Լեւոնը՝ ֆուտբոլային պրոեկտի կազմկոմիտեի անդամ. համակարգում է նաեւ Ադրբեջանի գործերը

«Արցախ» ֆուտբոլային թիմի, ՀՀ 2004 թ. ծնվածների հավաքականի մարզիչ Լեւոն Ղասաբօղլյանը 2-րդ տարին անընդմեջ ՀՀ-ն է ներկայացնում «Ֆուտբոլը բարեկամության համար» ծրագրում: Այս անգամ նա գնում է ոչ թե որպես մարզիչ, այլ կազմկոմիտեի անդամ: Մասնակից երկրների թիվը 64-ից հասել է 211-ի, եւ լրացուցիչ համակարգողների կարիք է զգացվել: Նախորդ տարի Սանկտ Պետերբուրգում ցուցաբերած ակտիվությամբ Լեւոնը գրավել է նախագծի կազմակերպիչների ուշադրությունը, եւ այս տարի 9 երկիր՝ այդ թվում Ադրբեջանը, մասնակցելու է նրա պատասխանատվությամբ: Լեւոնը պետք է համակարգի այդ երկրների կողմից մինչեւ 12 տարեկան մեկական ֆուտբոլիստի ու լրագրողի, ինչպես նաեւ չափահաս 2 լրագրողի մասնակցությունը: ՀԺ-ի հետ զրույցում նա պատմեց ադրբեջանցիների հետ աշխատանքի կազմակերպման մասին:

«Պետք է գործուղվեի Բաքու, բայց հասկանալի պատճառներով՝ չգնացի: Վրաստանի սահմանից էի կարգավորում: Ես եւ Անդրկովկասի ու Միջին Ասիայի կազմկոմիտեի ղեկավար Ամինա Կոնուրբաեւան գնացինք Վրաստանի եւ Ադրբեջանի սահման, բայց ես չանցա: Ադրբեջանի ներկայացուցիչը, որը զբաղվում է այս հարցով, նորմալ, ադեկվատ մարդ է: Անցած տարի Սանկտ Պետերբուրգում արդեն իրար հետ լեզու էինք գտել: Աշխատանքների մասին ինձ զեկուցում են հեռախոսով: Հանձնարարությունները նրանք կատարել են բարձր մակարդակով: Երբ Սանկտ Պետերբուրգում անցած տարի ամփոփում էինք, գլխավոր կազմակերպիչն ասաց, որ միայն այն, որ միասին ամփոփում ենք, ու հայն ու ադրբեջանցին նստած իրար հետ նորմալ զրուցում են, արդեն ցույց է տալիս, որ «Ֆուտբոլը բարեկամության համար» կարգախոսը 100% աշխատում է»,- ասաց նա:

Բացի Ադրբեջանից՝ Լեւոն Ղասաբօղլյանի պատասխանատվության տակ են նաեւ Ղազախստանի, Ուզբեկստանի, Տաջիկստանի, Վրաստանի, Մոնղոլիանի, Ղրղզստանի, Աֆղանստանի, ինչպես նաեւ Հայաստանի պատվիրակությունները: Որպես ֆուտբոլիստ Հայաստանից այս տարի ընտրվել է ՀՖՖ տեխնիկական կենտրոնի՝ Ֆուտբոլի ակադեմիայի 2006 թ. ծնվածների թիմի հարձակվող Էրիկ Հարությունյանը: Ինչպես անցած տարի, ընտրության ժամանակ, բացի ֆուտբոլային որակներից, ուշադրություն են դարձրել նաեւ անգլերենի իմացությանը եւ սոցիալապես ակտիվ լինելուն: Լեւոնն ընդգծում է, որ 12-ամյա ապագա ֆուտբոլիստի համար սա կարեւոր փորձ է:

«Շատ մեծ փորձ է նրա համար, շփում, փորձի փոխանակում: Ուղղակի ցանկանում եմ, որ Էրիկը խաղա լիարժեք, հանգիստ: Կարողանա շուտ ադապտացվել այդ կոլեկտիվին ու դրսեւորի իրեն լավագույն  կողմերով»,- ասաց նա:

Էրիկ Հարությունյան

Մարզիչն իր աչքով է տեսել՝ որքան դրական ազդեցություն են նման միջոցառումներն ունենում երեխաների վրա ու ինչպես են խթան դառնում, որ նրանք իրենց առջեւ նոր դնեն: Անցած տարի նա նույն ծրագրին որպես մարզիչ գնացել էր իր սանի՝ Էդգար Ասլանյանի հետ: Նշում է, որ տղայի մոտ ոգեւորությունը նույնն է մնացել նաեւ նախագծի ավարտից հետո:

«Բավականին լավ հանդես եկավ: Նրա համար էլ շատ մեծ փորձ էր: Էդգարի գոլը ճանաչվեց մրցաշարի լավագույն գոլ: Դրանից հետո նրա մոտ էլի նկատվում էր ոգեւորություն: Ճիշտ է՝ արդեն նրա հետ չեմ աշխատում, բայց անընդհատ ինձ հետ կապի մեջ է, զանգում պատմում է իր խաղերի մասին»,- ասաց նա:

«Ֆուտբոլը բարեկամության համար» ծրագիրը ռուսական «Գազպրոմ» ընկերության հիմնադրած մրցաշարն է: Անցկացվում է ՖԻՖԱ-ի ու ՈՒԵՖԱ-ի հովանու ներքո: Այս տարի տեղի է ունենալու Մոսկվայում հունիսի 8-15-ը: Բոլոր երկրների պատվիրակություններն աշխարհի 2018 թ. առաջնության բացման Սաուդյան Արաբիա-Ռուսաստան խաղին ներկա գտնվելու հնարավորություն են ունենալու: Հանդիպումը տեղի է ունենալու հունիսի 14-ին:

Հայաստանից ընտրված 12-ամյա լրագրող Սամվել Գեւորգյան

Տպել
3614 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին