Ռուզան Ազիզյանին ո՛չ փնտրում են, ո՛չ հարցաքննում. քրեական գործ՝ առանց «գլխավոր հերոսի»

Մոնթե Մելքոնյանի անվան թիվ 11 դպրոցի նախկին տնօրեն ՀՀԿ-ական Ռուզան Ազիզյանի կողմից ենթադրյալ պաշտոնեական լիազորությունները չարաշահելու դեպքի առթիվ հարուցված քրեական գործով ուսուցչական կազմը հարցաքննվել է:

Մեր տեղեկություններով, քրեական գործի շրջանակներում, սակայն դեռ չի հարցաքննվել հենց «գլխավոր» հերոսը՝ ՀՀԿ-ական Ռուզան Ազիզյանը. քրեական գործը քննվում է նրա բացակայության պայմաններում: Պատճառը ոչ թե այն է, որ Ազիզյանը լքել է Հայաստանի Հանրապետության տարածքը, այլ՝ իրավապահները նրա դեմ փաստեր հավաքելու համար մի քանի անգամ հարցաքննել են դպրոցի ուսուցիչներին: Բայց մինչ փաստերը դանդաղ-դանդաղ կհավաքվեն, Ազիզյանը արագորեն տնօրենի պաշտոնից ազատվելու հաջորդ օրն իսկ «արտագաղթել է»:

Մամուլի հրապարակումների հիման վրա ոստիկանությունում մայիսի 12-ին հարուցվել է քրեական գործ ՀՀ քրեական օրենսգրքի 308-րդ հոդվածի 1-ին մասի հատկանիշներով (պաշտոնեական լիազորությունները չարաշահելը պատժվում է ազատազրկմամբ՝ առավելագույնը չորս տարի ժամկետով): Քրեական գործ հարուցվեց մայիսի 4-ին դպրոցում անցկացված հեղափոխական հանրահավաքից հետո, երբ աշակերտները տնօրեն Ռուզան Ազիզյանից պահանջում էին հեռանալ պաշտոնից, իսկ աշխատակազմի անդամներն ու ծնողները միմյանց հերթ չտալով թվարկում էին նրա չարաշահումները: Աղմկահարույց հայտարարությամբ էր հանդես եկել, մասնավորապես, դպրոցի գրադարանավարուհի Ռուզան Սաֆարյանը՝ հայտարարելով, որ տարիներ շարունակ պարգեւավճար է ստացել, գումարը բանկոմատից հանել ու դպրոցի աշխատակիցներից մեկի միջոցով փոխանցել տնօրենին․ «Հինգ տարի շարունակ ստացել եմ պրեմիաներ: Գումարը ես ստացել եմ, բերել եմ, փոխանցել եմ իրեն: Ես անձամբ իրեն չեմ տվել․ ում միջոցով՝ բերեք մեր կոլեգաների անունները չտանք: Այդպես է հրամանը եկել՝ ստանում եք, բերում եք, փոխանցում եք»,- մասնավորապես, ասել էր նա, ապա հավելել, որ իր այս հայտարարությունից հետո չգիտի՝ կշարունակի աշխատել դպրոցում, թե՝ ոչ: Երեկ մեր զրույցում գրադարանավարուհին ասաց, որ հարուցված քրեական գործի շրջանակներում երեք անգամ հարցաքննվել է, սակայն տեղյակ չէ՝ քրեական գործի շրջանակներում կասկածյալներ կա՞ն, թե՞ ոչ: Մեր հարցին, թե այս ընթացքում Ազիզյանը փորձե՞լ է իր հետ կապ հաստատել, Ստեփանյանը բացասական պատասխան տվեց: Նա ասաց, որ մամուլից են տեղեկացել Ազիզյանի ՀՀ-ից հեռանալու մասին, սակայն այլ մանրամասներ չգիտի: «Որեւէ մեկս իր ընտանիքի, իր տան անդամների հետ կապ չունի, մենք էլ ենք համացանցից տեղեկացել ու ոստիկաններից»,- ասաց նա: Ճշտող հարցին, այսինքն՝ ոստիկաններն էլ են ասել, որ Ազիզյանը լքել է Հանրապետության տարածքը, գրադարանավարուհին դրական պատասխան տվեց: Նաեւ ասաց, որ շարունակում է աշխատել դպրոցում, որեւէ խնդիր չկա:

Որպես վկա երկու անգամ էլ հարցաքննվել է երգ-երաժշտության ուսուցչուհի Լուսինե Մարտիրոսյանը: Խոսելով քրեական գործի ընթացքի մասին՝ ուսուցչուհին ասաց. «Ոչ ոք դեռ ձերբակալված չի, տիկին Ազիզյանին են փնտրում, երեւի ինքն էլ այստեղ չի, հետագան արդեն կերեւա, թե ինչ կլինի: Այն ժամանակ, երբ Ռուզան Ազիզյանը լքել է Հանրապետությունը, դեռ ոչ մի քրեական գործ չկար հարուցված, դրանից հետո է հարուցվել, բայց արդեն ուշ էր»,- ասաց Լուսինե Մարտիրոսյանը:

«Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանը, որը Ազիզյանի դեմ տեղի ունեցած բողոքի ակցիայի ժամանակ այցելել էր դպրոց, մեր զրույցում ասաց, որ իրավապահները քրեական գործը պետք է ավելի օպերատիվ հարուցեին եւ ավելի ակտիվ օպերատիվ հետախուզական միջոցառումներ ձեռնարկեին: «Բայց ամեն դեպքում ոչինչ չի խանգարի, որ հիմա հարցաքննեն դպրոցի ուսուցչական կազմին, ձեռք բերեն համապատասխան փաստեր, որ Ռուզան Ազիզյանը իրոք կատարել է հանցագործություններ եւ հետ է հավաքել վճարած հոնորարները, որից հետո ինտերպոլով հետախուզում հայտարարվի»,- հավելեց նա: Հարցին՝ այնուամենայնիվ Ազիզյանը պատասխանատվության կենթարկվի՞, թե՞ հերթական հանցակազմի բացակայության հիմքով քրեական գործի կարճում կլինի, Դանիել Իոաննիսյանը պատասխանեց. «Ես հուսով եմ, որ մենք այդ դարաշրջանից անցել եք, եւ որ իրավապահները գործ կոծկելով չեն զբաղվի: Ես ակնկալում եմ օբյեկտիվ, բազմակողմանի, լրիվ եւ արդար քննություն»:

ՀՀ քննչական կոմիտեի նախագահի խորհրդական Սոնա Տռուզյանն էլ մեր հարցին ի պատասխան ասաց, որ օրեր առաջ ոստիկանությունից ստացել են հարուցված քրեական գործ՝ ՀՀ ՔՕ 308 հոդվածի 1-ին մասով: Քննիչը քրեական գործը վարույթ է ընդունել, ուսումնասիրել քրեական գործի հարուցման հիմք հանդիսացող նյութերը: Տռուզյանի խոսքով՝ մշակվել է քննչական պլան, ձեռնարկվում են անհրաժեշտ օպերատիվ հետախուզական միջոցառումներ: Նրա խոսքով՝ նկատի ունենալով, որ այս պահին հարցաքննվում են տարբեր անձինք, այլ մանրամասներ հրապարակման ենթակա չեն:

Ռուզաննա Ազիզյանը առաջին անգամը չէ, որ հայտնվում է սկանդալների կենտրոնում․ նա դպրոցի դասարաններից մեկը ԱԺ Հանրապետական խմբակցության պատգամավոր Սամվել Ալեքսանյանի անունով էր կոչել, իսկ իր համակուրսեցի Սերժ Սարգսյանի նախընտրական քարոզարշավի ժամանակ նրան անվանել էր «կրակոտ երիտասարդ»: Անցած տարի էլ «Իրազեկ քաղաքացիների միավորումը» գաղտնազերծեց, թե ինչպես են ՀՀԿ-ն ու Սերժ Սարգսյանը ձայներ ապահովում, դրանց թվում էր նաեւ թիվ 11 դպրոցի տնօրեն Ռուզան Ազիզյանը. նա իր տասը այլ աշխատակիցների հետ միասին հավաքել էր 170 հոգու ցուցակ եւ փոխանցել էր թաղապետարան՝ որպես Հանրապետական կուսակցության ընտրողներ:

Տպել
7953 դիտում

Էրեբունու 10/36 ընտրատեղամասում մեծ առավելությամբ առաջատարն է «Իմ քայլը» դաշինքը. նախնական արդյունք

Ժամը 20-ի դրությամբ դրությամբ Երեւանի ավագանու արտահերթ ընտրություններին մասնակցել է ընտրողների 43.65%-ը

Դավիթաշենում «Իմ քայլը» դաշինքը 77.88 տոկոս է հավաքել. նախնական արդյունքներ

Երեւանի ավագանու արտահերթ ընտրությունների արդյունքներին կարող եք հետեւել օն-լայն ռեժիմով, ժամը 24-ից ԿԸՀ հաշվիչը կմիանա

Ավան վարչական շրջանի 1/09 տեղամասում սկսվեց ընտրությունների արդյունքների հաշվարկը

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում