Ազգային ժողովում անհասկանալի իրավիճակ է: ԵԼՔ խմբակցությունն իշխանության մաս է, բայց փոքրամասնություն, Հանրապետականն այլեւս բացարձակ մեծամասնություն չէ, սակայն խորհրդարանում ամենաշատ պատգամավորներ ունեցող խմբակցությունն է. այստեղից մեկը մյուսի հետեւից դուրս եկան պատգամավորներ Ֆելիքս Ցոլակյանը, Արտակ Սարգսյանը, Արթուր Գեւորգյանը, Շիրակ Թորոսյանը, Արման Սահակյանը, Սամվել Ալեքսանյանը, երեկ էլ արդեն Աշոտ Արսենյանը:

Բացի այն, որ ՀՀԿ-ն իրեն խորհրդարանական ընդդիմություն է հայտարարել՝ առանց համապատասխան օրենքները հաշվի առնելու, հանրապետական խմբակցությունը լքած պատգամավորները խորհրդարանը Սահմանադրության դրույթներին կրկնակի անհամապատասխան են դարձրել:

Նախ՝ ՀՀԿ խմբակցությունը լքած պատգամավորները այս պահին համարվում են անկախ, իսկ Ազգային ժողովի կայքում վերջիններս գրանցված են որպես խմբակցություններում չընդգրկված պատգամավորներ: Սակայն եթե նախկինում պատգամավորները կարող էին դուրս գալ խմբակցությունից և կազմել անկախ պատգամավորների ֆրակցիա, ապա այժմ Ընտրական օրենսգրքում նման կարգավորում չկա:

ԱԺ կանոնակարգ օրենքի տրամաբանությունը հստակ է՝ խմբակցությունները ձեւավորվում են ԱԺ-ի առաջին նստաշրջանի առաջին նիստի օրը եւ ձեւավորվում են պատգամավորական մանդատներ ստացած համապատասխան կուսակցությունների եւ կուսակցությունների դաշինքների շրջանակներում ու ընտրական ցուցակներում ընդգրկված պատգամավորներից: Իսկ ԱԺ կանոնակարգը սահմանում է, որ խորհրդարանական ընտրությունների ժամանակ 54 տոկոս ստացած ուժը խորհրդարանում համարվում է կառավարող, մյուս ուժերը՝ ընդդիմադիր: Երրորդ ուժ չի կարող լինել: Այսինքն՝ խմբակցությունից դուրս եկած պատգամավորները հիմա փաստացի ո՛չ ընդդիմություն են, ո՛չ իշխանություն:

Այս պահին Ազգային ժողովում Հանրապետական խմբակցությունն ունի 51 պատգամավոր, Ծառուկյան խմբակցությունը՝ 31, ԵԼՔ-ը՝ 9, ՀՅԴ-ն՝ 7: Իսկ ՀՀԿ-ից դուրս եկած պատգամավորները յոթն են:

Այնուհետեւ՝ ՀՀ Սահմանադրության հոդված 89-ի երրորդ մասի համաձայն` Ընտրական օրենսգիրքը երաշխավորում է կայուն խորհրդարանական մեծամասնության ձևավորումը: Սակայն պատգամավորների՝ ՀՀԿ ֆրակցիայից դուրս գալու պատճառով խորհրդարանում կայուն մեծամասնություն այլեւս չկա: 

Այս պարագայում էլ խնդրի լուծման որեւէ հստակ տարբերակ չկա, որովհետեւ խնդիրը ոչ այնքան խորհրդարանում է, որքան խորհրդարանին ու պատգամավորներին վերաբերող օրենքների մեջ: Անհամապատասխանությունն առաջացել է այն պատճառով, որ ԱԺ կանոնակարգ օրենքի երկրորդ գլխի հոդված երեքի իններորդ մասի համաձայն՝ պատգամավորն իրավունք ունի դուրս գալ խմբակցության կազմից: Սակայն որեւէ օրենք չի մեկնաբանում, թե ինչ է լինում, երբ խմբակցության անդամների դուրս գալու դեպքում ԱԺ-ում կայուն մեծամասնություն չի մնում:

Ստեղծված իրավիճակը չի համապատասխանում մեր սահմանադրական կարգավորումներին, տրամաբանությանը եւ այլ օրենսդրական ակտերին: Այս դեպքում էլ Սահմանադրությունը ԱԺ-ն արձակելու տարբերակ չի նախատեսում: Ուրեմն՝ ՀՀ Սահմանադրության մի քանի դրույթներին չհամապատասխանող Ազգային ժողովը կլուծարվի միայն օրենքով սահմանված մեկ այլ դեպքում, երբ վարչապետը հրաժարական տա եւ օրենքով սահմանված կարգով նոր վարչապետ չընտրվի:

Տպել
3681 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին