Իրանն ուլտիմատում է ներկայացրել. ԱՄՆ-ն մեկուսանում է

Լուսանկարում՝ Իրանի հոգեւոր առաջնորդ Սեյեդ Ալի Հոսեյնին Խամենեի.

Մայիսի 23-ին Իրանի հոգեւոր առաջնորդ Ալի Խամենեին, խոսելով Համապարփակ գործողությունների համատեղ ծրագրից ԱՄՆ-ի դուրս գալու մասին, ներկայացրել է Գերմանիային, Ֆրանսիային եւ Մեծ Բրիտանիային ուղղված պահանջները, որոնք բավարարելու դեպքում Իրանը կշարունակի հավատարիմ մնալ համատեղ ծրագրի դրույթներին:

Եվրոպական երկրներն առաջին հերթին պետք է երաշխիքներ ներկայացնեն, որ եվրոպական բանկերը շարունակելու են գործարքները Իրանի հետ: Բացի այդ, երեք եվրոպական երկրները պետք է շարունակեն իրանական նավթի գնումները, ընդ որում նաեւ այն ծավալը, որը ԱՄՆ-ն հրաժարվում է գնել՝ միջուկային համաձայնագրից դուրս գալուց հետո: Նրանք պետք է նաեւ ընդդիմանան Իրանի նկատմամբ ԱՄՆ պատժամիջոցներին: Գերմանիան, Մեծ Բրիտանիան եւ Ֆրանսիան չպետք է միջամտեն Մերձավոր Արեւելքում Իրանի վարվող քաղաքականությանը: Խամենեի պահանջներից մեկն էլ վերաբերվում է Իրանի բալիստիկ հրթիռների ծրագրին, որին, ըստ Իրանի հոգեւոոր առաջնորդի, եվրոպական երկրները եւս չպետք է միջամտեն: Իրանը նաեւ պահանջում է, որպեսզի եվրոպական երկրները դատապարտեն ՄԱԿ-ի Անվտանգության խորհրդի 2231 բանաձեւի խախտումը ԱՄՆ-ի կողմից:

Ուլտիմատիվ բնույթի այս հայտարարությունն արվել է պաշտպանական նկատառումներով: Նախօրեին ԱՄՆ պետքարտուղար Մայք Պոմպեոն հայտարարել էր Իրանի հետ նոր համաձայնագրի կնքման պայմանները: Ըստ Պոմպեոյի Իրանը պետք է թույլ տա իր միջուկային ծրագրի հաշվառումն ու ստուգումը, ինչպես նաեւ վերահսկելի կերպով հրաժարվի դրանից: Իրանը նաեւ պետք է ՄԱԳԱՏԷ-ին տրամադրի ազատ ելումուտ իր բոլոր ռազմական օբյեկտներ, ինչպես նաեւ «դադարեցնի բալիստիկ հրթիռների տարածումը»: ԱՄՆ պետքարտուղարի թվարկած պայմաններից է նաեւ ռազմական խմբերին, այդ թվում`Գազայի հատվածում Համասին եւ Լիբանանում Հեզբոլահին աջակցության դադարեցումը:

Բնականաբար Իրանը չէր ընդունելու Պոմպեոյի թվարկած նվաստացուցիչ պայմանները, բայց չէր էլ կարող նաեւ լռել: Ուստի Թեհրանում, ըստ երեւույթին, որոշվել է փոքրիկ խմբագրումից հետո պահանջները «վերահասցեավորել» Եվրոպային:

Ալի Խամենեի հայտարարությունից ժամեր անց, Չինաստանի վարչապետի հետ համատեղ ասուլիսի ընթացքում Գերմանիայի կանցլեր Անգելա Մերկելը հայտարարել է, որ «Գերմանիան հարգում է Իրանի հետ կնքած միջուկային հաաձայնագիրը»:

«Ինչ վերաբերվում է Իրանի համաձայնագրին, ապա այն, իհարկե, կատարյալ չէ, սակայն մյուս տարբերակները ավելի անկայուն են, այդ իսկ պատճառով մենք հարգելու ենք համաձայնագիրը», - ասել է Մերկելը:

Նման հայտարարություն նա արել էր նաեւ մայիսի 18-ին Ռուսաստանի նախագահ Վլադիմիր Պուտինի հետ Սոչիում կայացած հանդիպումից հետո:

Չինաստանի վարչապետի հետ հանդիպումից հետո Մերկելը նաեւ նշել է, որ մի շարք եվրոպական ընկերություններ ստիպված են լինելու լքել Իրանը՝ կապված ԱՄՆ պատժամիջոցների հետ:

«Պատժամիջոցները, հավանաբար, կբերեն նրան, որ եվրոպական ընկերությունների մի մասը ստիպված կլինի լքել Իրանը», - ասել է Մերկելը:

Նա եւս մեկ անգամ կարեւորեց Իրանի միջուկային համաձայնագրի պահպանումը՝ նշելով, որ «այժմ իրավիճակն ավելի անվտանգ ու թափանցիկ է, քան մինչ փաստաթղթի կնքումը»:

Նախօրեին Գերմանիայի արտաքին գործերի նախարար Հեիկո Մաասը հանդիպում էր ունեցել ԱՄՆ պետքարտուղար Մայք Պոմպեոյի հետ: Հանդիպումից հետո Գերմանիայի արտաքին գերատեսչության ղեկավարը նշեց, որ ԱՄՆ եւ եվրոպական երկրները Իրանի միջուկային համաձայնագրի հարցում հեռու են կոմպրոմիսից:

Մայիսի 24-ին հանդիպում են ունեցել նաեւ Ֆրանսիայի նախագահ Էմանուել Մակրոնն ու Ռուսաստանի նախագահ Վլադիմիր Պուտինը: Սանկտ-Պետերբուրգի Կոնստանտինովյան պալատում անցած զրույցի ընթացքում նրանք անդրադարձել են նաեւ Իրանի թեմային: Մակրոնն իր պատրաստակամությունն է հայտնել համագործակցել Ռուսաստանի հետ միջազգային քաղաքականության բոլոր ուղղություններով՝ «լինի դա Ուկրաինան, Մերձավոր Արեւելքը, Իրանը թե Սիրիան»: Այսպիսով, եվրոպական երկրներից առնվազն երկուսը ինքնուրույն՝ Վաշինգտոնից անկախ քաղաքականություն վարելու միտում ունեն: Այլ հարց է, թե որքանով կհաջողվի պահպանել հավասարակշռությունը տարբեր աշխարհաքաղաքական կենտրոնների միջեւ՝ նոր կենտրոն դառնալու ճանապարհին: 

Վերադառնալով Իրանի հոգեւոր առաջնորդի հնչեցրած պահանջներին՝ պետք է փաստենք, որ դրանք, բացառությամբ ՄԱԿ-ի ԱԽ բանաձեւի խախտման դատապարտման, ըստ էության ոչ միայն իրատեսական են, այլեւ արտացոլում են եվրոպական երկրների դիրքորոշումը: Ինչ վերաբերվում է եվրոպական ընկերությունների՝ պատժամիջոցների արդյունքում Իրանը լքելուն, ապա դրանց տեղը կարող են զբաղեցնել երկրում արդեն իսկ մեծ ծավալներով գործող չինական ընկերությունները: Չինաստանի վարչապետ Լի Կեցեանն արդեն հայտարարել է, որ Չինաստանը կլրացնի իրանական նավթի եվրոպական ընկերությունների «նիշան»: Համապարփակ գործողությունների համատեղ ծրագիրը հնարավոր է պահպանել Եվրոպայի, Չինաստանի ու Ռուսաստանի ակտիվ բանակցությունների եւ տնտեսական քայլերի փոխլրացման սկզբունքով:

Վլադիմիր Մարտիրոսյան

Տպել
1300 դիտում

Մենք սատարել ենք ՀՀԿ-ին, չի բացառվում առաջիկայում այլ ուժի սատարենք. ԵԿՄ հայտարարությունը

«Երկրապահներ»-ը այլևս ղեկավար չեն ուզում ունենալ, խորհուրդ կստեղծվի. ԵԿՄ վարչության նիստ է

Գեղարքունիքում բախվել են Վիլիսն ու Նիվան, գլխիվայր շրջվել, հայտնվել դաշտում, 5 վիրավոր կա

Նախորդ շաբաթ հակառակորդի դիվերսիոն ներթափանցման փորձ է կանխվել, զինտեխնիկայի տեղաշարժ եղել

600 դոլար հուշանվեր թղթադրամներով փորձել են բջջային հեռախոս գնել. մի քանի անգամ ստացվել է

4 օրյա զորավարժություններ՝ Արցախում. հարձակում, հակագրոհ, պաշտպանողական մարտ եւ այլն

Վիճաբանություն, դանակահարություն, կրակոցներ ու վիրավորներ՝ «Դիվա» գիշերային ակումբի մոտ

Հայտնի թուրք ցեղասպանագետ Թաներ Աքչամն այցելել է Հայաստան, հանդիպել ԱԳ նախարարին

«ԱրթՄեդ» 6 հարկանի ԲԿ-ի շենքից քաղաքացին սպառնում էր նետվել. ԱԻՆ-ը կանխել է

ԱԻ նախարար այցելել է Արթիկի ՀՓՋ, խոստացել լուծել շենքային պայմանների ու տեխնիկայի խնդիրը

ՀՀ պաշտպանության նախարարն այցելել է հյուսիսարևելյան սահմանագոտի (լուսանկարներ)

Վարչապետը շնորհավորել է նախագահին՝ ծննդյան տարեդարձի կապակցությամբ

Վարչապետը ժողովրդի ուժն է. 25 տարվա բացակայությունից հետո Գյումրիում էր Մարթեն Յորգանցը

Ասկերանում հայտնաբերվել է ԵԿՄ-ի կողմից յուրացված մեծ քանակությամբ քառօրյայի օգնություն

Ծռերի մեթոդը հուրն է, Փաշինյանինը՝ ջուրը, հուրն ու ջուրը փորձում են միանալ. Վ. Ավետիսյան

Նաիրա Զոհրաբյանն ու Վահե Էնֆիաջյանը կանխել են քաղաքացու ինքնասպանության փորձը

«ՋԼՋ Պրոյեկտ Քոմփանի»-ն պետությանը պատճառել է 300 մլն-ի վնաս. սեփականատերը Լ. Սարգսյանն է

Գերմանիան 10 հոգով վերջին վայրկյաններին փրկվեց ԱԱ 2018-ում տապալվելուց

Գնում ենք արեւմուտք. ՆԱՏՕ-ի հետ` անհատապես

Սահմանադրական փոփոխություններ. շարունակեք մնալ աբորիգեն