Մանկապարտեզների տնօրեն, թաղապետի տեղակալ, վարորդ. ովքեր էին պաշտպանում Տարոն Մարգարյանին

Ապրիլի 22-ին Ավան վարչական շրջանում ցուցարարների մեքենաները մահակով ջադուփշուր արած հանցախմբի անդամներից եւս երկուսի ինքնությունը հայտնի է:

Նրանք եւս հանդիսանում են Երեւանի քաղաքապետ Տարոն Մարգարյանի մտերիմները. աշխատում են Ավանի թաղապետարանում:

Մեզ հաջողվեց պարզել, որ նրանցից մեկը Կարեն Տոնոյանն է. աշխատում է Ավանի թաղապետարանի հարկային բաժնում: Հրապարակված տեսանյութում նա կապույտ բաճկոնով եւ բժշկական դիմակով է, ձեռքին՝ մահակ: Համացանցում հրապարկված լուսանկարներից մեկում էլ նա առանց բժշկական դիմակի է: Տեղեկացանք, որ Տոնոյանը դեռ շարունակում է աշխատանքի գնալ, ավելին՝ իրապահների համար նրա ինքնությունը շարունակում է «անհայտ» մնալ:

Կարեն Տոնոյանը

Հանցախմբի մյուս անդամը Էդմոն Պետրոսյանն է. աշխատում է Երեւանի քաղաքապետարանում, առաջատար մասնագետ է: Նա Կարեն Տոնոյանի հետ նույն վայրում է եղել, կրկին՝ բժշկական դիմակով: Նա եւս դասվել է «անհայտների» շարքը:  

էդմոն Պետրոսյանը

Արդեն տեղեկացրել ենք, որ Ավանում ցուցարարների մեքենան մահակներով ջարդուփշուր անելու գործին լծված են եղել Ավանի թաղապետարանի աշխատակիցները: Ավանում տեղի ունեցած դեպքերով վեց քրեական գործ է հարուցվել, բայց գործով միայն թաղապետարանի մեկ աշխատակից է կասկածյալ՝ այն էլ լրագրողի աշխատանքը խոչըդնոտելու դեպքով հարուցված քրեական գործի շրջանակներում: Խոսքը Ավան վարչական շրջանի աշխատակազմի աշխատակից, գլխավոր մասնագետ Արթուր Գասպարյանի մասին է. նա կասկածվում է ապրիլի 22-ին Ավանում «Հանրային ռադիոյի» պրոդյուսեր Վրույր Թադեւոսյանի լրագրողական աշխատանքը խոչընդոտելու մեջ: Այդ օրը ջարդուփշուր էին արել Թադեւոսյանի մեքենան, ձեռքից վերցրել հեռախոսը:

Այնուամենայնիվ, նախաքննական մարմինը չի շտապում Տարոն Մարգարյանի մտերիմներին, օրինակ, ապրիլի 22-ին տեղի ունեցած զանգվածային անկարգությունների գործով կասկածյալի կարգավիճակ տալ՝ չնայած այն հանգամանքին, որ արդեն իսկ նրանց տվյալները, լուսանկարները եւ նրանց մասնակցությամբ տեսանյութերը հրապարկված են: Բայց նույն դանդաղկոտությունը նախաքննական մարմինը չի դրսեւորել օրինակ ՊՊԾ գնդի գրավման օրերին՝ 2016 թվականի հունիսի 20-ին, Խորենացիում տեղի ունեցած զանգվածային անկարգությունների դեպքով հարուցված քրեական գործի ժամանակ. իրավապահները հենց հաջորդ օրը ձերբակալեցին մի քանի ակտիվիստների՝ կասկածելով նրանց զանգվածային անկարգություններին մասնակցելու մեջ:

Ավանի թաղապետարանի մյուս աշխատակիցներն էլ իշխանափոխությունից հետո սկսեցին ի պաշտպանություն Տարոն Մարգարյանի ակցիա կազմակերպել հենց քաղաքապետարանի մոտ, այն բանից հետո, երբ մի խումբ ակտիվստներ մի քանի օր ընդդեմ Տարոն Մարգարյանի ակցիաներ էին կազմակերպում քաղաքապետարանի մոտ՝ պահանջելով նրա հրաժարականը:

Տարոն Մարգարյանի պաշտպանության գործին կրկին լծված է եղել Ավանի թաղապետ, Տարոն Մարգարյանի մտերիմ ընկեր Մանվել Ջավադյանն իր ենթակայության տակ գտնվող ողջ ռեսուրսով: «Տարոնը մերն ա», «Տարոն քաղաքապետ» վանկարկողները պարզվեց, ոչ թե սովորական մտահոգ քաղաքացիներ են եղել, այլ նրա ենթակաները:

Ստորեւ ներկայացնում ենք այն անձանց, ովքեր մասնակցում էին Տարոն Մարգարյանի պաշտպաննությանն ուղղված ակցիային:

Լուսինե Պողոսյան. Տարոն Մարգարյանի սանիկն է՝ «Ավանի մանկապարտեզներ» ՀՈԱԿ-ի տնօրեն: Վերջինիցս այսօր հետաքրքվեցինք, թե ինչպե՞ս է որոշել մասնակցել ակցիային եւ արդյո՞ք նման հրահանգ անձամբ Տարոն Մարգարյանն է տվել: Ի պատասխան Պողոսյանն ասաց. «Ոչ, ոչ մի հրահանգ չի եղել, բայց ո՞վ է ասել, որ ես հիմա այս մանկարտեզում եմ (54 մանկապարտեզի մասին է խոսքը,-հեղ.), միայն բաժնում գիտեն այդ մասին»,- ասաց նա, ապա հավելեց, թե հեռախոսով որեւէ հարցի չի պատասխանում եւ որ մենք խանգարում ենք իր ստուգայցին:

Արարատ Մարկոսյան՝ կնոջ հետ. վերջինս ակցիային մասնակցել է ընտանիքով՝ կնոջ եւ դստեր հետ միասին: Մարկոսյանը Ավանի թաղապետ Մանվել Ջավադյանի տեղակալն է, Տարոն Մարգարյանի զարմիկը:

 

Բորիս. Մանվել Ջավադյանի վարորդն է:

Տիգրան Մուրադյան. Լուսինե Պողոսյանի ամուսինը: Վերջինս Տարոն Մարգարյանի ընկերն է: Նախնական տեղեկություններով, Մուրադյանն աշխատում է «Գազպրոմ-Արմենիա» ընկերությունում:

Անահիտ. Ընտրությունների ժամանակ Տարոն Մարգարյանի փեսայի՝ Ռոբերտ Սարգսյանի շտաբում աշխատել է որպես քարտուղարուհի

Սերոբ Կարապետյանի կինը. Սերոբ Կարապետյանը «Էյ-Ի-Ջի-Սերվիս» ՍՊԸ-ում Երևանի ԳՀՏՍ ծառայության պետ է: Ավան համայնքի ավագանու անդամ:

Արարատ Մարկոսյանի դուստրը

Տպել
11365 դիտում

Էրեբունու 10/36 ընտրատեղամասում մեծ առավելությամբ առաջատարն է «Իմ քայլը» դաշինքը. նախնական արդյունք

Ժամը 20-ի դրությամբ դրությամբ Երեւանի ավագանու արտահերթ ընտրություններին մասնակցել է ընտրողների 43.65%-ը

Դավիթաշենում «Իմ քայլը» դաշինքը 77.88 տոկոս է հավաքել. նախնական արդյունքներ

Երեւանի ավագանու արտահերթ ընտրությունների արդյունքներին կարող եք հետեւել օն-լայն ռեժիմով, ժամը 24-ից ԿԸՀ հաշվիչը կմիանա

Ավան վարչական շրջանի 1/09 տեղամասում սկսվեց ընտրությունների արդյունքների հաշվարկը

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում