Վատ զգացողություն է, որ ես ազատության մեջ եմ, ճակատագրով եղբայրներս՝ բանտում. Կյուրեղյան

Դատարանի բակում օդամղիչ ատրճանակից կրակելու համար 9 տարվա ազատազրկման դատապարտված Հայկ Կյուրեղյանն այսօր մեկ ամսով ազատ է արձակվել «Վարդաշեն» քրեակատարողական հիմնարկից՝ պատժի կրման կիսաբաց ռեժիմը բացով փոխարինելու հիմքով:

Բաց ռեժիմը նախատեսում է, որ այսօրվանից իրեն տրամադրված մեկամսյա արձակուրդի ընթացքում աշխատանքի գտնելու դեպքում նա կարող է առավոտյան 08:00-ից դուրս գալ բանտից եւ երեկոյան նորից վերադառնալ բանտ: Կյուրեղյանն աշխատանք չգտնելու դեպքում կշարունակի մնալ բանտում:

4 տարի անազատության մեջ գտնվող Հայկ Կյուրեղյանն այսօր «Վարդաշեն» ՔԿՀ-ից ազատ արձակվեց անաղմուկ. ազատ արձակման ժամի մասին տեղյակ էր պահվել միայն ընտանիքի անդամներին: Հայկ Կյուրեղյանի մայրը որդու տուն վերադառնալու կապակցությամբ փոքր պատրաստություն էր տեսել: Հայկը, շատ հարցերի չէր ցանկանում պատասխանել այն պատճառով, որ շատ քիչ է տեղեկացված երկրում տեղի ունեցած իրադարձություններից: Պատճառն այն է, որ ինքը «Արմավիր» ՔԿՀ-ում ինֆորմացիոն բլոկադայի մեջ է եղել: Նրա խոսքով՝ իրեն թերթ չի տրամադրվել, միայն հեռուստացույց է եղել, որն, ըստ նրա, երբեմն աղավաղված տեղեկություններ է հաղորդել:

Հայկ Կյուրեղյանը մեր զրույցում ասաց, որ իր ազատ արձակումը չպետք է տոնակատարություն դարձնել: «Սա ինձ համար տոն չի, քանի որ ոչ միայն իմ արյունակցական կապով եղբայրներն են անազատության մեջ, այլ՝ ճակատագրով իմ եղբայրները: Ինձ համար նույնիսկ շատ վատ զգացողություն է, որ ես ազատության մեջ եմ, իսկ ճակատագրով իմ եղբայրները բանտերում են: Տոնակատարություն կլինի այն դեպքում, երբ Հայաստանում քաղբանտարկյալ չի լինի: Ես նոր իշխանությունից շատ ակնկալիքներ ունեմ, եւ այդ ակնկալիքը միայն իմը չէ, ժողովրդի հանրային պահանջն է ու հանրային պահանջի առաջին կետը քաղբանտարկյալների ազատման հարցը լուծելն է»,- ասաց նա: Վերջինս դեռ չի շտապում խոսել թավշյա հեղափոխության մասին. «Նոր եմ դուրս եկել, շատ քիչ եմ ինֆորմացված, շատ բաներ չեմ կարող խոսել»,- նշեց Կյուրեղյանը: Մեր հարցին, թե որո՞նք են լինելու իր հետագա անելիքները, Հայկն ասաց, որ պայքարելու է քաղբանտարկյալների ազատ արձակման համար, իսկ հետո՝ երկիրը նորմալ իրավունքի գերկայության երկիր դարձնելու: «Պետք է համաներում լինի, որովհետեւ այնտեղ շատ մարդիկ կան, որ անօրինական մեծ ժամկետներով նստած են, բայց շատ փոքր հանցանք են կատարել, կան նույնիսկ բացարձակ անմեղներ, պետք է համաներում լինի, որ լավ սկիզբ դրվի Հայաստանում»,- հավելեց Կյուրեղյանը: Խոսելով պահման պայմաններից՝ Կյուրեղյանն ասաց, որ ՔԿՀ-ում իր նկատմամբ հատուկ վերաբերմունք դեպի վատը չի եղել. «բայց բերդերում շատ խնդիրներ կան, որոնք պետք է լուծվեն»,- հավելեց նա:  

Հայկ Կյուրեղյանը ընտանիքի անդամների հետ առաջին կենացը խմեց քաղբանտարկյալների ազատ արձակման համար: «Առանց դրա հանարավոր չի որեւէ առաջընթաց, դա նախապայման է, եթե դա չի լինում, ես բացառում եմ որեւէ առաջընթաց Հայաստանում:

Նա նաեւ ասաց, որ վաղը մասնակցելու է Ժիրայր Սեֆիլյանի եւ մյուսների գործով դատական նիստին՝ նշելով, որ նրանք օր առաջ պետք է ազատ արձակվեն: «Պետք է ողջամտություն ցուցաբերի այդ դատավորը եւ հանրային պահանջը ի կատար ածի»:

Հայկի հայրը՝ Արմենակ Կյուրեղյանն էլ ասաց, որ եթե թավշյա հեղափոխություն չլիներ, ապա որդին ազատության մեջ չէր գտնվի. «Կեցցե՛ մեր հեղափոխությունը, կեցցե՛ մեր երիտասարդությունը, կեցցեն այն բոլոր ուժերը, որոնք իրականացրին այս հեղափոխությունը»,- ասաց նա: Վերջինս ասաց, որ դեռ մեծ անելիքներ կան առջեւում, ասաց, որ դեռ երկու որդիներն ու մյուսները ազատության մեջ չեն. «Սա լուծումներից մեկն է: Մեր հիմնական նպատակն է, որ արդարացում տեղի ունենա, որովհետեւ այս բոլոր մարդիկ պայքարել են այն ռեժիմի դեմ, որը զավթել է իշխանությունը, կեղեքել է ժողովրդին, դեռ երկար ճանապարհ ունենք անցելու: Ես հույս ունեմ, որ ոչ միայն իմ երկու տղաները, այլ՝ բոլոր քաղբանտարկյալները կլինեն ազատության մեջ, նրանք պայքարել են հանուն հայրենիքի, հանուն Արցախի: Շատ է խոսվում նրա մասին, որ զոհեր կան, այդ զոհերի պատասխանատուն պետք է լինի այն ռեժիմը, որը ստեղծել է այս վճակը: Եթե մարդը ելնում է ազատագրելու իր հայրենիքը, ապա զոհերի համար ոչ թե ազատագրողն է պատասխանատու, այլ զավթողն է պատասխանատու»,- հայտարարեց Արմենակ Կյուրեղյանը:

«Արժեքների հեղափոխության» պահանջով փողոց դուրս եկած Շանթ Հարությունյանի և ընկերների գործով առաջին դատական նիստի մեկնարկին՝ 2014-ի ամռանը, դատարանի բակում Հայկ Կյուրեղյանը բարձրացել էր այնտեղ կայանված ավտոմեքենաներից մեկի վրա և օդամղիչ ատրճանակով կրակոցներ արձակել իրավապահների ուղղությամբ։ Նրա գործողությունները դատարանը համարել էր ծանր հանցագործություն՝ «խուլիգանություն» ու ոստիկանների նկատմամբ «վտանգավոր բռնություն», եւ նրան դատապարտել 9 տարվա ազատազրկման։

34-ամյա Կյուրեղյանը ճաղերի հետևում է չորրորդ տարին. նա 9 տարվա ազատազրկման է դատապարտվել 2015 թվականին Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավճռով:

Տպել
4903 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է