Ըստ Մենչի՝ Անի Երանյանի բացակայությունը վտանգավոր չէ «Ֆուլ հաուս 2»-ի հաջողության համար

«Ֆուլ հաուսի» պրոդյուսեր Արմեն Պետրոսյանը՝ Մենչը, չի կարծում, որ նոր եթերաշրջանում Անի Երանյանի բացակայության պատճառով հեռուստադիտողի սերը նախագծի նկատմամբ կպակասի: Դերասանուհին այժմ բնակվում է Մոսկվայում եւ չի կարող մասնակցել նկարահանումներին, հետեւաբար սիթքոմի մյուս կերպարների շուրջ պատմությունը կզարգանա արդեն առանց Անիի կերպարի՝ Տաթեւի: Armtimes.com-ի հետ զրույցում Մենչը նշեց, որ ընթացքում հեռուստադիտողի համար սովորական կդառնա դերասանական այսպիսի կազմը:

«Չեմ մտածում, որ (խմբ. Անի Երանյանի բացակայությունը) կազդի: Մեր անձնակազմն ունի իր ուրույն տեղը եւ դիրքը հեռուստադիտողի մոտ: Միգուցե սկզբում անսովոր լինի, բայց շատ շուտ իր տեղը կընկնի: Համաշխարհային պրակտիկայում էլ դերասանների փոփոխության նման դեպքեր լինում են: Մեր պարագայում նույնիսկ փոփոխություն էլ չէ, այսինքն՝ մենք չենք փոխարինելու Անի Երանյանին ինչ-որ մեկով, ուղղակի նրա կերպարը չի լինելու այս նոր՝ «Ֆուլ հաուս 2»-ում»,- ասաց նա՝ ավելացնելով, որ Անին չի մասնակցի նաեւ «Ֆուլ հաուսի» ներկայացումներին:

«Ֆուլ հաուս 1»-ի եթերաշրջաններից մեկում եղել է, որ դերասաններից մեկն այլ երկրում է բնակվել, ու նրա կերպարին էլ սցենարով «ուղարկել» են այդ երկիր: Խոսքն Արփի Գաբրիելյանի կերպարի՝ Լիկայի եղբոր՝ Հրաչի մասին է. Մովսես Կարապետյանը տեղափոխվել էր ԱՄՆ, ու Հրաչն էլ, ըստ սյուժեի, այնտեղ էր: Անի Երանյանի դեպքում «Ֆուլ հաուսի» սցենարիստները նման լուծումը նպատակահարմար չեն համարել:

«Ամբողջ «Ֆուլ հաուս 2»-ը կկառուցվի այդ հարաբերությունների վրա, այսինքն՝ Անի Երանյանի չլինելու. նորից պետք է սկսենք «Ֆուլ հաուսը»՝ նոր պատմությունով: Հրաչի դեպքում նրա կերպարը տեղ ուներ զարգացման, իսկ հիմա.... այդպիսի բանը համարում եմ թեթեւ (խաբեություն), այդ պատճառով էլ, երեւի, նման բան չենք անի, որովհետեւ սցենարով նման բան նախատեսված չէ»,- ասաց նա:

Այս շրջանում «Ֆուլ հաուսի» նոր եթերաշրջանի աշխատանքները նախապատրաստական փուլում են: Սցենարիստներ Գրիգոր Դանիելյանը, Գարիկ Սեփխանյանը, Վահան Մովսիսյանը եւ Արտուշ Գեւորգյանն աշխատում են սցենարի վրա: Նոր «Ֆուլ հաուսում» լինելու են ամբողջությամբ նոր տաղավարներ ու բոլորովին նոր պատմություն: Մենչը վստահ է, որ այս մեկը հաջողությամբ նախորդին չի զիջի:

«Մենք ամեն ինչ անում ենք, որ լինի, եթե ոչ ավելի լավը, հաստատ ոչ ավելի վատը: Մեր գերնպատակն է, որ թե՛ սցենարային, թե՛ նկարահանման որակով, թե՛ տաղավարների որակով ոչնչով չզիջի առաջին «Ֆուլ հաուսին»: Կապրենք, կտեսնենք, ինձ թվում է՝ այդպես էլ կլինի, որովհետեւ այս դադարը, որը մենք վերցրել էինք՝ անցած տարվա վերջից մինչեւ հիմա, ամբողջ ընթացքում աշխատել ենք, աշխատում ենք նախագծի վրա, եւ չեմ մտածում, որ ինչ-որ խնդիր կլինի»,- ասաց նա:

Նախկինում խոսակցություններ կային, որ «Ֆուլ հաուսը» գուցե ներկայացվի ֆիլմի տեսքով: Ստեղծագործական անձնակազմը, սակայն որոշել է առայժմ հետաձգել այդ գաղափարի իրականացումը: Պատճառը, ըստ Մենչի, հեռուստադիտողների պահանջն է. նրանք ցանկանում են կրկին հեռուստաէկրաններին տեսնել «Ֆուլ հաուսի» բնակիչներին:

«Մի պահ մտածում էինք, բայց, եթե այս տարի անեինք ֆիլմը, ուղղակի չէինք սկսի նոր եթերաշրջան, որովհետեւ ֆիլմը մի փոքր ավելի ծավալուն է եւ ավելի երկարատեւ աշխատանք է պահանջում: Քանի որ հեռուստադիտողի կողմից նորից լինելու պահանջը շատ մեծ էր եւ բոլորս ամեն օր ստանում էինք բազմաթիվ նամակներ, որոշեինք, որ ավելի լավ է՝ այս պահին սկսենք սիթքոմի եթերաշրջանը, ֆիլմը հետաձգենք»,- ասաց նա:

Նոր եթերաշրջանի նկարահանումները սկսվելու են օգոստոսի 20-ին: Հեռուստաէկրաններին կլինի հոկտեմբերի սկզբից: Ներկայացումները, հյուրախաղերը նույնպես կլինեն: Դրանք կշարունակվեն հաջորդ տարվանից՝ 2019 թվականից:

Տպել
4138 դիտում

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը