Քննարկվել են Պարենի և գյուղատնտեսության կազմակերպության հետ համագործակցության հարցերը

ՀՀ գյուղատնտեսության նախարար Արթուր Խաչատրյանը նախօրեին հանդիպում է ունեցել Հայաստանում ՄԱԿ-ի Պարենի և գյուղատնտեսության կազմակերպության (ՊԳԿ) ներկայացուցիչների հետ՝ ընթացիկ գործունեությունը և համագործակցության հեռանկարները քննարկելու նպատակով։ Հանդիպմանը մասնակցում էին ՀՀ գյուղատնտեսության նախարարի տեղակալ Արմեն Հարությունյանը, ՊԳԿ-ի փորձագետներ, նախարարության այլ պատասխանատուներ: 

Ողջունելով հյուրերին՝ նախարար Արթուր Խաչատրյանը կարևորել է ՊԳԿ-ի աջակցությամբ գյուղատնտեսության ոլորտում իրականացվող ծրագրերը՝ վստահություն հայտնելով, որ ՀՀ գյուղատնտեսության նախարարության հետ համագործակցությունը կշարունակի ընդլայնվել և խորանալ: 

«Գյուղատնտեսությունը երկարաժամկետ խնդիրներ է լուծում, և մենք գիտակցում ենք, որ որոշակի շեշտադրումների փոփոխություն պետք է լինի:Մասնավորապես, եթե հաշվի առնենք, որ որոշ ոլորտերում արտադրանքի էական մասը՝ մինչև 90-95%-ը, ստացվում է փոքր տնային տնտեսություններից, տրամաբանական է, որ նրանց  նույնպես անհրաժեշտ է քաղաքականության մեջ ներգրավել: Բացի այդ, փոքր տնտեսություններին պետք է ընդգրկել նաև կոոպերացիայի մեջ: Արդյունավետ կոոպերացիան մեզ համար շատ կարևոր է  ինչպես շահերի պաշտպանության, այնպես էլ գյուղատնտեսական արժեշղթան ամբողջականացնելու տեսանկյունից։», – նշել է նախարարը: 

Հայաստանում ՄԱԿ-ի ՊԳԿ-ի ներկայացուցչի օգնական Գայանե Նասոյանն իր խոսքի սկզբում  շնորհավորել է Արթուր Խաչատրյանին՝ ՀՀ գյուղատնտեսության նախարարի պաշտոնը ստանձնելու առթիվ՝ մաղթելով արդյունավետ աշխատանք։ 

Գայանե Նասոյանն այնուհետև ներկայացրել է 2016-2020 թվականների ՊԳԿ-ի առաջնահերթությունների ծրագրային շրջանակը, հատուկ անդրադարձ է կատարվել Հայաստանում խաղողի գենետիկական ռեսուրսների պահպանմանը, ձկնաբուծության ոլորտում ջրային ռեսուրսների այլընտրանքային օգտագործմանը, խաղողի ֆիլոքսերադիմացկուն և հավաստագրված տնկանյութի հավաստագրմանը, կաթնամթերքի մատակարարման և վերամշակման գործընթացների բարելավմանն ուղղված ծրագրերին:   Եվրոպական հարևանության գյուղատնտեսության և գյուղի զարգացման (ENPARD) ծրագրի ղեկավար Վահան Ամիրխանյանն իր հերթին ներկայացրել է այդ ծրագրի շրջանակում իրականացված աշխատանքներն ու հետազոտությունները։ 

Հանդիպման ընթացքում կողմերը մտքեր են փոխանակել ծրագրերի արդյունավետության բարձրացման և հետագա համագործակցության ուղղությունների շուրջ: Քննարկվել են երկուստեք հետաքրքրություն ներկայացնող մի շարք այլ հարցեր ևս։

ՀՀ գյուղատնտեսության նախարար Արթուր Խաչատրյանը նախօրեին հանդիպում է ունեցել Հայաստանում ՄԱԿ-ի Պարենի և գյուղատնտեսության կազմակերպության (ՊԳԿ) ներկայացուցիչների հետ՝ ընթացիկ գործունեությունը և համագործակցության հեռանկարները քննարկելու նպատակով։ Հանդիպմանը մասնակցում էին ՀՀ գյուղատնտեսության նախարարի տեղակալ Արմեն Հարությունյանը, ՊԳԿ-ի փորձագետներ, նախարարության այլ պատասխանատուներ:

Տպել
6829 դիտում

Կատարել ենք մեր ժողովրդի առաջ ստանձնած բոլոր պարտավորությունները՝ առանց բացառության. Փաշինյան

Նիկոլ Փաշինյանը մամուլի ասուլիսին ներկայացել է ՀՀ դրոշի գույներով փողկապով

Վրաստանում փորձում են ընտրողներին կաշառել պարտքերի զրոյացմա՞մբ

Հայ մարմնամարզիկները սկսում են պայքարը օլիմպիական վարկանիշային միավորների համար

«Յանդեքս տաքսին» լրտեսությո՞ւն է իրականացնում. Լիտվայում մտահոգված են

Լիխտենշտեյնի հետ ոչ ոքիից հետո Գյուլբուդաղյանցի ասուլիսին 1 լրագրող է եղել

Մահացել է վթարի ենթարկված բալետի 23-ամյա արտիստը

Երբ Հայաստանից մեկնեցի, այն շատ մռայլ էր, հիմա ինքնաբավ երկիր է. Ռուսական թատրոնի գեղղեկավարն աշխատանքի է անցել

Պաշտպանի ներկայացուցիչները չհայտարարված այցով Կենտրոնական զինվորական հոսպիտալում են եղել

Ադրբեջանում պայթյուն է որոտացել շենքերից մեկում, փլատակների տակ մարդիկ են մնացել (լուսանկարներ)

Արմեն Գրիգորյանի գլխավորած պատվիրակությունը կմեկնի Մոսկվա՝ մասնակցելու ԱՊՀ ԱԽ համաժողովին

Վրաերթ Գյումրիում. կա տուժած

Ցավում ենք, որ պարոն Իոաննիսյանը ներկայացնում է սուբյեկտիվ դատողություններ․ նախարարության արձագանքը

Ուկրաինայի Սումի քաղաքում հայկական խաչքար է տեղադրվել

«Թուրքական հոսք» գազամուղով ռուսական գազը կհասնի նաև Եվրոպա, Պուտինը Թուրքիայում է

Լարսի ճանապարհն ամբողջությամբ բաց է. ծանրաքարշ բեռնատարները հատում են սահմանը

Վալերի Օսիպյանը ճանապարհել ու դիմավորել է սահմանապահ ոստիկաններին (լուսանկարներ)

Թուրքիայում կաղամբով բեռնված մեքենայում ապօրինի ներգաղթյայլների խումբ է բացահայտվել

Չի կարող լինել քաղաքական ընտրություն, երբ ընտրելու բան չկա. քաղաքագետ Ստեփան Դանիելյան

ՀՀ ֆուտբոլի ընտրանին ոչ-ոքի խաղաց Լիխտենշտեյնի հետ. դուրս է մնում Ազգերի լիգայից