Ջահել են հլը, սովոր չեն. Սարոյանը՝ երիտասարդ նախարարների կաշառակեր չլինելու մասին

Խորհրդարանում ՀԺ-ի լրագրողը ԱԺ ՀՀԿ-ական պատգամավոր Սեյրան Սարոյանից հետաքրրքվեց` ի՞նչ հարցեր են տալու կառավարության նոր անդամներին, ի՞նչ խնդիրներ են բարձրաձայնելու:

«Թողեք մարդիկ գան, տեսնենք ինչ ա, ինչ չի: Նոր-նոր նշանակել են, չեմ ճանաչում, բայց ջահել տղերք են, ի՞նչ վատ ա: Այ հիմա էլ ընցաք մեր յանի՞ց»,- ասաց Սարոյանը՝ դիմելով լրագրողներին:

Հարցին` արդյո՞ք ծանոթ է ԱԽ քարտուղար Արմեն Գրիգորյանի հայտարարությանը Ազգ-բանակ հայեցակարգի մասին, վերջինս հայտարարել է, որ պետք է հանել այդ հայեցակարգը, Սարոյանն ասաց. «Ծանոթ չեմ, բայց մի բան գիտեմ` բոլորս պետք է մեր բանակի կողքին լինենք, հիմա անվտանգության քարտուղար կլնի, Սեյրան Սարոյան կլնի, ով կլինի, բոլորս էլ պետք է մեր բանակի կողքին լինենք, որը մեր բանակի համար լավ ա պիտի անենք բանակի համար»:

ԱԱԾ տնօրեն Արթուր Վանեցյանը նշել է սկանդալային բացահայտումների մասին: ՀԺ-ի հարցին հնարավոր է, որ իր անվան հետ էլ ինչ-որ կոռուպցիոն սկանդալներ բացահայտվեն, Սարոյանը նկատեց.

«Ես տենց պետական պաշտոնի եղել ե՞մ, որ բան գողանամ էս պետությունից, մեզի ո՞վ ա թողե, որ էդ կաստուրկին մոտ էթանք, որ մի հատ էլ գողանամ»,- ասաց նա: Իսկ թե ում են մոտ թողել, նա ասաց, որ չգիտի:

Խոսելով պատգամավոր Կոնջորյանի այն հայտարարության մասին, թե երիտասարդ նախարարները անփորձ են ատկատների ու կոռուպցիայի հարցում, նա ասաց. «Հարյուր տոկոս ճիշտ ա ասել, ջահել են հլը, սովոր չեն, բայց կսովորեն: Տա աստված, որ չվերցնեն կաշառք, եթե նամուս ունենան, եթե թասիբ ունենան չեն անի տենց բան: Կյանքը ցույց կտա: Կարողա նենց պրինցիպյալ են, որ չանեն տենց բան, եթե չանի ես իրա ցավը տանեմ»:

Իսկ թե կմասնակցի արտահերթ ընտրություններին, թե՝ ոչ, նա ասաց, որ կյանքը ցույց կտա: «Ասում ա` մինչեւ չգա թազեն, հինը չի հիշվի, չէ՞: Հիմա եկել են, բարով են եկել, ոչ մեկի վրա ցեխ չի կարելի շպրտել, մեր ազգի վատն ի՞նչն ա, որ իրար վրա ցեխ շպրտենք, մնդռենք: Ես երբեք ըտենց բան չեմ արել, հիմա էլ չեմ անում: Տա աստված, ժողովրդի ցանկությունը կատարենք, տես ջահել տղերք են չէ՞ նշանակվել, բոլորն ասում են անփորձ են, մթոմ սաղի պապերը մինիստր էին եղել, կամ պապական եկել էին մինիստր, սրանք էլ ջահել են: Ջահել են, կսովորեն, գրագետ տղերք են, օրենք գոյություն ունի, եթե օրենքը չխախտեն, ընտիր ղեկավար կլնեն, բայց եթե սկսին օրենքը խախտել, օրենքները ֆռցնել, լավ չի լինի: Ճիշտ էիք ասում` սրանք տրույկներ անել չգիտեն, օրենքով պետք է էթան առաջ»,- ասաց նա:

Դիտարկմանը` ամբողջությամբ չեն տվել, օրենսդիրում մեծամասնություն են, ասաց. «Մեր նման խելո՞ք: Նիկոլն ինչ թուղթ բերավ, ըհը կնոպկեն սեղմինք գնաց, մեր նման խելոք դեպուտատ կա՞: Էսօր բա ո՞ւմ բերածներն էին, որ քվեարկինք, հո՞րս: Նիկոլի բերածներն էին: Տեսաք` սաղ միաձայն գնաց»:

Սարոյանը նաեւ անդրադարձավ հարցին, թե ինչ մտահոգություններ ունի Փաշինյանի եւ Ալիեւի հետ բանակցություններից, ինչպե՞ս կբանակցի Փաշինյանը:

«Այ երեխեք ջան, հլը բան չարած, հիմա ինչ ասեմ ես: Հլը մի անգամ հանդիպում էլ չի եղել, որ տենամ ինչ ռեակցիա կա, ես հիմա ինչ ասեմ: Շատ գիտեմ Նիկոլի մտքի մեջ ի՞նչ կա: Բայց որ Նիկոլն էլ հայրենասեր, թասիբով տղայա, հո էտի չենք կարա կասկածենք: Մի հատ Նիկոլ, տեսաք, սաղիս խառնում էր իրար: Ինքն ամեն ինչը ինչ ժողովրդին պետք ա, սաղիցս լավ գիտի, որովհետեւ միշտ բարձրաձայնել ա էդ հարցերը, հիմա էլ թող ինչ-որ բարձրաձայնել ա, ինչի մասին խոսացել ա, թող դնի նայի, սաղ կա յութուբի մեջ չէ՞, թող տենա ինչի մասին ա խոսացել, էդ հարցերը քննարկի, էդ հարցին լուծում տա»,- ասաց նա:

Հարցին էլ` բացառո՞ւմ է ՔՊ-ի ցուցակով մասնակցի ընտրություններին կամ ահասարակ կմասնակցի, նա արձագանքեց. «Ես ի՞նչ իմանամ` վաղն ինչ կլինի:  Հո էս աթոռը պապական աթոռս չի, թող ավելի ջահել տղա, ինձնից լավ տղա էղնի, ասեմ՝ դու գնա պատգամավոր: Ինչ գիտես էքուց ինչ կլնի, ես պետականամետ մարդ եմ, իմ պետության համար առողջությունս էլ եմ տվել, կյանքս էլ եմ տվել, ինձ չի հետաքրքրում մեկը կամ մյուսը, ինձ հետաքրքրում ա, որ իմ պետությունս հզոր էղնի, որ էս ժողովուրդը լավ ապրի: Ճիշտ ա, ես հանրապետական ֆրակցիայում եմ եղել, բայց տեսել եք, թե ժողովրդի հետ մի բան են խոսացել, հելել կռվել եմ սաղի հետ էլ, ընձի չի էլ հետաքրքրել` կխռովեն, չեն խռովի, կնեղանան, չեն նեղանա: Կարող ա մեկին աչո՞տ եմ տվել ես, բերանս ինչ եկե ասել եմ»,- ասաց նա:

Տպել
3601 դիտում

ՀՀ-ում է «օրենքով գող» Արմեն Ղազարյանը

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց

ԱԺ-ն պետք է արտահայտի այն տրամադրություններն ու ընտրությունը, որ կատարում են քաղաքացիները. վարչապետ

Որպես պետությանը պատճառված վնասի մասնակի փոխհատուցում վճարվել է շուրջ 55 մլն դրամ

Քրեական հեղինակություն Դոն Պիպոն այսօր ազատ է արձակվել

ՀՀ ներքաղաքական կյանքը կրկին ալեկոծվում է, պետք է հարցերը լուծենք համաձայնությամբ. Բաբլոյան

Մի քանի օրից մենք մասնակից ենք լինելու ՀՀ պատմության ամենաարդար և ազնիվ ընտրություններին. Հայկ Մարության

Ըստ հայ ֆուտբոլիստների՝ Վանեցյանը դրական փոփոխություններ կանի հայկական ֆուտբոլում

ԱԱԾ տնօրեն Արթուր Վանեցյանը հարցաքննվել է հայտնի գաղտնալսման գործով

Փոփոխությունները չեն ազդի 700 աշխատատեղի և 25000 տոննա բանջարեղենի արտադրողականության վրա. «Սպայկա»

Ես շրջում եմ այնպես, ինչպես ուզում եմ. Միհրան Պողոսյանը՝ «ասֆալտին փռելու» օպերացիայի մասին

ՊՆ հոսպիտալից գողություն է կատարվել, գումար է կանխիկացվել քաղաքացու բանկային հաշվեհամարից

Տարոն Մարգարյանը հարցաքննվել է, նրանից առգրավվելու է 1 մլրդ 800 մլն դրամ. Վանեցյան

Չեմ փոշմանել, որ չեմ քվեարկել Նիկոլ Փաշինյանի օգտին. Աղվան Վարդանյան

Հայաստանի պատվիրակությունը մասնակցում է ՄԱԿ-ի Ատոմային էներգիայի ՄԳ գլխավոր կոնֆերանսին

Արմեն Սարգսյանի հրամանագրով վարչական դատարանի դատավորներ են նշանակվել

Արցախի զինկոմի որդին հոր հետ վիճելու համար, ընկերների հետ ծեծել է քաղաքացուն (տեսանյութ)

ՆԱՏՕ-ի փորձագետները վերապատրաստման դասընթացներ են անցկացնում ՌՈւՀ-երի ներկայացուցիչների համար

Ինչպե՞ս նորոգել ռազմական նշանակության օբյեկտներն ու ենթակառուցվածքները. քննարկում բելառուսական կողմի հետ