Պորտուգալիա-Իսպանիա՝ իսկական եզրափակիչ ֆուտբոլի ԱԱ խմբային փուլում

Ֆուտբոլի աշխարհի առաջնությունը հենց սկզբից երկրպագուներին ուրախացնելու է եզրափակչին վայել դիմակայությունով: Հունիսի 14-ից հուլիսի 15-ը Ռուսաստանում կայանալիք մրցաշարի խմբային փուլի հենց առաջին տուրում B խմբում միմյանց դեմ են դուրս գալու ֆավորիտներ Պորտուգալիան ու Իսպանիան: Եվրոպայի գործող չեմպիոն Պորտուգալիան ու աշխարհի չեմպիոն, Եվրոպայի եռակի չեմպիոն Իսպանիան Սոչիի «Օլիմպիական» մարզադատում կհանդիպեն հունիսի 15-ին:

B խմբում Պորտուգալիային ու Իսպանիային կփորձեն խանգարել Մարոկկոն եւ Իրանը:

Պորտուգալիա

Առաջին անգամ աշխարհի առաջնությանը մասնակցել է 1966 թ., վերջին անգամ՝ 2014-ին: Լավագույն ցուցանիշն այս մրցաշարում ունեցել է 1966 թ.՝ 3-րդ տեղ:

Գլխավոր մարզիչ՝ Ֆերնանդու Սանտուշ

Կարլուշ Կեյրուշ

Նա գլխավոր մարզիչ է նշանակվել 2014 թ.: Պատմություն է կերտել Պորտուգալիայի հավաքականի հետ՝ թիմին խոշոր մրցաշարերում առաջին լուրջ հաջողությանն առաջնորդելով. Պորտուգալիան հաղթող դարձավ Եվրո 2016-ում:

Գլխավոր աստղը՝ հարձակվող Կրիշտիանու Ռոնալդու

Կրիշտիանու Ռոնալդու

Թիմի գլխավոր աստղը եւ առաջատարը Կրիշտիանու Ռոնալդուն է: Հավաքականի բոլոր ժամանակների լավագույն ռմբարկուն է: Ֆուտբոլի պատմության լավագույն ֆուտբոլիստներից է, «Ոսկե գնդակի» հնգակի մրցանակակիր:

Իսպանիա

Աշխարհի առաջնությանն առաջին անգամ մասնակցել է 1934 թ., վերջին անգամ՝ 2014-ին: Լավագույն ցուցանիշը չեմպիոնությունն է. բաղձալի գավաթը նվաճել է 2010 թ. Հարավաֆրիկյան Հանրապետությունում:

Գլխավոր մարզիչ՝ Խուլեն Լոպետեգի

Խուլեն Լոպետեգի

«Ռեալ Մադրիդի» ու «Բարսելոնայի» նախկին դարպասապահը գլխավոր մարզչի պաշտոնում փոխարինել է Վիսենտե դել Բոսկեին: Ընտրանին գլխավորել է 2016 թ. Եվրոպայի առաջնությունից հետո:

Թիմի աստղը՝ պաշտպան Սերխիո Ռամոս

 

Իսպանիայի հավաքականում, իհարկե, աստղերը շատ են, ու դժվար է առանձնացնել մեկին: Ռամոսին, թերեւս, կարելի է առանձին անդրադառնալ այն պատճառով, որ նա ավագն է: Պաշտպանը, որը նաեւ «Ռեալի» ավագն է, ըստ ՖԻՖԱ-ի, հավաքականի կազմում անցկացրած հանդիպումների քանակով զիջում է միայն հավաքականի ու «արքայական ակումբի» նախկին ավագ ու իր թիմակից Իկեր Կասիլյասին: Վերջինս ընտրանու մարզաշապիկը կրել է 167 անգամ:

Մարոկկո

Առաջին անգամ աշխարհի առաջնությանը մասնակցել է 1970 թ., վերջին անգամ՝ 1998-ին: Լավագույն ցուցանիշը 1/8 եզրափակիչն է: Նման արդյունք  գրանցել 1986 թ.:

Գլխավոր մարզիչ՝ Էրվե Ռենար

Էրվե Ռենար

Նա թիմը գլխավորել է 2016-ին: Նրա օգնությամբ Մարոկկոն 20 տարվա դադարից հետո կրկին մասնակցում է աշպարհի առաջնությանը:

Թիմի աստղը՝ պաշտպան Մեհդի Բենատիա

Մեհդի Բենատիա

«Յուվենտուսի» խաղացողն Աֆրիկայի լավագույն պաշտպաններից է: Իր տաղանդի շնորհիվ, բացի «Յուվեից», հանդես է եղել այնպիսի թիմերում, ինչպիսիք են «Բավարիան» ու «Ռոման»:

Իրան

Առաջին անգամ աշխարհի առաջնությանը մասնակցել է 1978-ին, վերջին անգամ՝ 2014-ին:

Գլխաբոր մարզիչ՝ Կարլուշ Կեյրուշ

Կարլուշ Կեյրուշ

Պորտուգալացի մասնագետն իր երկրի ընտրանու ղեկին է եղել աշխարհի 2010 թ. առաջնությունում: 2011 թ. գլխավորել է Իրանի հավաքականը, որի հետ մասնակցել է աշխարհի 2014 թ. առաջնությանը: Աշխարհի 2018 թ. առաջնության որակավորման փուլում նրա հետ Իրանը դարձավ ասիական առաջին թիմը, որը մրցաշարի ուղեգիր  նվաճեց: Ընդհանուր առմամբ Իրանը 3-րդը որակավորվեց ԱԱ-ին՝ Ռուսաստանից ու Բրազիլիայից հետո: Ռուսաստանն ավտոմատ կերպով էր մասնակցության իրավունք ստացել որպես մրցաշարը հյուրընկալող երկիր:

Թիմի աստղը՝ հարձակվող Սերդար Ազմուն

Սերդար Ազմուն

23-ամյա երիտասարդ ֆուտբոլիստն իրանցիների գլխավոր հույսն է: Իր հավաքականի երկրպագուներին լավ խաղով ուրախացնում է 2015 թվականից: Ռուսաստանը նրա համար հարազատ միջավայր կլինի, քանի որ այնտեղ է հանդես գալիս 2013 թվականից: Այս պահին Կազանի «Ռուբինի» ֆուտբոլիստ է:

Տպել
1664 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին