Տապալվելու եզրին կանգնած Ոսկե ծիրանը կկայանա. Լիլիթ Մակունցը դեռ առաջարկներ չունի

Հուլիսի 8-ին կմեկնարկի հոբելյանական՝ 15-րդ «Ոսկե ծիրան»-ը եւ ութ օր շարունակ կմիավորի կինոփառատոնի երկրպագուներին: Այսօր այս մասին լրագրողների հետ հանդիպման ընթացքում տեղեկացրեցին փառատոնի համատեղ կազմակերպիչները: Այս տարի փառատոնն առանձնակի կարևորություն ունի, քանի որ այն հոբելյանական է:

Սակայն «Ոսկե ծիրան»-ի հիմնադիրներից Հարություն Խաչատրյանը ՀԺ-ի հետ զրույցում իր մտահոգությունը հայտնեց՝ ասելով. «Դժբախտաբար փոփոխություններն իրենց հետ բերում են ե՛ւ լավ, ե՛ւ վատ բաներ, այսինքն, երբեմն թացը խառնվում է չորի հետ: Վերջին իրադարձություներից հետո շատ հովանավորներ կարծես թե հետ քաշվեցին «Ոսկե ծիրան»-ից՝ կարծելով, որ այն կարող է այս ընթացքում տեղի չունենա»,-ասաց Հարություն Խաչատրյանը:

Ընդգծեց, որ մշակույթի նախարարությունը, եթե ամեն տարի հունվարի վերջին էր ֆինանսական առաջին փոխանցումներն անում, ապա այս տարի տարբեր պատճառներով առաջին 17 միլիոն դրամը կարողացել են փոխանցել մայիսի 28-ին: Նշենք, որ ամեն տարի մշակույթի նախարարությունը 50 միլիոն դրամ է հատկացնում «Ոսկե ծիրան» փառատոնին:

«Մենք առնվազն 10 ամիս պետք է աշխատենք՝ ֆիլմեր վարձակալենք, տոմսեր պատվիրենք, ֆիլմեր թարգմանենք. Չեմ կարծում, որ դիտմամբ արվեց, բայց սա մեզ այնպիսի վիճակի մեջ դրեց, որ «Ոսկե ծիրան»-ը տապալվելու վտանգի տակ հայտնվեց»,-ասաց Հարություն Խաչատրյանը: Կինոգետի բնորոշմամբ՝ բավականին դժվար է լավագույն ֆիլմեր բերել Հայաստան՝ ցուցադրման, քանի որ լավագույն մրցանակի արժանացած ֆիլմերի վարձակալության համար մեծ գումարներ են պահանջում:

Կինոգետը նաև ասաց, որ մտահոգություններ ուներ, որ ՎիվաՍել-ՄՏՍ-ն էլ չի կարողանա ժամանակին գումար փոխանցել եւ փառատոնը վերջնականապես կտապալվի, սակայն բարեբախտաբար անցած տարվա պատմությունը չի կրկնվել. «Անցած տարի ընկերությունը խնդիրներ ուներ, այդ իսկ պատճառով բավականին կրճատել էր հատկացվող գումարը՝ 150 միլիոն դրամի փոխարեն 50 էին փոխանցել»: Այս տարի արդեն 100 միլիոն դրամին համարժեք գումար է փոխանցել Ռալֆ Յիրիկյանը:

Հանդիպմանը ներկա ՎիվաՍել-ՄՏՍ-ի գլխավոր տնօրեն Ռալֆ Յիրիկյանը պատրաստակամություն հայտնեց շարունակական աջակցություն ցուցաբերել «Ոսկե ծիրան»-ին. «2006 թվականից մենք փառատոնի կողքին ենք կանգնել եւ այս անգամ միասին ենք տոնելու 15-րդ հոբելյանականը»: Հարություն Խաչատրյանը Ռալֆ Յիրիկյանին հաջողություն ցանակացավ՝ ասելով. «Որպեսզի ավելի պատրաստակամ միանաք եւ աջակցեք մեզ եւ անցած տարվա նման չլինի»:

Մշակույթի նախարար Լիլիթ Մակունցը փառատոնի անցկացման վերաբերյալ դեռ ոչ մի առաջարկով կամ պահանջով հանդես չի եկել: Հանդիպմանը ներկա նախարարը նշեց, որ միայն քննարկել են ծրագրի ֆինանսավորման հարցն ու որոշակի խնդիրներ, որոնք առաջ էին եկել նախկինում: «Կինոկենտորնի, առհասարակ կինոյի ճակատագրի հետ կապված դեռ ոչ մի քննարկում չի եղել, կինոյի հետ կապված՝ միայն քննարկել ենք օրենքի նախագիծը: Շուտով մենք  ունենալու ենք կանոնակարգի նոր առաջարկներ»,-ասաց Մակունցը:

Այս տարի փառատոնն ունենալու է 15 տարբեր խորագրեր կրող ազդագրեր, որոնցից յուրաքանչյուրը ներկայացնում է փառատոնի պատմությունը, ձեռքբերումները եւ մարտահրավերները: Կազմակերպիչներից Միքայել Ստամբոլցյանի վստահեցմամբ՝ փառատոնի ծրագրի մակարդակը երկու հանգամանք է ապահովում՝ ծրագրերի մակարդակը եւ ժյուրիի կազմը: Վերջինս վստահեցրերց, որ այս տարի ընտրված ժյուրիի կազմը արժանի է եւ յուրահատուկ:

Նա ներկայացրեց փառատոնի հիմնական՝ խաղարկային եւ վավերագրական միջազգային մրցութային ծրագրերի ժյուրիի նախագահների կազմը: Խաղարկային ֆիլմերի ժյուրին այս տարի կնախագահի կրկնակի օսկարարկիր, Կաննի միջազգային կինոփառատոնի մրցանակակիր Ասղար Ֆարհադին (Իրան): Հանձնաժողովի կազմում են Եվրոպական կինոշուկայի նախագահ Բեկի Պրոբսթը, ռուս ռեժիսոր Բորիս Խլեբնիկը, ֆրանսահայ կինոռեժիսոր Վալերի Մասադյանը, ճանաչված կինոօպերատոր Լերի Սմիթը:

Իսկ վավերագրական ֆիլմերի ժյուրին կնախագահի ժամանակակից վավերագրական կինոյի նշանավոր չին կինոռեժիսոր Ճաո Լյանը: Ժյուրիի կազմում են ռեժիսոր, սցենարիստ Ալեքսեյ Վախրուշնը, Լիտվիայի երաժշտության եւ թատրոնի ակադեմիայի պրոֆեսոր, ռեժիսոր եւ պրոդյուսեր Աուդրյուս Սթոնիսը, ռեժիսոր եւ պրոդյուսեր Բեն Վան Լիսհաութը, «Ոսկե ծիրան» կինոփառատոնի մրցանակակիր, կինոռեժիսոր Թամարա Ստեփանյանը: 

Փառատոնի բացման եւ փակման արարողությունը տեղի կունենա Արամ Խաչատրյան համերգասրահում:

Տպել
6103 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին