«Գազպրոմը` երեխաներին» ծրագիրը տարածքի բնակիչների տեղեկություններով՝ վճարովի է լինելու

Այսօր «Հայկական Ժամանակ» օրաթերթի խմբագրությունը ահազանգ էր ստացել Երեւանի Ավան վարչական շրջանի Ծարավ աղբյուրի փողոցի բնակիչներից մեկից: Բնակիչը ներկայացրեց իրենց խնդիրը, բայց չցանկացավ, որ իր անունը հանրայնացվի:

Բանն այն է, որ 2015 թվականին «Գազպրոմ Արմենիա» փակ բաժնետիրական ընկերությունը «Ուսումնական-սպորտային համալիրի» կառուցման ծրագիր էր ներկայացրել Երեւանի քաղաքապետարան: Ծրագրի շրջանակում նախատեսվում էր մայրաքաղաքի Ծարավ աղբյուրի փողոցի հ.55/25 հասցեում կառուցել մարզակրթական համալիր: Ծրագիրը կոչվում էր «Գազպրոմը` երեխաներին» եւ պետք է լիներ բացառապես սոցիալական ուղղվածությամբ:

Այս ծրագիրը քննարկվել էր Երեւանի ավագանու 2015 թվականի ապրիլի 14-ի նիստում եւ հավանության արժանացել: Համաձայն ծրագրի՝ համալիրը ներառելու է հանրակրթական դպրոց, մանկապարտեզ, փակ լողավազան, սպորտային դահլիճ, մինի ֆուտբոլի համար նախատեսված հրապարակ: Համալիրը կունենա նաեւ փակ սառցադաշտ, ստորգետնյա ավտոկանգառ, ինչպես նաեւ՝ բարեկարգ հանգստյան գոտի:

Ծրագրի իրականացման արդյունքում կստեղծվի ավելի քան 236 աշխատատեղ։ Նկատի առնելով վերը նշվածը՝ ավագանին որոշել է Երեւանի քաղաքային համայնքի սեփականություն համարվող Ծարավ աղբյուրի փողոցի հ.55/25 հասցեում գտնվող հողամասը եւ շինություններն ուղղակի վաճառքի ձեւով օտարել «Գազպրոմ Արմենիա» փակ բաժնետիրական ընկերությանը: Համաձայն ծրագրի՝ ընկերության կողմից նախատեսվող ներդրման չափը նախնական կազմում է 49.3 մլն ԱՄՆ դոլարին համարժեք դրամ»:

Մեր տեղեկություններով՝ մինչեւ այս տարվա սեպտեմբեր շինարարական աշխատանքները պետք է ավարտվեն:

2017 թվականի հունիսի 16-ին «Գազպրոմ» ՀԲԸ նախագահ Ալեքսեյ Միլլերը ՀՀ վարչապետ Կարեն Կարապետյանի հետ այցելել էր կառուցվող համալիրի տարածք՝ ծանոթանալու ընթացող շինարարական աշխատանքներին: Նա լրագրողների հետ զրույցում նշել էր, որ որպես սոցիալական պատասխանատվությամբ ընկերություն՝ «Գազպրոմ»-ը կարեւորում է նման միջազգային ուսումնամարզական համալիրի կառուցումը Հայաստանում, որը հնարավորություն կտա երեխաներին ու պատանիներին զբաղվել տարբեր մարզաձեւերով:

Մեզ ահազանգած տարածքի բնակչի բողոքը կայանում է նրանում, որ տարածքում դպրոցներ եւ խաղահրապարակներ չկան, եւ նրանք հույս ունեին, որ այդ դպրոցը, մանկապարտեզը կլինեն անվճար, քանի որ ծրագիրը սոցիալական ուղղվածության էր, սակայն արդեն տեղեկություններ ունեն, որ այն վճարովի է լինելու եւ բավականին թանկ: Մեր հարցին, թե ի՞նչ գումարի մասին է խոսքը, բնակիչը նշեց, որ իր տեղեկություններով՝ տարեկան ավելի քան 1 մլն դրամի:

Քաղաքացին ասաց, որ ըստ երեւույթին քաղաքապետարանը անհատույց տարածք է տվել ոչ թե երեխաների համար, այլ բիզնես ծրագրի:

Հարցի վերաբերյալ պարզաբանում ստանալու նպատակով կապ հաստատեցինք «Գազպրոմ Արմենիա» ՓԲԸ հասարակայնության եւ զանգվածային լրատվության միջոցների հետ կապերի ծառայության հետ, սակայն այդպես էլ հստակ պատասխան չստացանք: Մասնավորապես, մեր հարցին, թե ճի՞շտ է, որ դպրոցը վճարովի է լինելու, ընկերությունից պատասխանեցին, որ դեռ հստակ ոչինչ չեն կարող ասել, եւ մեկ ամսից պարզ կլինի այդ հարցի պատասխանը: Դիտարկմանը, որ տարածքի բնակիչները ահազանգում եւ դժգոհություններ են հայտնում հարցի պատասխանը չունենալու պատճառով, ընկերությունից պատասխանեցին՝ իրենց էլ են զանգահարում, եւ եւս մեկ անգամ կրկնեցին, որ վճարովի կամ անվճար լինելու հետ կապված հարցը պարզ կլինի մեկ ամսից:

Տպել
3541 դիտում

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը