ՔՊ-ն մարզերն «իրենով է անելու», ԲՀԿ-ն և ՀՅԴ-ն մարզպետ չեն ունենալու. ովքեր են թեկնածուները

Կառավարության կազմի ձեւավորումից հետո օրակարգում մարզպետների նշանակումն է: Մայիսի 21-ին լրագրողների հարցին ի պատասխան վարչապետ Նիկոլ Փաշինյանը հայտարարեց, որ մարզպետների ամբողջ կազմը փոխվելու է:

«Ես կարծում եմ, որ մարզպետների կազմն ամբողջությամբ կփոխվի»,- մասնավորապես, ասել էր վարչապետը:

Ըստ մեր աղբյուրի, մարզպետների պաշտոնական նշանակումներ կլինեն առաջիկա մեկ-երկու օրվա ընթացքում:

Ենթադրվում էր, որ մարզպետների պորտֆելների բաժանումն էլ պետք է լիներ նախարարների պորտֆելների բաժանման սկզբունքով: Այսինքն՝ մարզերում ղեկավարներ պետք է ունենային Քաղաքացիական պայմանագիր, Բարգավաճ Հայաստան եւ Դաշնակցություն կուսակցությունները: 

ԲՀԿ-ից ՀԺ-ի հարցին ի պատասխան փոխանցեցին, որ այս մասով որեւէ քննարկում դեռ վարչապետի հետ չի եղել: Մեր հարցին՝ մարզպետների պորտֆելների բաժանումն էլ պետք է կառավարության անդամների նման լինի՞, խորհրդարանական Ծառուկյան խմբակցության պատգամավոր Նաիրա Զոհրաբյանը պատասխանեց.

«Ես բանակցություններին չեմ մասնակցում, բայց մեկ բան կարող եմ հստակ ասել՝ երբ կլինեն հստակ պայմանավորվածություններ, այդ ժամանակ էլ ԲՀԿ-ն հայտարարություն կանի: Այս պահին ես որեւէ տեղեկատվության չեմ տիրապետում: Վստահ եմ, որ առաջիկայում որոշակի հանգուցալուծումներ կլինեն»,- ասաց Նաիրա Զոհրաբյանը:

Մեր հարցին՝ ԲՀԿ-ում ներկուսակցական քննարկում եղե՞լ է այս մասով, եթե պարտֆելներ առաջարկվեն, ապա որոշե՞լ են, թե ովքեր են դրանք զբաղեցնելու, Զոհրաբյանն ասաց.

«Դա մեր ներկուսակցական խնդիրներն են եւ չեմ կարծում, որ կուսակցական քննարկումները մինչեւ այն պահը, երբ կլինեն վերջանական որոշում, հրապարակելը ճիշտ է: Ներկուսակցական քննարկումները մամուլի սեփականություն դարձնելը ճիշտ չեմ համարում»,- ասաց Զոհրաբյանը:

Մեր տեղեկություններով՝ մայիսի 22-ին ԲՀԿ տարածքային կառույցների ներկայացուցիչների եւ ԲՀԿ էլիտայի անդամների հանդիպում է եղել, սակայն, ինչպես տեղեկացանք, քննարկման օրակարգում առաջիկա ՏԻՄ ընտրություններն են եղել, մարզպետների մասով որեւէ հարց չի արծարծվել:

Դաշնակցությունում եւս հստակ պատասխան չեն կարողանում տալ, թե իրենց մարզպետական քանի պորտֆել է բաժին հասնելու: ՀՅԴ ԳՄ ներկայացուցիչ Արսեն Համբարձումյանը «Հայկական ժամանակ»-ի հարցին ի պատասխան, թե վարչապետ Նիկոլ Փաշինյանի հետ քննարկումներ եղե՞լ են այս մասով, պատասխանեց.

«Երբ քննարկումների արդյունքում պայմանավորվածություններ կունենանք այդ մասին՝ կհայտարարենք: Որոշակի քննարկումներ ունեցել ենք, բայց որեւէ պայմանավորվածություններ չունենք»,- նշեց ՀՅԴ ԳՄ ներկայացուցիչ Արսեն Համբարձումյանը:

Քաղաքացիական պայմանագիր կուսակցությունը եւս չի ցանկանում այս հարցով փակագծեր բացել ու մարզպետացուների անուններ տալ: ԵԼՔ-ի պատգամավորներից Լենա Նազարյանը ՀԺ-ի հետ զրույցում նշեց, որ այդ մասով գործադիրն է որոշումներ կայացնելու:

Քաղաքական դաշտի կուլիսներում որոշակի տեղեկություններ են շրջանառվում, որ մարզպետացուներ Բարգավաճ Հայաստան եւ Դաշնակցություն կուսակցությունները չեն ունենալու: Մեկ այլ տեղեկության համաձայն էլ այս մասով երկու կուսակցությունների հետ Նիկոլ Փաշինյանը ոչ մինչեւ ընտրվելը եւ ոչ էլ դրանից հետո որեւէ քննարկումներ չի ունեցել:

Այդուհանդերձ, արդեն մարզպետացուների թեկնածուների անուններ են շրջանառվում: Այս օրերին կռվախնձոր է դարձել հանրապետության ամենաաղքատ մարզը՝ Շիրակը: Տեղեկություններ եղան, որ այն կրկին բաժին է հասնելու Դաշնակցությանը եւ մարզպետ է նշանակվելու ՀՅԴ-ական Հակոբ Մաթիլյանը: Նա նախկինում ջրային պետական կոմիտեի Շիրակի կառույցի ղեկավար է եղել: Այս մարզի վրա աչք ուներ նաեւ Ծառուկյան խմբակցության պատգամավոր, Գյումրու նախկին քաղաքապետ Վարդան Ղուկասյանը: Սակայն, այս տարբերակն այնքան է զայրացրել քաղհասարակությանը, որ նրանք մի քանի օր առաջ եկել են Երեւան եւ հանդիպել ՔՊ-ի էլիտայի ներկայացուցիչների հետ: Այժմ որպես մարզպետի թեկնածու շրջանառվում է ՔՊ-ական, գյումրեցի Կարեն Սարուխանյանի անունը:

Կոտայքի մարզպետի թեկնածու էլ շրջանառվում է պատգամավոր Սասուն Միքայելյանի անունը, իսկ Արարատի մարզպետ, ըստ տեղեկությունների, լինելու է ՔՊ-ական Գարիկ Սարգսյանը: Նա Արարատի մարզի Նոր Կյանք գյուղի ղեկավարն է այժմ: Սակայն այս շրջանառվող տեղեկություններն այնքան էլ իրատեսական չեն, որովհետեւ ՔՊ-ում ներքին որոշում է ձեռք բերվել, որ տվյալ մարզի բնակիչը տվյալ մարզում ղեկավար չի նշանակվելու: Սա արվում է հետագայում խնամի-ծանոթ-բարեկամ սկզբունքով գործեր չդասավորելու եւ հարցեր չլուծելու համար:

Ի դեպ, մեր տեղեկություններով աշխատանքային օրվա ավարտին, գրեթե ամեն օր տեղի է ունենում Քաղաքացիական պայմանագիր կուսակցության անդամների հանդիպումը՝ Նիկոլ Փաշինյանի գլխավորությամբ: Այս օրերին այդ հանդիպումների ընթացքում քննարկվում է նաեւ մարզպետների հարցը: Հստակեցվել է մի բան, որ մարզպետները լինելու են կուսակցական:

Տպել
9779 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին