Աննա Հակոբյանը ԵՊՀ-ում էր. հնչեցին բազմաթիվ հարցեր (լուսանկարներ)

Երեւանի պետական համալսարանի ժուռնալիստիկայի ֆակուլտետի հյուրն է «Հայկական ժամանակ» օրաթերթի գլխավոր խմբագիր, ՀՀ վարչապետի տիկին Աննա Հակոբյանը:

ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանն ու ՀԺ-ի գլխավոր խմբագիր, վարչապետի տիկին Աննա Հակոբյանը

Հանդիպում-քննարկումը նախաձեռնել էր ԵՊՀ ժուռնալիստիկայի ֆակուլտետի Ուսանողական գիտական ընկերությունը: Թեպետ միջոցառման համար ընտրված դահլիճը նախատեսված է 250 մարդու համար, հանդիպման ֆեյսբուքյան իվենթից տեսնում ենք, որ մասնակցելու ցանկություն եւ հետաքրքրություն էր հայտնել ավելի քան հինգ հազար հոգի:  

Հանդիպումն ընթանում էր հիմնականում լրագրության հետ կապված հարցերի շուրջ: Ուսանողները կարողացան հարցեր ուղղել Աննա Հակոբյանին: Վերջինս, պատասխանելով ուսանողներից մեկի հարցին, խոսեց քաղաքացիական լրագրության դրական դերի մասին: Հակոբյանը նշեց, որ հեղափոխության օրերին ֆեյսբուք սոցիալական ցանցում ակտիվ օգտատերերն իրենց մեծ դերն են ունեցել՝ հրապարակելով բազմաթիվ տեսանյութեր ու լուսանկարներ: Նրա կարծիքով՝ քաղաքացիական լրագրությունը չի վնասում մասնագիտական լրագրությանը:

Հարցին՝ արդյո՞ք «Հայկական ժամանակ» օրաթերթում ներկայիս իշխանությունների գործունեության վերաբերյալ դժգոհությունները արձագանք գտնում են, Աննա Հակոբյանը պատասխանեց, որ ինքը խոստացել է եւ կրկնում է, որ «Հայկական ժամանակ»-ը շարունակելու է լինել ամենաազատ եւ ընդդիմադիր օրաթերթը.

«Եթե իրականության մեջ իմ հայտարարությունը դեռ չի արտացոլվել, ապա պետք է ասեմ, որ ես «Հայկական ժամանակ»-ի բոլոր լրագրողներին եւս մեկ անգամ խնդրելու եմ, որ անկախ քաղաքական փոփոխություններից՝ իրենք երբեք ինքնագրաքննությամբ չզբաղվեն, եւ մենք միանշանակ պետք է ուշադիր լինենք կառավարությանն ուղղված քննադատությանն ու բողոքներին»:

Ժուռնալիստիկայի ֆակուլտետի ուսանողներից մեկի հարցին՝ Նիկոլ Փաշինյանը քաղաքական գործունեությամբ զբաղվելու ժամանակ դադարեց լինել ՀԺ-ի գլխավոր խմբագիր, Աննա Հակոբյանը պատրաստվու՞մ է օրաթերթում դադարեցնել գործունեությունը՝ ելնելով ներկայիս կարգավիճակից, Հակոբյանը պատասխանեց.

«Ես կառչած եմ եւ շատ դժվար կբաժանվեմ գլխավոր խմբագրի պարտականություններից: Այս պահին առնվազն երկու ամիս չեմ կարողացել կատարել աշխատանքային պարտականություններս, եւ շատ են ասում, որ իմ՝ գլխավոր խմբագիր մնալը լրագրողական էթիկայի տեսանկյունից ճիշտ չի լինի: Հիմա պատրաստ չեմ բաց հայտարարել, բայց երեւի իրավիճակը կհանգեցնի այդ որոշմանը»,- ասաց Աննա Հակոբյանը:

«Հայկական ժամանակ»-ի գլխավոր խմբագիրը, պատասխանելով հարցերին, խոսեց նաեւ լրագրողի ազատության մասին: Նրա կարծիքով՝ լրագրողը գործում է իր խղճի, պրոֆեսիոնալիզմի, պետական շահերի շրջանակներում.

«Լրագրողի ազատությունն այն է, որ գրելիս չես մտածում իքս անձը ինչպես կարձագանքի գրածիդ, իգրեկ անձը ինչպես կարձագանքի եւ այլն: Նման գործողությունները կարող են ազդել լրագրողի աշխատանքի վրա եւ զրկել լրագրողին իր ազատությունից: Ինչքան բարձր լինեն մեր գիտելիքները, այնքան լրագրողական ազատությունից չեն տուժի մարդկային եւ ազգային արժեքները: Լրագրողը խնդրին բախվելիս որոշում է կայացնում մաքսիմալ անաչառ ներկայացնել խնդիրը, եւ դա է լրագրողի ազատությունը»,- նշեց Հակոբյանը:

«Հրապարակ» օրաթերթի լրագրողի հարցին՝ ի՞նչ է կարծում Աննա Հակոբյանը վերջին շրջանում հասարակության կողմից մամուլի այն հրապարակումների քննադատության մասին, որտեղ նոր ձեւավորված կառավարությունը արդեն իսկ բազմաթիվ քննադատությունների է արժանացել, Հակոբյանն իր մտահոգությունը հայտնեց՝ նշելով, որ այս խնդրի լուծումը միայն ժամանակը կարող է լինել, երբ հասարակությունը դուրս գա էյֆորիկ վիճակից ու հասկանա, որ մամուլի քննադատությունների ու վերահսկողության շնորհիվ է, որ կառավարությունը չի կորցնում իր զգոնությունը>:

Աննա Հակոբյանը նշեց, որ առաջիկայում պետք է մոռանալ հեղափոխությունը, ծափահարությունները, ձոները և անցնել աշխատանքային ռեժիմի, որը լրատվամիջոցի համար առաջին հերթին նշանակում է քննադատություն. «Եվ մեր այն հայրենակիցները, որոնք սիրում են կառավարության նոր անդամներին, պետք է ուղղակի հասկանան, որ այդ մարդկանց կարելի է օգնել միայն մամուլի միջոցով քննադատելով: Առանց դրա նրանք ուղղակի կկտրվեն հողից և ի վերջո հենց այդ նույն հանրությունը, հնարավոր է, մի օր էլ դուրս գա փողոց և ստիպված լինի նորից հրաժարականի պահանջով փողոց փակել»,-ասաց «Հայկական ժամանակ» օրաթերթի գլխավոր խմբագիրը:

Միջոցառմանը ներկա էին ԵՊՀ ուսանողների հետ տարվող աշխատանքների գծով պրոռեկտոր Ռուբեն Մարկոսյանը եւ ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը:

Քանի որ միջոցառումը բաց էր եւ բացի ուսանողներից մասնակցության հնարավորություն ունեին նաեւ տարբեր քաղաքացիներ, մի շարք հարցեր հնչեցին նաեւ հանդիպման ձեւաչափից դուրս:

Միջոցառման ավարտին Աննա Հակոբյանը շնորհակալություն հայտնեց հանդիպման հրավերի ու հարցերի համար: Այնուհետեւ ելույթ ունեցավ նաեւ ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը՝ Աննա Հակոբյանին հրավիրելով համալսարանի հարյուրամյակի եւ ժուռնալիստիկայի ֆակուլտետում կատարվելիք միջոցառումներին:

Նշենք, որ Աննա Հակոբյանը եւս ԵՊՀ ժուռնալիստիկայի ֆակուլտետի շրջանավարտ է:

ԵՊՀ ժուռնալիստիկայի ֆակուլտետի ուսանողուհի, միջոցառման կազմակերպիչ Աննա Կոստանյանն ասաց, որ համալսարանում նմանատիպ հանդիպումներ հաճախ են կազմակերպվում, իսկ այս անգամ հյուրի ընտրությունն իրենն էր.

«Այս անգամ հյուրին ես էի ընտրում, ցանկացա, որ լրագրող լինի, եւ հենց «Հայկական ժամանակ» օրաթերթի գլխավոր խմբագիր Աննա Հակոբյանին էլ հրավիրեցինք: Իրականում սպասում էի, որ ժուռնալիստիկայի ֆակուլտետի ուսանողները պիտի ակտիվ լինեին, չնայած սպասելիքներս չարդարացան, այնուամենայնիվ, տարատեսակ հետաքրքիր հարցեր հնչեցին: Սա լավ հնարավորություն էր ուսանողների համար՝ ալտերնատիվ հանդիպում ունենալու լրագրողի, մասնագետի հետ»,- ասաց ուսանողուհին:

Տպել
9154 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում