«Լուժնիկին» կընդունի բացման ու եզրափակիչ խաղերը. ֆուտբոլի ԱԱ-ի բոլոր մարզադաշտերը

Ֆուտբոլի աշխարհի 2018 թ. առաջնության հանդիպումները կանցկացվեն Ռուսաստանի 11 քաղաքների 12 մարզադաշտերում: Հունիսի 14-ից հուլիսի 15-ը կայանալիք մրցաշարի խաղերը կհյուրընկալեն «Եկատերինբուրգ արենան», «Վոլգոգրադ արենան», «Սամարա արենան», «Նիժնի Նովգորոդը», «Մորդովիա արենան», «Ռոստով արենան», «Կալինինգրադը», «Կազան արենան», «Ֆիշտը», «Սանկտ Պետերբուրգը», «Սպարտակը» եւ «Լուժնիկին»:   

«Լուժնիկի» (Մոսկվա)

Աշխարհի 2018 թ. առաջնության գլխավոր մարզադաշտն է: Հունիսի 14-ին այստեղ կայանալու է բացման Ռուսաստան-Սաուդյան Արաբիա խաղը: Տեղակայված է մայրաքաղաքի ամենագեղեցիկ վայրերից մեկում եւ «Լուժնիկի» օլիմպիական համալիրի մաս է կազմում: Հուլիսի 15-ին էլ հյուրընակելու է եզրափակիչը: Այն կառուցվել է 1956 թ. ԽՍՀՄ ժողովուրդների Սպարտակիադայի համար: Դրանից հետո հյուրընկալել բազմաթիվ խոշոր մարզական ու մշակութային միջոցառումներ՝ այդ թվում 1980 թ. ամառային օլիմպիական խաղերը:

Այստեղ տեղի են ունեցել Ռուսաստանի ֆուտբոլի ազգային հավաքականի բազմաթիվ խաղեր: Նաեւ բազմաթիվ անգամներ տնային մարզադաշտ է եղել Մոսկվայի «Սպարտակի», ԲԿՄԱ-ի եւ «Տորպեդոյի» համար: Այստեղ կայացել են նաեւ եվրոպական կարեւորագույն մրցաշարերից 2-ի եզրափակիչները: 1999 թ. ՈՒԵՖԱ-ի գավաթի եզրափակչում (այժմ՝ Եվրոպա լիգա) «Պարման» հաղթել է «Մարսելին»: 2008-ի Չեմպիոնների լիգայի եզրափակչում էլ «Մանչեստեր Յունայթեդը» 11-մետրանոցներով պարտության է մատնել «Չելսիին»:

Վերակառուցումը սկսվել է 2013 թվականին ԱԱ 2018-ի համար: Վազքուղին հեռացվել է, նստատեղերը մոտեցվել են խաղադաշտին: Այժմ 78 հազարի փոխարեն կարող է տեղավորել 80 հազար հանդիսական:

«Սպարտակ» (Մոսկվա)

Մոսվայի «Սպարտակ» թիմի մարզադաշտն է: Կառուցման աշխատանքները սկսվել են 2010 թ.: Առաջին հանդիպումն այստեղ տեղի է ունեցել 2014 թ. սեպտեմբերի 5-ին: Եղել է նաեւ 2017 թ. Կոնֆեդերացիաների գավաթի խաղարկության մարզադաշտ: Տեղավորում է 45 հազար հանդիսական:

«Կալինինգրադ» (Կալինինգրադ)

Կառուցվել է աշխարհի 2018 թ. առաջնության համար: Մրցաշարից հետո այստեղ իր տնային հանդիպումներն է անցկացնելու «Բալթիկա» թիմը: Տեղավորում է 35 հազար հանդիսական:

«Եկատերինբուրգ արենա» (Եկատերինբուրգ)

Ռուսաստանի ամենահին թիմերից մեկի՝ «Ուրալի» տնային մարզադաշտն է: Կառուցվել է 1953 թ.: Դրանից հետո մի քանի անգամ վերանորոգվել է, վերջին անգամ ԱԱ 2018-ի համար: Վերանորոգումներից հետո պահպանվել է դրա պատմական տեսքը: Աչքի է ընկնում Խորհրդային միության ոճի ճարտարապետությամբ ու դեկորացիաներով: Տեղավորում է 35 հազար հանդիսական:

«Վոլգոգրադ արենա» (Վոլգոգրադ)

Տեղավորում է 45 հազար հանդիսական: Աշխարհի 2018 թ. առաջնությունից հետո այստեղ իր տնային հանդիպումներն է անցկացնելու «Ռոտորը»:

«Ֆիշտ» (Սոչի)

Կառուցվել է 2014 թ. ձմեռային օլիմպիական խաղերի համար: Հյուրընկալել է Սոչի 2014-ի բացման ու փակման արարողությունները: Վերակառուցվել է ԱԱ 2018-ի համար: Վերաբացվել է 2017 թ.: Տեղավորում է 48 հազար հանդիսական:

ԱԱ-ից հետո այստեղ ուսումնամարզական հավաքներ է անցակցնելու Ռուսաստանի ֆուտբոլի ազգային հավաքականը: Նաեւ անցկացնելու է որոշ պաշտոնական ու ընկերական հանդիպումներ:

«Կազան արենա» (Կազան)

Կառուցվել է 2013 թ. ամառային համաշխարհային ուսանողական խաղերի համար: Այստեղ կայացել են բացման ու փակման արարողությունները: Դիզայնը պատկանում է նույն ընկերության ճարտարապետներին, որը զբաղվել է նաեւ Լոնդոնի «Ուեմբլի» եւ «Էմիրեյթս» մարզադաշտերի դիզայնով:

Տեղավորում է 45 հազար հանդիսական: Այստեղ տնային հանդիպումներն է անցկացնում «Ռուբինը»: ԱԱ-ից հետո այստեղ կարող են տեղի ունենալ ոչ միայն տարբեր մարզական, այլեւ մշակութային իրադարձություններ, շոուներ, համերգներ:

«Նիժնի Նովգորոդ» (Նիժնի Նովգորոդ)

Տեղավորում է 45 հազար հանդիսական: Աշխարհի 2018 թ. առաջնությունից հետո այստեղ իր տնային հանդիպումները կանցկացնի «Օլիմպիեց» թիմը:

«Սամարա արենա» (Սամարա)

Կառուցման աշխատանքները սկսվել են 2014 թ. հուլիսին: Տեղավորում է 45 հազար հանդիսական: Աշխարհի առաջնությունից հետո այստեղ իր տնային հանդիպումներն է անցկացնելու «Կրիլյա սովետովը»:

«Ռոստով արենա» (Դոնի Ռոստով)

Տեղավորում է 45 հազար հանդիսական: Այստեղ իր տնային հանդիպումներն է անցկացնելու «Ռոստովը»:

«Սանկտ Պետերբուրգ» մարզադաշտ (Սանկտ Պետերբուրգ)

Համարվում է աշխարհի ամենաժամանակակից մարզադաշտերից մեկը: Ունի տեղաշարժվող տանիք: Այստեղ կարելի է անցկացնել ցանկացած միջոցառում տարվա ցանկացած եղանակին, անգամ ձմռանը: Հյուրընկալել է 2017 թ. Կոնֆեդերացիաների գավաթի խաղարկության բացման ու եզրափակիչ հանդիպումները:

«Զենիթ» թիմի տնային հանդիպումների մարզադաշտն է: Տեղավորում է 67 հազար հանդիսական: Հյուրընկալելու է Եվրո 2020-ի խմբային փուլի 3 խաղ, ինչպես նաեւ քառորդ եզրափակիչ հանդիպումներից մեկը:

«Մորդովիա արենա» (Սարանսկ)

Տեղավորում  է 44 հազար հանդիսական: Աշխարհի առաջնությունից հետո նստատեղերի թիվը կրճատվելու է՝ հասցվելու է 25 հազարի: Ազատված տարածքն օգտագործվելու է մարզական այլ շինություններ կառուցելու համար. հնարավոր է լինելու անցկացնել վոլեյբոլի, թենիսի, բասկետբոլի հանդիպումներ, լինելու է ֆիթնես կենտրոն: Այստեղ իր տնային հանդիպումները կանցկացնի «Մորդովիան»:

Տպել
1264 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց