«Նեմրային» չեն արգելել հանդես գալ 100-ամյակի միջոցառման ժամանակ

«Նեմրա» խմբին չեն արգելել ելույթ ունենալ Հայաստանի առաջին հանրապետության եւ Մայիսյան հերոսամարտերի 100-ամյակին նվիրված տոնական միջոցառման ժամանակ: Մայիսի 28-ին Հանրապետության հրապարակում տեղի ունեցած համերգից հետո հայկական շոու բիզնեսի մի քանի կատարողների հետ կապված աղմուկ է բարձրացել: Լուրեր են տարածվել, թե որոշ երգիչների թույլ չեն տվել բեմ բարձրանալ, եւ քանի որ նախապես տեղեկություն կար, որ «Նեմրան» մասնակցելու է, նրանց բացակայությունն էլ խոսակցությունների առիթ դարձավ: Շատերին թվացել է, թե նրանց թույլ չեն տվել ելույթ ունենալ: «Հայկական ժամանակ»-ի հետ զրույցում խմբի մենակատար Վանը պարզաբանեց տեղի ունեցածը:

«Մեր դեպքում ոչ մի արտառոց բան չի պատահել: Մեր ելույթից հրաժարվելը տեղի է ունեցել 1 օր առաջ ու կապ չունի համերգի օրը տեղի ունեցած անախորժությունների հետ: Մենք մի քանի պատճառով ենք հրաժարվել. նախ, որ պետք էր «մինուսով» երգել, այսինքն՝ միայն վոկալս պետք է կենդանի հնչողությամբ լիներ, երաժշտական մասը՝ ձայնագրություն, եւ դրան գումարվեց կոկորդիս ցավը, ու չուզեցի «մինուսով» երգելու համար ռիսկի դիմել, մանավանդ, որ այսօր մեր մենահամերգն էր: Բայց, եթե կենդանի կատարմամբ լիներ եւ, ինչպես առաջին օրն էինք պայմանավորվել կազմակերպիչների հետ, կենդանի նվագախմբի նվագակցությամբ, հաստատ չէի նայի կոկորդիս ցավին ու ելույթ կունենայի, քանի որ նվագախմբի հետ ելույթ ունեցել ենք նախկինում, եւ գիտեմ, թե դա ինչ մեծ հաճույք է, եւ չէի հրաժարվի երգել թեկուզ վնասված կոկորդով»,- ասաց նա:

Համերգի ծրագրով նախատեսված երգիչներից մայիսի 28-ին իրենց կատարումներով հանդես չեն եկել երգչուհիներ Սոնա Շահգելդյանը եւ Գաբի Գալոյանը: Սոնա Շահգելդյանը, ինչպես նշում են կազմակերպիչ «Մեցցո» փրոդաքշնից, ներկայացել է իր ելույթի ժամից 49 րոպե ուշացումով՝ այն ժամանակ, երբ բեմն արդեն հետ հավաքելիս են եղել: Գաբի Գալոյանն էլ հրաժարվել է բեմ բարձրանալ, երբ տեսել է, որ հաղորդավար չկա, որն իրեն կհրավիրի:

Համերգից հետո երգչուհիներն իրենց դժգոհություններն են արտահայտել սոցիալական ցանցերով ու զանգվածային լրատվության միջոցներով: Նրանք վիրավորված են մնացել կազմակերպիչների վերաբերմունքից: Վանն ընդգծում է, որ նրանց էլ կարելի է հասկանալ:

«Հասկանում եմ, որ ամբողջ համերգային ծրագիրը պատրաստվել էր ամիսներ առաջ, եւ վերջին երկու շաբաթում երեւի հնարավոր չէր փոխել համերգային ամբողջ ծրագիրը, միակ խնդիրն այստեղ այն էր, որ պետք էր կա՛մ հենց սկզբից կանչել, կա՛մ չկանչել ընդհանրապես: Ես հասկանում եմ նաեւ այն արտիստներին, որոնք ներկա են եղել, բայց ստացվել է այնպես, որ իրենք որպես «բոնուս» երաժիշտներ էին, դա իրոք կարող է վիրավորել արտիստին»,- ասում է նա՝ կոչ անելով թեթեւ նայել տեղի ունեցածին:

Մայիսի 28-ի համերգի ժամանակ ելույթ են ունեցել Գոռ Սուջյանը, Արտո Թունջբոյաջյանը, Ներսիկ Իսպիրյանը, Սիրուշոն, Սեւակ Խանաղյանը, Հելեն Սեգարան, Ռազմիկ Ամյանը, եւ ուրիշներ: Հանդիսատեսի շարքում եղել են բարձրաստիճան պաշտոնյաներ, այդ թվում՝ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ:

Ինչ վերաբերում  է «Նեմրայի» մենահամերգին, այն կայանալու է այսօր Հովհաննես Թումանյանի անվան պետական տիկնիկային թատրոնում: Սկսվելու է ժամը 19:00-ին: Հատուկ հյուրերն են երգիչ Գոռ Սուջյանը եւ կիթառահար Մհեր Մանուկյանը:  

Լուսանկարը՝ Հանրային հեռուստաընկերության

Տպել
3065 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին