Մուգ դարչնագույն հեղուկ է հոսում. ջերմուկցիները փակել են Ամուլսարի հանքավայրի ճանապարհները

Ջերմուկցիներն այսօր առավոտից դարձյալ փակել են դեպի Ամուլսարի ոսկու հանքավայր բարձրացող դաշտամիջյան ճանապարհները։ Այս մասին ֆեյսբուքյան իր էջում հայտնում է «Ջերմուկի զարգացման կենտրոն» ՀԿ-ի նախագահ Վազգեն Գալստյանը:

«Քանի որ պլանավորվել է երկարատեւ պայքար հանքի աշխատանքների վերջնական դադարեցման համար, ուստի որդեգրվել է հերթափոխով եւ արագ մոբիլիզացիոն տակտիկան։ Այսինքն՝ ճանապարհը փակում ենք հստակ գրաֆիկով, բայց անհրաժեշտության դեպքում 15-20 րոպեի ընթացքում դառնում ենք մինչեւ 300 մարդ, խիստ անհրաժեշտության դեպքում ոտքի է կանգնում Գնդեվազի ողջ բնակչությունը»,- գրել է Գալստյանը:

Բողոքի ակցիայի մասնակիցները (հիմնականում` Գնդեվազ գյուղի բնակիչները) հայտարարում են, որ հանքշահագործող « Լիդիան Արմենիա» ընկերությունը վերջին մի քանի ամսվա ընթացքում Ամուլսարում հորատման աշխատանքների ժամանակ 2 անգամ վնասել է իրենց գյուղի խմելու ջրի խողովակները։ Տեղացիներն ահազանգում են նաեւ, որ անձրեւների ժամանակ ծորակներից մուգ դարչնագույն հեղուկ է հոսում, իսկ չոր եղանակին իրենք խեղդվում են հանքի տարածքից գյուղ հասնող փոշուց։ Գյուղի կյանքը խաթարում են նաեւ պարբերական պայթեցումները։

Իսկ ամենամեծ վտանգը տեղի բնակիչները համարում են հանքի շահագործման ընթացքում կիրառվելիք ցիանիդն ու աղաթթուն, որոնք թունավորելու են Ջերմուկի բնությունն ու գյուղացիների բերքը։

Բողոքողները պահանջում են դադարեցնել հանքի աշխատանքները եւ վերանայել հանքշահագործման թույլտվությունը։

Հիշեցնենք, որ հանքի շահագործման դեմ պայքարող ակտիվիստները մայիսի 23-ին Երեւանում բողոքի ակցիա էին կազմակերպել, որի ընթացքում իրենց բողոք-նամակը հանձնել էին ՀՀ նախագահ Արմեն Սարգսյանին։

Նա ցուցարարներից վերցրել էր Ամուլսարի հանքի վերաբերյալ նամակը եւ խոստացել ուսումնասիրել ներկայացված փաստերը:

Տպել
652 դիտում

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը