Սպառող բառ գոյություն չունի կառավարության ծրագրում. Բաբկեն Պիպոյան

Հունիսի 1-ին «Իրազեկ և պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում անդրադառնալով նոր կառավարության գործունեությանը գրել էր, որ արդեն իսկ ուրվագծվում է, որ միայն կամքը բավարար չէ եւ պրոֆեսիոնալիզմի ակնհայտ պակաս կա: Բաբկեն Պիպոյանը հիմնականում անդրադառնում է գյուղատնտեսության ոլորտին:

Մեր զրույցում Բաբկեն Պիպոյանը մանրամասնեց, թե ի՞նչ թերություններ է տեսել կառավարության ծրագրում:

- Պարոն Պիպոյան, ի՞նչ թերություններ եք նկատել կառավարության ծրագրում, եւ ի՞նչ պրոֆեսիոնալիզմի պակասի մասին եք խոսում, որն արդեն նկատել եք նոր կառավարությունում:

- Մինչեւ այն պահը, երբ սուպերմարկետները որոշեցին գնալ թանկացումների, ես գրառում էի կատարել այն մասին, որ կառավարությունը քննարկման ծրագրում ներառի, թե ինչպիսին է լինելու նոր կառավարության վերաբերմունքը սուպերմարկետների նկատմամբ, որովհետեւ բոլորս քաջ գիտակցում ենք մի պարզ բան, տարիներ շարունակ` նախորդ իշխանությունների ապաշնորհ կառավարման արդյունքում փոքր եւ միջին բիզնեսը ՀՆԱ-ի մեջ ունի միջին տեսակարար կշիռ: Մինչդեռ պետք է ունենա մեծ տեսակարար կշիռ:

Բացի այդ, սուպերմարկետները շուկայում դարձել են ամեն հարց թելադրող, սկսած նոր խաղացողների ի հայտ գալուց` ներմուծման փուլում, վերջացրած իրացման փուլում` նոր ներմուծողի համար ցանցի բացակայությունը: Այսինքն, ունենալով գերիշխող դիրք շուկայում, նրանք կարողանում են, որոշել՝ ումից ապրանք ընդունել, ումից չընդունել, ստեղծելով համապատասխան խոչընդոտներ՝ իրացումը կազմակերպելու տեսանկյունից, կարողանում են դաշտում թելադրել սեփական խաղի կանոնները:

Սա կարեւորելով առաջին բանը, որի մասին ես խոսել էի սուպերմարկետների հետ կապված նոր կառավարության դիրքորոշման հստակ արձագանքը պետք է լինի, որպեսզի մենք հասկանանք՝ ո՞ւր ենք գնում, շարունակում ենք մնալ, այսպես ասած, սուպերմարկետների գերիշխող դիրքի ազդեցության տա՞կ, թե՞ կառավարությունը փորձելու է մեղմել: Որպես առաջարկ ներկայացրել էի դիտարկել՝ հաշվի առնելով երկու էլեմենտ:

Առաջինն աշխարհին տրվող մեր ազդակները, մասնավորապես՝  անկախ ամեն ինչից, որքանով ենք մենք համամիտ սուպերմարկետ մայրաքաղաք ունենալու-չունենալու կամ ժամանակին նախորդների վարած քաղաքականությանը, սրանով հանդերձ մենք հարգում ենք կապիտալը: Այսինքն՝ մի կողմից ստեղծում ենք դաշտ՝ նոր խաղացողների համար, մյուս կողմից՝ հարգելով կապիտալը, մտցնում ենք ժամային սահմանափակում: Այսինքն՝ թույլատրում ենք, գործունեությունը մինչեւ ժամը 8-ը, բայց օրենքով արգելում ենք 8-ից հետո: Սրան հաջորդեց ինքնաբերաբար գյուղմթերքի, մսամթերքի գների թանկացումը շուկայում, եւ ըստ էության, եղավ վարչապետի հայտարարությունը, որին ես այս պահին տալիս եմ քաղաքական բնորոշում, ոչ թե տնտեսական:

Մենք պետք է գիտակցենք, որ երկրում դեռ քաղաքական իրողությունները շարունակվում են: Մենք ունենք խնդիր, որը քաղաքական մակարդակում պետք է սուր գնահատականի արժանանա, բայց մյուս կողմից մենք պետք է հասկանանք, որ ունենք տնտեսություն, եւ առնվազն գործադիրը պետք է ազդակ տա, թե ինչպես է պատկերացնում տնտեսությունը: Եւ, թերեւս, այս իմաստով է գալիս վատ ազդակը: Վատ ազդակը կայանում էր նրանում, որ, ըստ էության, սիրողական եւ շտապողականության տարրեր էր նկատվում, հատկապես այդ գործի հիմքում ներգրավել տնտեսական մրցակցության պաշտպանության հանձնաժողովին:

Ամենեւին չցանկանալով չտեսնել այս մարմնի բացերը, որոնք տարիներ շարունակ եղել են, մենք պետք է հասկանանք մեկ բան, որ եթե մենք այս պահին ասում ենք՝ գնացեք, մտեք սուպերմարկետներ եւ գինը իջեցրեք, դա նշանակում է, մենք շարունակում ենք սուպերմարկետայնացման պրոցեսը մեր երկրում: Եւ առնվազն տնտեսական ցիկլի տեսանկյունից տնտեսական պատասխանատուները այդ հորդորը պետք է չանեին:

Շատ դեպքերում դժվար է, բայց պետք է ասել՝ հայ ժողովուրդ, ուրախացեք, որովհետեւ իրական ՓՄՁ (փոքր և միջին ձեռնարկատիրություն) զարգացման պրոցեսը հենց նման գործիքների ներդրումով է, որ լինելու է:

Այո` սուպերմարկետը հարկվելու է ԱԱՀ-ով, քանի որ մենք սպառողի համար տվյալ պարագայում ստեղծում ենք անհարմար իրավիճակ: Մենք հենց սպառողական շուկայի կարգավորմանն ուղղված արել ենք հետեւյալ քայլը: Մասնավորապես՝ տեսական վերահսկողությունն ուժեղացրել ենք, որպեսզի հանրության մեջ նստած փոքր եւ միջին բիզնեսի վատ վիճակը, սանիտարական պայմանների հետ կապված, կվերականգնվի:

Այսինքն՝ պետությունը մի ձեռքով երաշխավորում է, որ այս փոքր բիզնեսը, որը այսօր եկել է, անվտանգ սանիտարական պայմաններում է: Մյուս կողմից՝  սա հնարավորություն է տալիս դաշտում խաղացողների ի հայտ գալուն տնտեսական զարգացման էլեմենտում: Ավելին, եթե մենք անգամ հանրային դաշտն ենք ուսումնասիրում, մենք տեսնում ենք, որ մի կողմից եղան մեկ-երկու բողոք սուպերմարկետներում գյուղմթերքի ապրանքների բացակայության մասին, մյուս կողմից՝ հիմնական դժգոհությունը եղավ մսամթերքի թանկացման վերաբերյալ:

Սննդամթերքի շուկայում առանց պարենային անվտանգության երեք բաղադրիչը դիտարկելու չի կարելի խոսել: Ես որեւէ անձի հետ կապված խնդիր չունեմ, բայց եթե գյուղատնտեսության նախարարը կարող է ասել, որ շուկան է որոշում գյուղմթերքի գինը` պետությունն անելիք չունի, ապա դա նշանակում է, որ այդ մարդը գյուղատնտեսության մեջ անելիք չունի: Մենք պետք է հասկանանք մի բան, որ եթե գյուղացին ստիպված լինի ինքնարժեքից էժան վաճառել գյուղմթերքը, հաջորդ տարի նա կփոխի մշակաբույսը:

- Ուզում եք ասել, որ գյուղատնտեսության ոլորտում այժմյան կազմը այդքան էլ պատրաստված չէ՞:

- Եթե գործադիր իշխանության ղեկավարը խնդրի մասով տվել է քաղաքական գնահատական, սրան պետք է հաջորդի կաբինետի մյուս ներկայացուցիչների, բառիս բուն իմաստով, քաղաքականից կտրված եւ փորձագիտական մակարդակի ճշգրիտ` տնտեսական ուղղությունը բնութագրող, վերլուծած ռիսկային տվյալներով բազան:

Սրա բացակայությունը պարզապես նշանակում է, որ գործադրի ղեկավարին թողնում են իր հայտարարության հետ մենակ:

- Սննդի անվտանգության պետական ծառայության պետին ազատեցին աշխատանքից, սա ոլորտում դրական փոփոխություն կբերի՞:

- Ես պետք է լինեմ մաքսիմալ անկեղծ. ես իմ կյանքում այս երկրում տեսել եմ բազմաթիվ կադրային փոփոխություններ: Շատ քիչ պետական պաշտոնյաներ կան, ում գործունեությունը առնվազն վերջին 5 տարվա ընթացքում մեր կողմից խիստ սուր քննադատության չի արժանացել: ՍԱՊԾ-ն եղել է այն ոլորտը, որը քննադատվել է իմ կողմից բազմիցս, ավելին, ինքս լինելով ՍԱՊԾ-ում, դուրս եմ եկել այդ համակարգից, քննադատել եմ նախկին ղեկավար կազմին, բայց այդ մարդկանց հետ առ այսօր ես ունեմ հրաշալի մարդկային հարաբերություններ:

Այդ կազմից հետո որեւէ փոփոխություն էլ ավելի լավ վիճակի չի բերել: Այսինքն, ըստ էության, իմ աշխատանքի ժամանակ աշխատած ղեկավարը ավելի լավ է աշխատել, քան մնացած բոլորը: Այստեղ կարեւոր է, թե փոփոխությունը ուր է տանելու: Ես միշտ ասել եմ՝ գործադրի օղակները, երբ սկսում են գործել մեկը մյուսից անկախ, զարմանալի է:

- Կառավարության ծրագիրը ծանոթանալուց հետո, գյուղոլորտին վերաբերվող ծրագրի շուրջ ի՞նչ կարծիք ունեք:

- Հեղափոխական փոփոխություն կարող է լինել ՏՏ ոլորտում, օրինակ՝ ասենք վաղվանից 7000 հոգով կգնաք, կնստեք այստեղ ու հեղափոխություն կանեք: Բայց չես կարող դու այնպես անել, որ մեկ ամսում կովը 4 հազար լիտրից սկսի 11 հազար լիտր կաթ տալ: Ես միշտ ասել եմ՝ համաներումը լավ բան է, վարկերը մարելը լավ բան է, բայց դա կարող է գործադրին վատ վիճակի մեջ դնել: Այս պահին հաճելի բան ենք անում, բայց մասնավորը պետք է մեզ երաշխավորի չէ՞, որ եթե ինքը վարկի համաներում է անում, արդյո՞ք վաղվանից ավելի թանկ չի դառնա գյուղվարկի փողը, որովհետեւ ռիսկային դարձավ:

Եթե իր համար վատ վարկ մարողն ու լավ վարկ մարողը դառնում են նույն գոտու մարդիկ, իր համար փողը կթանկանա, որովհետեւ ռիսկային է դառնում դա: Մեկը պետք է չվախենա եւ ասի՝ հարգելի գյուղացի ջան, մյուս տարի էս տարվա քո չտված փողի դրական կողմը տեսնելու եմ:

Առանց սննդի անվտանգության գյուղոլորտ գոյություն չունի: Ես չեմ ուզում քննարկել գործադրի կողմից ներկայացված նոր ծրագիրը, որովհետեւ ամենաառաջին նախադասությունը արդեն իսկ ասում է, որ ուզում ենք արտահերթ ընտրություն լինի: Այսինքն՝ պարզից պարզ է, որ  կառավարությունը գերխնդիր ունի լուծելու արտահերթ թափանցիկ ընտրությունների հարցը: Ես այս իրողության հետ չեմ կարող հաշվի չնստել, որովհետեւ քաջ գիտակցում եմ, որ քաղաքական իրողությունների փուլ ենք ավելի շատ թեւակոխել:

Բայց մյուս կողմից չեմ կարող չնկատել, որ ծրագրում բացակայում է սպառող բառը: Սպառող բառ գոյություն չունի կառավարության ծրագրում: Կառավարության ծրագրում գոյություն չունի սննդամթերքի անվտանգության հետ կապված որեւէ թեզ: Իսկ եթե աշխարհում որեւէ մեկը գիտի, որ գյուղատնտեսություն է զարգացել՝ առանց սննդամթերքի անվտանգության, ես կարող եմ ճղել կազմակերպությանս փաստաթղթերն ու փորձագետի որակավորումները եւ գնալ:

Տպել
7776 դիտում

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է Կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին

Ես ու Ադրբեջանի նախագահը չաթ չենք անում. Նիկոլ Փաշինյան

Կալանք դրված է Մայրապետյանի հաշիվների վրա, Հ2-ի հաշիվների վրա կալանք չկա. Փաշինյան

Եղանակը Հայաստանում. տեղումներ չեն սպասվում

Փաստատթուղթը եկել է. մանրամասներ՝ առաջիկայում կալանավորվելիք պատգամավորի գործով

Անհարմար եմ զգում. Նիկոլ Փաշինյանը՝ Գյումրի չգնալու, աղքատության եւ անօթեւանների մասին

15 անձ է մեղադրվում. Էրեբունիում զանգվածային անկարգությունների գործով մեղադրանք է առաջադրվել եւս մեկ անձի

Նիկոլ Փաշինյանը մամուլի ասուլիսի ընթացքում բարկացավ. պատճառը «խոպանչի» բառն էր

Գառնիկ Բադալյանը նշանակվել է Թուրքմենստանում ՀՀ դեսպան. նախագահի հրամանագրերը

Ստավկաները մեր ժողովրդի մի զգալի հատվածին տոկոսի տակ են դրել. Նիկոլ Փաշինյան

Արսեն Թորոսյանը ոտնձգություն է արել նախորդ կառավարության սրբության սրբոցին՝ Միքայել Մինասյանին. Փաշինյան

Թուրքիայում կա շուրջ 2 մլն իսլամացած հայ ազգաբնակչությո՞ւն. Ավետիս Հաջյանը վստահ չէ

Ինչպե՞ս են աշխատելու «Զվարթնոց» եւ «Շիրակ» օդանավակայանները. քննարկում նախարարությունում

Ներդրումները՝ ձեռքբերում, հանքարդյունաբերությունը՝ ձախողում. Փաշինյանը՝ իր կառավարության մասին

Իմ զրուցակիցն անձամբ Բելառուսի նախագահն է, որից այս պահի դրությամբ արձագանք չեմ ստացել. ՀՀ վարչապետ