Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Ապրիլի 22-ին Էրեբունիում տեղի ունեցած զանգվածային անկարգությունների գործով մեկ կասկածյալ կա:

Մեզ հաջողվեց պարզել, որ գործով միակ կասկածյալը Էդիկ Չիչոյանն է: Նա հայտնի լեզվաբան Փառանձեմ Մեյթիխանյանի ամուսնու դաժան սպանության գործով ամբաստանյալ Արտաշես Չիչոյանի հայրն է: Էդիկ Չիչոյանը Էրեբունի վարչական շրջանի բնակիչ է: Այսօր Քննչական կոմիտեն տեղեկացրել է, որ սույն գործով կասկածյալ կա եւ որ նրա նկատմամբ որպես խափանման միջոց է ընտրվել չհեռանալու մասին ստորագրությունը:

Մեր զրույցում, սակայն Էդիկ Չիչոյանը հերքեց այն կասկածանքը, որ ինքը մասնակցել է զանգվածային անկարգություններին: Նա պատմեց, որ դեպքը տեղի է ունեցել իրենց շենքի տակ,ինքը աղուկ է լսել եւ իջել ներքեւ հասկանալու, թե ինչ է տեղի ունենում: «Դեպքը մեր շենքի տակ է եղել, աղմուկ լսեցինք խառնաշփոթ սկսվեց, վազելով իջա ներքեւ. ես ամենավերջին պահերին եմ եղել: Ու մենակ գոռացել եմ՝ մի խփեք ու ընկել եմ կադրի մեջ: Դրանից բացի ես որեւէ գործողություն չեմ արել, ոչ մեկին մատով չեմ կպել: Եթե արել եմ, եթե ես մեկին կպել եմ, պատրաստ եմ ամենախիստ պատիժը կրել, բայց նման բան չկա: Տեսնայութում երեւում է, որ ես մենակ եմ եւ փողոցի մյուս կողմից մոտենում եմ ամբոխին ու գոռում, որ չխփեն»,- ասաց Չիչոյանը:

էդիկ Չիչոյանը

Ապրիլի 22-ին տեղի ունեցած զանգվածային անկարգությունների վերաբերյալ այսօր հաղորդագրություն տարածեց ՀՀ քննչական կոմիտեն, որտեղ նշվում էր, որ ձեռնարկվում են ակտիվ քննչական եւ օպերատիվ-որոնողական միջոցառումներ՝ ապրիլի 22-ին Էրեբունի վարչական շրջանում տեղի ունեցած անկարգությունների դեպքի բոլոր հանգամանքները, դրանց մասնակից քաղաքացիների եւ լրագրողների նկատմամբ բռնություն գործադրած անձանց ինքնությունը պարզելու ուղղությամբ։ Հաղորդագրությանը կից Կոմիտեն ներկայացրել էր նաեւ դեպքի տեսագրությունը եւ ենթադրյալ հանցագործություն կատարած անձանց լուսանկարները:

Մինչ իրավապահները «ակտիվ» միջոցառումներ են ձեռնարկում ենթադրյալ հանցագործներին հայտնաբերելու ուղղությամբ, մեզ հաջողվել է պարզել նրանցից մի քանիսի ինքնությունը:

Ինչպես Ավանում, այնպես էլ Էրեբունիում դիմակավորված եւ մահակներով բանդայի անդամներից մի քանիսը թաղապետարանի աշխատակիցներ են:

Ըստ շրջանառվող տեղեկությունների՝ Էրեբունիում բանդան ղեկավարել է թաղային հեղինակություն համարվող Պիստ մականունով հայտնի Արմեն Իսրայելյանը. վերջինս, ի դեպ, Անդրանիկ Մարգարյանի սանիկն է: Պիստը նաեւ մոտ հարաբերությունների մեջ է Էրեբունի վարչական շրջանի ղեկավար Դավիթ Գրիգորյանի հետ: Եվ ահա ապրիլի 22-ին ցուցարարներին մահակներով ծեծի ենթարկելու, նրանց ավտոմեքենաները ջարդուփշուր անելու գործին լծված են եղել թաղապետարանի աշխատակիցներ, թաղային տասովշիկներ:

Պիստը

Ստորեւ ներկայացնում ենք այն անձանց տվյալները, ովքեր մասնակցել են ապրիլի 22-ին տեղի ունեցած զանգվածային անկարգություններին:

Արմեն Մամուլյան. Էրեբունի վարչական շրջանի ղեկավարի աշխատակազմի կոմունալ տնտեսության եւ բազմաբնակարան շենքերի կառավարման բաժնի պետի ժամանակավոր պաշտոնակատար: Հրապարակված տեսանյութերում Մամուլյանն առանց բժշկական դիմակի է, շրջում է հանցախմբի անդամների հետ:

Սարգիս Սահակյանը

Սարգիս Սահակյան. Վերջինս Մասիսի քաղաքապետ Դավիթ Համբարձումյանի շրջապատից է: Ի դեպ, Համբարձումյանը նույնպես եղել է դեպքի վայրում եւ չնայած նրանց մասնակցությամբ հրապարակված լուսանկարներին՝ Համբարձումյանը քրեական գործի շրջանակում որեւէ կարգավիճակ չունի: Դավիթ Համբարձումյանը, հիշեցնենք, ՀՀ նախկին ոստիկանապետի թիկնազորի պետ Արշակ Հակոբյանի փեսան է: Եվ նրա Էրեբունիում գտնվելն ամենեւին էլ պատահական չի եղել:

Գեւորգ Խաչատրյան. Մասիսի քաղաքապետ Դավիթ Համբարձումյանի մորեղբոր որդին:

Մասիսի քաղաքապետ Դավիթ Համբարձումյանն ու նրա մորաքրոջ որդին՝ Գեւորգ Խաչատրյանը 

Կարեն Աբրահամյան. հրապարակված տեսանյութում վերջինս բժշկական դիմակով է: Ըստ որոշ տեղեկությունների, վերջինս ՀՀ ԱԺ նախկին պատգամավոր Առաքել Մովսիսյանի (Շմայս) շրջապատից է:                

Նշենք, որ այս գործի շրջանակում հարցաքննվել է ՀՀ նախկին ոստիկանապետի թիկնազորի պետ Արշակ Հակոբյանը: Ավելին՝ նրա բնակարանում քննիչներն օրեր առաջ խուզարկություն են կատարել, որի ժամանակ մեծ քանակությամբ զենք-զինամթերք է հայտնաբերվել: Առնվազն տարօրինակ կլինի մտածել, որ ՀՀ նախկին ոստիկանապետի թիկնազորի պետը այդքան զենք զինամթերքը ձեռք բերելիս չի մտածել նաեւ դրանք օրինականացնելու մասին: Դրանց օրինակնությունը, սակայն, նախաքննական մարմինը ստուգում է:

Դեպքը տեղի է ունեցել Էրեբունի եւ Նոր-Արեշ 26-րդ փողոցների խաչմերուկում: Այդ օրը դիմակավորված քաղաքացիական հագուստով անձինք մահակներով ու քարերով ոստիկանների աչքի առաջ հարձակվել են երթի մասնակիցների վրա, բռնություն կիրառել ցուցարարների նկատմամբ, հայհոյել ու էլեկտրահարել նրանց:

Հարձակվողները նաեւ մահակներով մեքենաներ են վնասել։ Այդ ժամանակ հարվածներ է ստացել եւ էլեկտրահարվել նաեւ «Շանթ» հեռուստաընկերության լրագրող Արտակ Ղուլյանը: Ընդհանուր առմամբ այդ օրը տեղի ունեցած զանգվածային անկարգությունների ժամանակ տուժել է 5 անձ, որոնցից երկուսը՝ լրագրող:

Նշենք, որ այս դեպքը տեղի է ունեցել այն բանից հետո, երբ Արցախի փողոցում երթ իրականացնելիս ոստիկանությունը հատուկ միջոց կիրառեց եւ տարածքից հեռացրեց ՀՀ ԱԺ պատգամավորներ Նիկոլ Փաշինյանին, Սասուն Միքայելյանին եւ Արարատ Միրզոյանին: 

Ի դեպ, հրապարակված տեսանյութերում երեւում են նաեւ մի խումբ ոստիկաններ, ովքեր, մեղմ ասած, ոչ նախականխել ոչ էլ կանխել են այդ օրը Էրեբունիում տեղի ունեցող հանցագործությունները: Ավելին՝ Էրեբունիում գործել է զինված խումբ, որի մասին ոստիկանները նախապես չեն տեղեկացվել, այլ կերպ ասած՝ չեն վերահսկել օպերատիվ իրավիճակը: Տեղեկացանք, որ ոստիկանների գործողությունների մասով ծառայողական քննություն նշանակված չէ: Քննչական կոմիտեն իր տարածած հաղորդագրությունում նշել է՝ կատարված քննությամբ պարզվել է, որ տեղի ունեցած միջադեպերի ժամանակ դեպքի վայրում ծառայություն են իրականացրել նաեւ ոստիկանության աշխատակիցներ եւ գրություն է ուղարկվել ոստիկանություն՝ տեղեկություններ տրամադրելու ծառայություն իրականացրած ոստիկանության աշխատակիցների ինքնության եւ նրանց հարցաքննության ներկայացնելու վերաբերյալ։ Բացի այդ, ըստ ՔԿ-ի՝ քրեական գործի շրջանակներում մի շարք անձանց բնակարաններում կատարվել են խուզարկություններ, որոնց արդյունքում հայտնաբերվել և առգրավվել են զենք և ռազմամթերք, փայտե մահակ: Նշանակվել է դատաձգաբանական փորձաքննություն, ստուգվում է հայտնաբերված զենքերը պահելու թույլտվություն ունենալու հանգամանքը, գրություններ են ուղարկվել  իրավասու մարմիններին։

Տպել
77672 դիտում

ՀՀ վարչապետ Նիկոլ Փաշինյանը մասնակցել է Դոնալդ Թրամփի կողմից տրված ընդունելությանը

Բողոք չունենք. Մխիթարյանի մայրը՝ տղայից դիվանագիտական անձնագիրը վերցնելու մասին

Ինչպե՞ս են լուծվելու մայրաքաղաքի տրանսպորտային խնդիրները. մանրամասնում է Սրբուհի Ղազարյանը

Վարչապետ Նիկոլ Փաշինյանն աշխատանքային այցով կմեկնի Տաջիկստան

Զորակցեք ու աջակցեք ՀՀ նոր եւ ժողովրդական կառավարությանը. կոչ Եվրամիության կառույցներին եւ միջազգային հանրությանը

Ավտովթար Լոռիում. հիվանդանոց տեղափոխված վիրավորները բրիտանացիներ են

Պուտինը դժվար թե մինչեւ տարեվերջ ժամանի Հայաստան. ՌԴ-ից արձագանքել են ՀՀ ԱԳՆ-ի հայտարարությանը

Երեւանում քննարկվել են երեխաների հանդեպ բռնությանը վերջ դնելու ճանապարհային քարտեզը

Սարգսյանը ֆրանսիական Dassault ընկերության հետ համատեղ գործակցության կոնկրետ ծրագրի մասին է պայմանավորվել

Զինծառայողի նկատմամբ բռնություն է գործադրվել. նրա մահվան դեպքով մեղադրանք է առաջադրվել համածառայակցին

Հայաստանում կհիմնվի ADS ընկերության ֆինանսական ծառայությունների տարածաշրջանային կենտրոն. հանդիպում Փարիզում

Գյումրիում քննությունների չեկած ուսանողները դիպլոմ են ստացել, կրթաթոշակները յուրացվել են. դատախազություն

Ինչո՞ւ է Մխիթարյանից վերցվել դիվանագիտական անձնագիրը

Նուրբ եւ սկզբունքային հարց. ի՞նչ է լինելու հուլիսի 5-ի հետ

Ի՞նչ է տեղի ունեցել. կարեւորը՝ անփորձանք տուն գամ

Ինչո՞ւ չմեկնեց. արա, մենք զանգի ենք սպասում

Փաստարկները օդից բերված չէին, պետք է փորձենք տարբերակներ գտնել. գյուղնախարար

Պաշտոնի չարաշահո՞ւմ է եղել Ավանի մշակույթի տանը. ում քույրն է 2008-ից «ընտրված» տնօրենը

«Սպիտակ»-ը արցունքների մասին չէ. տեղի ունեցավ երկրաշարժի 30-րդ տարելիցին նվիրված ֆիլմի պրեմիերան

Մենք գլուխներս կախ չենք ստորագրի ամեն մի փաստաթուղթ եւ չենք սեղմի ամեն մի կոճակ. Արման Աբովյան