Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

«Ռեալ Մադրիդի» ու «Լիվերպուլի» ֆուտբոլիստներն արդեն Կիեւում են: Վաղը՝ մայիսի 26-ին, «Օլիմպիական» ստադիոնում տեղի է ունենալու Չեմպիոնների լիգայի 2017-18 մրցաշրջանի եզրափակիչը: «Արքայական ակումբը» վերջին 2 տարիների չեմպիոնն է, նաեւ մրցաշարի ամենատիտղոսակիր թիմը. գավաթին տիրացել է 12 անգամ:

«Ռեալը» հաղթանակներ է տարել իր մասնակցած վերջին 6 եզրափակիչներում: Վերջին անգամ եզրափակիչ խաղում պարտություն է կրել է 1981 թ., եւ մրցակիցը եղել է հենց Չեմպիոնների լիգայի 5-ակի հաղթող «Լիվերպուլը»: Դա տեղի է ունեցել 1981 թ.: Փարիզում կայացած խաղում «մերսիսայդցիները» հաղթել են 1:0 հաշվով: Դեմ առ դեմ խաղերում հաղթանակների քանակով էլ, թեեւ աննշան, բայց առավելությունն անգլիական թիմի կողմն է: 5 խաղերում «Լիվերպուլը» հաղթել է 3, իսկ «Ռեալը»՝ 2 անգամ:

Ընթացիկ մրցաշրջանում մինչեւ եզրափակիչ հասնելն անգլիական թիմի համար ամենալուրջ խոչընդոտը եղել է քառորդ եզրափակչում: Մրցակիցը «Մանչեստեր Սիթին» էր՝ ֆավորիտներից մեկը, սակայն «քաղաքայիններին» նրանք պայքարից դուրս թողեցին 2 խաղերի արդյունքում հաղթելով ընդհանուր 5:1 հաշվով: Մինչեւ այդ՝ 1/8 եզրափակչում, «Լիվերպուլը» շրջանցել էր «Պորտուին» (5:0):

Կիսաեզրափակչում մրցակիցը «Ռոման» էր՝ ընթացիկ մրցաշրջանի գլխավոր սենսացիայի հեղինակը: «Գայլերը» քառորդ եզրափակչի առաջին խաղում «Բարսելոնային» 4:1 զիջելուց հետո պատասխան խաղում հաղթեցին 3:0 ու հաջորդ փուլ անցան: «Լիվերպուլի» դեմ դիմակայությունում էլ հեշտ չհանձնվեցին: Պարտվեցին ընդհանուր 6:7 հաշվով:

«Ռեալը» բավական բարդ ճանապարհ անցավ մինչեւ եզրափակիչ: Բոլոր մրցակիցներն էլ մրցաշարի ֆավորիտներն էին, Իսպանիայի առաջնությունում ու երկրի գավաթի խաղարկությունում գործերը շատ վատ էին ընթանում: Այս հանգամանքները նկատի ունենալու՝ Չեմպիոնների լիգայի ամեն հաջորդ փուլում շատերին թվում էր, թե հենց այդտեղ մադրիդցիները կանգ կառնեն:

1/8 եզրափակչում «Ռեալը» ընդհանուր 5:2 հաշվով պայքարը շարունակելու հնարավորությունից զրկեց ՊՍԺ-ին: Քառորդ եզրափակչում աղմկահարույց խաղում առաջ անցավ «Յուվենտուսից» (4:3): Առաջին խաղում «Ռեալը» 3:0 հաշվով հաղթել էր թուրինցիներին: Թվում էր՝ հանել է հաղթողի հարցը, բայց 2-րդ խաղում «Յուվեն» կարողացավ 3 գոլ խփել: Միայն հանդիպման վերջին վայրկյաններին իտալական թիմի խաղացողները շանսը բաց թողեցին: Մրցակցի կիսապաշտպան Լուկաս Վասկեսի նկատմամբ խախտեցին կանոնները տուգանային հրապարակում, մրցավարը 11-մետրանոց նշանակեց, Կրիշտիանու Ռոնալդուն էլ խփեց հաղթական գնդակը:

Կիսաեզրափակչում էլ «Ռեալի» մրցակիցը «նվեր» չէր: «Բավարիան» առաջին խաղում առաջինը հասավ հաջողության, սակայն բաց թողեց հաղթանակը: «Ռեալը» հաղթեց 2:1: Պատասխան խաղն ավարտվեց ոչ-ոքի՝ 2:2, ու «արքայական ակումբը» վերջին 3 տարիների ընթացքում 3-րդ անգամ անընդմեջ հասավ եզրափակիչ:

Վաղը կայանալիք եզրափակիչը, Երեւանի ժամանակով, կսկսվի 22:45-ին: Հայաստանում այն ցուցադրելու է Արմենիա TV-ն:  

Տպել
1604 դիտում

Հերթերից խուսափելու համար ավտոմաքսատունը կաշխատի երկուշաբթիից-ուրբաթ՝ 9:00-21:00-ն. ՊԵԿ

Սևանի թերակղզուց մինչև Դիլիջանի թունել ճանապարհահատվածում բուք է

Ոստիկանությունը գնդակահարել է Ստրասբուրգի ահաբեկչության հեղինակին

Դեսպան Տիգրան Գևորգյանը հավատարմագրերը հանձնեց Սիրիայի նախագահ Բաշար Ալ-Ասադին

Ֆիլիպ Կիրկորովը Բաքուն անվանել է «հարազատ դարձած տուն»

Դժվարանցանելի են Սպիտակի ոլորանները, Սոթք-Քարվաճառ ճանապարհը, փակ է Վարդենյաց լեռնանցքը, Լարսը

Կալանավոր տեղափոխող Վիլիսը Արթիկում վրաերթի է ենթարկել 2 երեխայի, բախվել պատին. 5 վիրավոր կա

Տեղի է ունեցել Արցախի մասին ռուսերենով ու անգլերենով պատմող ֆիլմի շնորհանդեսը (տեսանյութեր)

Հայաստանում են ՌԴ օդատիեզերային պաշտպանության զորքերի ներկայացուցիչները

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը