Համաշխարհային ֆուտբոլի գերաստղերը շուտով կգան Հայաստան

Ընթացքի մեջ են Հայաստանում կայանալիք լեգենդների հանդիպման նախապատրաստական աշխատանքները: Այս մասին այսօր՝ հունիսի 5-ին, լրագրողների հետ հանդիպման ժամանակ ասաց կազմակերպիչը՝ ռուսաստանցի գործարար, Երեւանի «Փյունիկ» ֆուտբոլային ակումբի սեփականատեր Արթուր Սողոմոնյանը: Նա նշեց հանրահայտ այն ֆուտբոլիստների անունները, որոնք մասնակցելու են հուլիսի 8-ին Երեւանում կայանալիք խաղին եւ որոնց հետ դեռ բանակցությունները շարունակվում են:

«Ցանկություն են հայտնել շատերը, շատերն արդեն հաստատել են մասնակցությունը, պայմանագրեր են կնքել, եւ նրանց անունները կարող եմ տալ. Լատինական Ամերիկայից՝ Ռիվալդոն, Կաֆուն, Բատիստուտան, Կրեսպոն, Դիդան դարպասում, Սամորանոն, Կորդոբան, Սերժինյոն, Ձանետին մեծ ցանկություն է հայտնել, բայց նա արգենտինական հեռուստաընկերության մեկնաբանն է, պետք է հստակեցնի՝ որ քաղաքից է գալու, Եվրոպայից՝ Մալդինին, Ջորկաեֆը... շատերի հետ հիմա բանակցություններ են ընթանում: Նրանցից են Խրիստո Ստոիչկովը, Ժյուլին, Լիտմանենը, Ռայան Գիգսը, Ալբերտինին: Հիմա մենք պատասխանի ենք սպասում Մաթեուսից, Պույոլից, Տոտիինց: Տոտին էլ գալու մեծ ցանկություն է հայտնել: Հուսով եմ՝ համաձայնության կգանք: Լատինական Ամերիկայից բանակցությունները ընթացքի մեջ են Ռոբերտո Կարլոսի եւ Կակայի հետ»,- ասաց նա:

Ինչպես ավելի վաղ «Հայկական ժամանակի» հետ զրույցում Սողոմոնյանը հայտնել էր, նման միջոցառում անցկացնելու համար 2 նախադրյալ է եղել: Նախ՝ դրական արձագանքներ են եղել 2015 թ. Երեւանում Խորեն Հովհաննիսյանի 60-ամյակին նվիրված լեգենդների հանդիպումից: Բացի այդ՝ այս հայտնի ֆուտբոլիստներն աշխարհի 2018 թ. առաջնության ընթացքում Ռուսաստանում են լինելու, եւ նրանց ՀՀ բերելը հեշտ կլինի:

«Խորեն Հովհաննիսյանին նվիրված խաղից, որը կազմակերպել էինք 2015 թ., կարծում եմ՝ ջերմ հիշողություններ են մնացել ֆուտբոլիստների մոտ, Հայաստանում էլ, կարծում եմ, լավ տոն էր, ու ցանկություն կար, որ դա ՀՀ-ում վերջին նման տոնը չլիներ: Իհարկե, չէինք կարող չօգտագործել աշխարհի առաջնությունը: Այս միջոցառումը չի սահմանափակվելու միայն հանդիպումով. մենք ուզում ենք աշխարհի առաջնությունը 3 օրով տեղափոխել Հայաստան: ՀՀ-ն 3 օրով աշխարհի առաջնության անդամ է լինելու Կլինի ֆան գոտի, մենք բոլոր փաստաթղթերը համաձայնեցրել ենք ՖԻՖԱ-ի հետ, որպեսզի կարողանանք ներկայացնել, գովազդել աշխարհի առաջնությունը»,- ասաց նա:

Հանդիպումը տեղի է ունենալու Վազգեն Սարգսյանի անվան «Հանրապետական» մարզադաշտում: Սկսվելու է 17:45-ին: Լատինական Ամերիկայի հավաքականը մրցելու է Եվրոպայի հավաքականի դեմ: Դրա հետ կապված լինելու են նաեւ այլ միջոցառումներ, որոնց մասին կտեղեկացվի լրացուցիչ: Հուլիսի 6-ին Ազատության հրապարակում բացվելու է ֆան գոտի: Այն բաց է լինելու 3 օր՝ հուլիսի 6-ին, 7-ին եւ 8-ին: Տոմսերի վաճառքից ստացված գումարը կուղղվի բարեգործության:  

Տպել
2346 դիտում

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ բողոքը, ուղարկել նոր քննության. Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են