողիկը այդ դպրոցում է, մենք երեխա չունենք բերելու: Այնքան բան կա ասելու, որ ասեմ, մութը կընկնի: Քննաշրջանը ճիշտ չի անցկացնում, լավ երեխաներին ասում է՝ արտագրել եք, գնահատականները իջեցնում է, սթրեսի մեջ է պահում: Եթե որեւէ ուսուցիչ չվախենար ու բարձրաձայներ որեւէ խնդիր, ձայնը կբարձրացներ ու կընկներ այդ ուսուցչի հետեւից, այնպես որ դպրոցի դուռը չի ուզի բացի ու մտնի ներս: Չէ որ մենք 20 տարի շարունակ այդպիսի մթնոլորտւմ ենք ապրել՝ որտե՞ղ գնաս բողոքես, ո՞ւմ գանգատվես, բոլորիս համար էլ աշխատանքը թանկ է»,- շարունակեց Կատյա Գեւորգյանը:

Տնօրեն Շողիկ Հախվերդյանը

Դալար համայնքի միջնակարգ դպրոցի տնօրեն Շողիկ Հախվերդյանը դպրոցում տեղի ունեցող թեժ իրադարձությունները պայմանավորեց տնօրենի սպասվող ընտրության հետ. իր պաշտոնավարման 5 տարին լրացել է եւ պետք է անցկացվի թափուր պաշտոնը համալրելու նոր մրցույթ, որը նախատեսված է հունիսի 12-ին եւ որին ինքը պատարստվում է մասնակցել: Նա ասաց, թե ըմբռնումով է վերաբերվում իր դեմ դուրս եկած ուսուցիչներին, գիտակցում է, որ հանրավոր է՝ դա եղել է պահի ազդեցությամբ ու ինքը պատրաստակամ է համբերատար աշխատել եւ դպրոցում վերականգնել համերաշխության մթնոլորտը: «Դրսի ուժերը փորձում են իրավիճակ ստեղծել՝ իրենց անձնական շահերը, նկրտումները լուծելու համար: Ես ինքս ուղղամիտ մարդ եմ, հանգիստ եմ, աշխատում եմ եւ ինձ այնքան հեշտ չէ անհարմար վիճակի մեջ դնել: Ինչի համար ամաչեմ, ամաչեմ կաշառակերությա՞ն համար, ամաչեմ դրամահավաքությա՞ն համար, որ այսօր ամբողջ հանրապետությունով այդ խնդիրն է դրված: Ինչի՞ համար ամաչեմ, եթե նման բան չկա իմ դպրոցում»,- հայտարարեց նա:

ՀՀԿ-ի համար ձայներ ապահովելու համար կաշառք բաժանելու մասին պնդումներին պատասխանելով էլ՝ նշեց. «Հիմա ամեն ինչ կարող են ասել, արդյո՞ք կարող են ապացուցել: Մեկ տարուց ավել անցել է, նրանք կարո՞ղ են փաստեր ներկայացնել՝ ինչի հիման վրա են այսօր ինձ մեղադրում: Եթե ժամանակին նկատել էին նման բան, ինչո՞ւ չբարձրաձայնեցին: Նման բան չի եղել, ես հերքում եմ, այո՛: Եթե իրենք չեն կարող այդ փաստերը բերել, ուրեմն ինչումն է իմ խնդիրը, ինչու են մեղադրում ինձ»:

Շողիկ Հախվերդյանը, անդրադառնալով հնչեցված տարբեր բողոքներին, դրանց մի մասը հերքեց, մի մասը օբյեկտիվ համարեց, մի մասը թողեց անարձագանք, բայց եւ զարմանք հայտնեց, թե ինչու իր ընդդիմախոսները չեն թվարկում նաեւ իր պաշտոնավարման հինգ տարիների ընթացքում գրանցված ձեռքբերումները՝ անհրաժեշտ գույքով հագեցած լաբորատորիաներ, բնագիտական առարկաների կաբինետներ ու համակարգչային դասարաններ, ջեռուցման համակարգ եւ այլն:

Դասվար Կատյա Գեւորգյանի որդին, արձագանքելով Շողիկ Հախվերդյանի դիտարկմանը, թե նա է այս ամենը կազմակերպում՝ մորը տնօրեն դարձնելու նպատակով, նկատեց, որ նա նախկինում էլ հայտարարում էր, թե գյուղապետն է հրահրում՝ փոխտնօրենին տնօրենի պաշտոնում տեսնելու նպատակով, ինչը հերքվել է: Չբացառեց նաեւ, որ երբ բոլորի կողմից մերժված տնօրենը հեռանա, հավաստագիր ձեռք բերած ցանկացած ուսուցիչ կարող է հավակնել տնօրենի պաշտոնին, այդ թվում իր մայրը:

Տպել
8373 դիտում

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան