Պուշկինոյում կրքերը չեն հանդարտվում. պահանջում են քննիչին (լուսանկարներ, տեսանյութ)

Լոռու մարզի Պուշկինո գյուղի բնակիչները կրկին հավաքվել են գյուղում՝ անտառտնտեսությունում իրականացված ստուգումների վերաբերյալ մի շարք հարցերի պատասխաններ ստանալու ակնկալիքով: Գյուղացիները, ինչպես նախորդ անգամ, այս անգամ եւս նշում էին, որ տեղազննություն իրականացրած քննիչը արձանագրել է նաեւ այն հատված ծառերի կոճղերը, որոնք արդեն իսկ տարիներ առաջ արձանագրվել ու դրա համար մեղավորները պատժվել են:

Գյուղացիների հետ հանդիպման, ի զարմանս բոլորի, եկել էին միայն ոստիկանության Լոռու մարզային վարչության պետի տեղակալ Մարատ Մանուկյանն ու ոստիկանության Ստեփանավանի բաժնի պետ Արսեն Աղումյանը, ովքեր բնակիչներին հայտնեցին, որ իրենց դժգոհությունների հետ կապված ներկայումս Երեւանում քննարկում է իրականացվում, արդյունքների վերաբերյալ բնակիչներին լրացուցիչ կտեղեկացնեն համապատասխան մարմինները:

Բնակիչներն իրենց հուզող հարցերը՝ հատված անտառների, ինչպես նաեւ իրենց՝ օրինական ճանապարհով հասնող անվճար թափուկի տոմսերի չտրամադրման հետ կապված կրկին բարձրաձայնեցին իրավապահների մոտ, պնդելով, որ ծառերը հատել են, քանի որ անտառտնտեսության ներկայիս տնօրենը իրենց ոչ փաստաթուղթ է տրամադրել, ոչ էլ թույլատրել է մտնել անտառ:

Ստեփանավանի ոստիկանապետը հայտնեց, որ ուսումնասիրություններն իրականացվում են քրեական գործի շրջանակներում: Վստահեցրեց՝ որեւէ մեկը նպատակ չունի ոչ հատված ծառերի թիվը ուռճացնելու, ոչ էլ հին ծառերը նորից արձանագրելու: Վերջինիս հետ կապված, սակայն, Պուշկինոյի բնակիչները թերահավատ են:

Գյուղացիները չեն ժխտում, որ ապօրինի անտառահատումներ են իրականացրել, սակայն պնդում են, որ դա արել են կարիքից դրդված, քանի որ երեխաները տաքանալու եւ սնվելու խնդիր ունեն: Բնակիչները իշխանություններից պահանջում են նախ պարզել, թե ինչու չի անտառտնտեսության տնօրենը իրենց տրամադրել անվճար վառելափայտի տոմսերը եւ հետո խնդրում են, որպեսզի իրենց արածների համար պատասխանատվության չենթարկվի անտառապահը:

Ինչպես նախորդ օրերին, այսօր եւս ոչ բնապահպանական տեսչության մարզային աշխատակիցներն էին ներկա ցույցին, ոչ խոշորացված համայնքի ղեկավարը, ոչ էլ որեւէ այլ մարդ, ինչն է՛լ ավելի է զայրացրել գյուղացիներին, ովքեր մտավախություն ունեն, որ ՀՔԾ քննիչը կարող է իրավիճակի մասին այլ արձանագրություն կազմել ու լրիվ այլ իրավիճակ ստեղծել:

Բնակիչները, ականջալուր լինելով տեղի իրավապահների հորդորներին, խոստացան սպասել հանդիպման պատկան մարմինների հետ ու նրանցից ստանալ իրենց հուզող բոլոր հարցերի պատասխանները, հակառակ դեպքում կդիմեն ծայրահեղ քայլերի:

 Պուշկինո համայնքը գազաֆիկացված չէ:

Մանրամասները՝ Armtimes.com-ի տեսանյութում

Տպել
3453 դիտում

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞

Քրիստինե Սարգսյանը նշանակվել է Առողջապահական ծրագրերի իրականացման գրասենյակի տնօրենի պաշտոնակատար

Բքի և վատ տեսանելիության պատճառով Քուչակ-Ապարան հատվածը դժվարանցանելի է

Հայաստանը շարունակում է ջանքեր գործադրել խաղաղապահ կարողությունների զարգացման ուղղությամբ

Հայ ծնողների կողմից Ռուսաստանում լքված 3 ամսական փոքրիկը տեղափոխվեց Հայաստան (տեսանյութ)