Տղաս վախից գիշերները չի քնում. միայնակ մայրն անմարդկային պայմաններում է ապրում (տեսանյութ)

Երեւան քաղաքի բնակչուհի Անահիտ Աղայանն ու 5-ամյա փոքրիկն օգնության կարիք ունեն: Անահիտն առողջական խնդիրների պատճառով չի կարողանում աշխատել:

ՀՀ աշխատանքի եւ սոցիալական հարցերի նախարարությունից 24 հազար դրամ նպաստ է ստանում: Մալաթիա-Սեբաստիա համայնքում գտնվող մեկ հարկանի տներից մեկում՝ մեկ սենյականոց փոքրիկ բնակարանում միայնակ մայրն ապրում է վարձով: Ամուսինը մոտ երեք տարի առաջ գնացել է Ռուսաստան արտագնա աշխատանքի ու այլեւս չի վերադարձել. «Իրենից ոչ մի տեղեկություն չունենք, երեխայի ու իմ մասին մոռացել է, բացարձակապես ոչնչով չի օգնում: Բնակարանը, որտեղ Անահիտն ու իր փոքրիկն են ապրում՝ բացի այն, որ շատ փոքր է, այն գտնվում է, մեղմ ասած, վատ վիճակում. «Բազմոցին տղաս է քնում, հատակին՝ ես, այն էլ վախվխելով: Տանը կարիճներ կան, առնետներ, էն օրը տղաս կարիճից վախեցել էր, հիմա գիշերները չի քնում՝ վախենում է»,- պատմեց Անահիտը: 

Կացարանում, որտեղ բնակվում է Անահիտ Աղայանը, անձրեւաջրերի խոնավությունից առաջացած տարբեր ճեղքերի հետեւանքով կարիճներ ու խավարասերներ են վխտում, սակայն վերջինս ստիպված է այդտեղ մնալ, քանի որ այլընտրանք չունի: Ասում է՝ արդեն սովորել է բնակարանի մաքրություն անելիս տարբեր միջատների եւ խավարասերների հետ «պայքարի մեջ մտնելուն»:

Տեսանյութ՝

Անահիտը վարձած բնակարանի համար 25 հազար դրամ է վճարում, նպաստի մեծ մասը նա հատկացնում է փոքրիկ կացարանի վարձավճարին: Գյուղում ապրող ծնողները երբեմն որոշ գյուղատնտեսական մթերքներ են ուղարկում, սակայն, ինչպես ինքն է նշում, նրանք էլ մի լավ օրի չեն, քրտնաջան աշխատանքով հազիվ օրվա հաց են վաստակում:

«Մի օր մեկի հույսին, մեկ այլ օր՝ մյուսի, տղայիս չեմ կարողանում հագուստով ու նվազագույն սնունդով ապահովել: Երբ դեռ առողջական վիճակս այսքան չէր վատթարացել, հացի փռում էի աշխատում, լավաշ էի թխում: Հիմա ի վիճակի չեմ, գոնե մի որոշ ժամանակ բուժման կուրսեր անցնեմ, որ կարողանամ աշխատել, տղայիս դպրոց ուղարկել, այս տարի 6-ն է լրանում, պետք է դպրոց գնա, հագուստ է պետք, գրենական պիտույքներ են պետք...»,- ասաց Անահիտը:

Տեսանյութ՝

 

Լուսանկարում՝ Անահիտն ու որդին

Տպել
3779 դիտում

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին

Վեց տարեկան Իրինան շարունակում է պայքարել քաղցկեղի դեմ. հանգանակությունը շարունակվում է