Գարեգին Բ-ն նեղվում է բարեգործություն անելուց, իսկ բարերարը՝ոչ,եթե անգամ իրեն թալանում են

Լուսանկարում՝ բարերար Անդրանիկ Բաղդասարյանն է, Երեւան, ՀՀ նախագահի նստավայր

Մայիսի 25-ին Երեւանում՝ նախագահի նստավայրում, տեղի ունեցավ «Հայաստան» համահայկական հիմնադրամի հոգաբարձուների խորհրդի եւ տեղական մարմինների 27-րդ համատեղ նիստը: ՀՀ նախագահ Արմեն Սարգսյանն ընտրվեց «Հայաստան» համահայկական հիմնադրամի հոգաբարձուների խորհրդի նախագահ։ «Որպեսզի ցույց տամ իմ գնահատականը եւ բարձր վերաբերմունքը «Հայաստան» համահայկական հիմնադրամին, խոսք եմ տալիս, որ ՀՀ նախագահի աշխատավարձից տասը միլիոն դրամ կնվիրաբերեմ հիմնադրամին»,- հայտարարեց Սարգսյանը:

Նիստում, Արցախի նախագահ՝ Բակո Սահակյանի առաջարկությամբ որոշվեց, որ «Հայաստան» համահայկական հիմնադրամի 2018 թվականի հեռուստամարաթոնի ծրագրում կրկին կներառվեն խորքային հորերի հորատման, ոռոգման նոր ցանցի կառուցման եւ արեւային էներգիայի համակարգի ներդրման նախագծերը:

«Նախատեսվում է խորքային հորերի ջրային պաշարներն օգտագործել ամբողջությամբ կաթիլային համակարգերով ոռոգման համար: Տարածքները ոռոգելի դարձնելով՝ ակնկալում ենք բերքատվության մոտ 2 անգամ բարձրացում: Բնական է՝ այս ամենն իր դրական ազդեցությունն է ունենալու ոչ միայն տնտեսության վրա, այլեւ սոցիալական ու ժողովրդագրական հարթությունում: Խորքային հորերի հորատման ծրագիրը հնարավորություն կստեղծի լուծել շուրջ 850 ընտանիքի զբաղվածության հարցը»,- ասաց նա:

«Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանը հայտարարեց՝ առաջարկ կա, որ համահայկական հիմնադրամում առկա կառույցները ներդրում անեն, մասնավորապես, Հայ Առաքելական եկեղեցին յուրաքանչյուր տարի 300 հազար նվիրատվություն անի: «Եթե լրջորեն քննարկելու լինենք, ունենք խնդիրներ եւ դրանք բազմաթիվ են եւ գուցե 25 տարվա մեծ հաջողություններից հետո առիթ է այս հարցին վերադառնանք, բայց ոչ այս պահին, քանի որ պատրաստ չենք»,- ասաց նա:

Նախագահի այս հայտարարությունն այնքան էլ Ամենայն Հայոց կաթողիկոս Գարեգին երկրորդի սրտով չեղավ, դա աչքի ընկավ անգամ նրա դեմքի արտահայտությունից: Այնուհանդերձ, կաթողիկոսն արձագանքելով նշեց, որ եկեղեցին մշտապես իր աջակցությունը բերել է հիմնադրամին եւ ոչ միայն կոչով, այլ նաեւ ներդրումներ իրականացնելով:

«Դուք բոլորդ գիտեք, որ եկեղեցին շահութաբեր գործունեություն չի իրականացնում, եկեղեցու բյուջեն, ծախսերը ձեւավորվում են նվիրատվություններից եւ կարծում եմ, որ ճիշտ չի լինի, եթե եկեղեցին առանձնաբար հանգանակություն իրականացնի, որպեսզի այդ հանգանակություններից գոյացած գումարը փոխանցվի հիմնադրամին: Եկեղեցին` Ամենայն Հայոց Հայրապետությունը տարվա ընթացին զանազան բարեգործական ծրագրեր է իրականացնում սոցիալական տարբեր ոլորտներում: Որքան հիշում եմ՝ 25 հազար հայորդի օգտվել է ացնած տարի եկեղեցու կողմից իրականացրած բարեգործական ծրագրերից, եւ այդ գումարը կազմել է շուրջ 3 միլիոն դոլար եւ դա գրեթե ամեն տարի»,- ասաց նա:

Նիստի ժամանակ այս հարցն ընդարձակ քննարկման առարկա չդարձավ, սակայն Արմեն Սարգսյանը կաթողիկոսին հասկացրեց, որ առաջարկն այս մեկ հարց ու պատասխանով չի սահմանափակվում եւ առաջիկայում լուրջ քննարկման է դրվելու:

Այս տարիների ընթացքում քիչ չեն եղել հայտարարություններ տարբեր քաղաքական, հասարակական գործիչների եւ մեծահարուստների կողմից, որ կասկածանք կա հիմնադրամի վստահության առումով: Այսինքն՝ խոսքն այն մասին է, որ միլիոնավոր դոլարները փոշիանում են եւ քիչ մասն է, որ ծառայում է միայն իր նպատակին: Հիմնադրամի գործադիր տնօրեն Արա Վարդանյանն անդրադառնալով այս խնդրին, ասաց.

«Այսօրվա ժամանակաշրջանում դժվար է որեւէ բան թաքուն պահել, սոցիալական մեդիայի շնորհիվ եթե լինում է ամենաչնչին բողոքը, շատ արագ բարձրաձայնվում է: Վերջին 10 տարիներին չեմ հիշում որեւէ դեպք, որ մեզ մեղադրեն այս կամ այն ծրագրի սխալ իրականացման, բարձր ծախսերի կամ մրցույթի կանոնները խախտելու մեջ»,- ասաց նա, ով ի դեպ, երեք տարի ժամկետով կրկին ընտրվեց հիմնադրամի գործադիր տնօրեն։

Բարերար, «Հայաստան» համահայկական հիմնադրամի պատվո անդամ Անդրանիկ Բաղդասարյանը ՀԺ-ի հետ զրույցում անդրադառնալով դիտարկմանը, թե տարբեր հայտարարություններ են լինում, որ նախկինում իշխանությունները, հանձնիս Սերժ Սարգսյանի, հիմնադրամի գումարները յուրացրել են, բարերարն ասաց.

«Եթե գողացվում է, ապա կարեւորը գողացողը հայ է: Ես վերջին անգամ 1 մլն դրամ նվիրեցի: Ես նախագահին ու վարչապետին չասեցի, թե այս մեկ միլիոն դրամը ինչպես պետք է ծախսեն, ինձ համար կարեւորն այն է, որ 1 միլիոն դոլարը շրջանառվի Արցախում: Թալանը կպարզվի եւ գողերը կպատժվեն: Մեծ սխալ կլինի, որ ես այդ պատճառով իմ ազգի հանդեպ իմ պարտականությունը չկատարեմ: Ես հիմնադրամին վստահում եմ»:

Հիմնադրամի հոգաբարձուների խորհրդի նիստում ելույթ ունեցավ նաեւ վարչապետ Նիկոլ Փաշինյանը: Երկրի ղեկավարի խոսքի հիմքում այն էր, որ անցել է թալանի ժամանակը եւ սփյուռքահայերն ավելի շատ պետք է վստահեն ՀՀ իշխանությանը:

«Քաղաքական այդ գործընթացները, որոնք տեղի ունեցան ապրիլ-մայիս ամիսներին, անշուշտ համազգային համախմբման նոր ազդակ են դարձել եւ պետք է ամեն ինչ անենք, որ համախմբման ազդակը քաղաքական գործոնի վերածենք: Մենք արդեն ՀՀ կառավարության առաջնահերթությունները ներկայացրել ենք եւ դրանցից կարեւորագույնը ՀՀ քաղաքացիների, հայ ժողովրդի հաղթանակի զգացումը պահպանելն է, դրա մշտական բնույթ կրելն է:

Մեր երկրի մեծագույն քաղաքական խնդիրը եղել է քաղաքացիների կողմից իշխանությունները ձեւավորելու իրավունքի անձեռնմխելիությունը, ես կարծում եմ, որ  խնդիրները խորացել են այն ժամանակներից, երբ հանրությունը սկսել է չվստահել ընտրությունների արդյունքներին եւ ամեն անգամ իրեն խաբված է զգացել»,- ասաց վարչապետը եւ ընդգծեց, որ այսուհետ անելու են այնպես, որ ընտրությունների արդյունքներից ոչ միայն իրեն հաղթանակած զգա ինչ-որ քաղաքական ուժ, այլ նաեւ ՀՀ քաղաքացին:

Փաշինյանը նշեց, որ հաջորդ կարեւորագույն խնդիրը կոռուպցիայի դեմ պայքարն է:

«Սկսած ընտրական, պետական համակարգից մինչեւ դատական կոռուպցիա: Մեր կառավարությունն արդեն հստակ քայլեր է ձեռնարկել այս ուղղությամբ եւ ունի հաջողություններ: Այս գործընթացը շարունակվելու է այնքան ժամանակ, մինչեւ համոզվենք, որ կոռուպցիան արմատախիլ ենք արել»,- ասաց նա:

Տպագրվել է «Հայկական ժամանակ» օրաթերթի մայիսի 26-ի համարում:

Տպել
4133 դիտում

Ակադեմիայի տարածքների մի մասը 50 տարով ուզում են մասնավորին տալ. բողոքի ալիք է բարձրացել

Լարսի անցակետն ու ճանապարհը շարունակում է փակ մնալ. ձնահոսքի վտանգ կա

2019-ին կբարձրանա մոտ 11000 բուժաշխատողի աշխատավարձ, կներդրվի ապահովագրության համակարգ (տեսանյութ)

Պետք է առնվազն չկասկածեր ընդունակություններիս և գիտելիքներիս վրա. Ջուլֆալակյանը՝ լրագրողին

Ժամը 18:00-ի դրությամբ՝ համաներմամբ ազատ է արձակվել 491 դատապարտյալ

Աննա Հակոբյանը հյուրընկալել է ավետարանչական ընկերակցության Հայաստանի տնօրեն Հարութ Ներսեսսյանին

Բրյուսովի անվան համալսարանի դասախոսներն իրենց ուսանողուհիներին սթափության կոչ են անում

Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ. Շարմազանով

Բացահայտվել է պլանավորված գողությունների շարք Արարատի մարզում. 2 անձ կալանավորվել է

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

ԱՄՆ-ն կարող է արտաքսել Ֆեթուլլահ Գյուլենին

«Մանկական եվրատեսիլի» ՀՀ մասնակիցն ուզում է Եվրոպային ցույց տալ՝ ինչ տաղանդավոր են հայերը

Փաշինյանը զինվորականներին պարգեւատրել է նույն հայկական արտադրության ժամացույցներով, որոնցից ինքն է կրում

Ալիեւը մեկնում է Մինսկ. հնարավո՞ր է ռազմական նոր գործարք

Թուրքիան ձեռք է բերում С-400 ՀՕՊ համակարգեր. ԱՄՆ շարունակում է արգելափակել F-35–երի ծրագիրը

Նախարարները կգան ու կգնան, բայց ոլորտի շարժիչ ուժը՝ դուք կմնաք. Թանդիլյանը հրաժեշտ տվեց աշխատակազմին

Ընտրությունները կարեւոր են. Հայաստանի ժողովուրդը վերաձեւում է իր ապագան. ՄԱԿ-ի հատուկ զեկուցող

Կարեն Սարուխանյանը գյումրեցի դպրոցականներին արձակուրդ է տվել. թիվ 18 դպրոցում դասեր չեն լինի

Փաստաբանը միջնորդություն է ներկայացրել դատախազին՝ Մայրապետյանին անձնական երաշխավորություններով ազատ արձակելու մասին

Դավիթ Խաժակյանը կղեկավարի «Լուսավոր Հայաստան»-ի շտաբը