Գյուղում ինչ կա սաղ սեփականաշնորհել ա. Ջրաշենցիները դժգոհ են գյուղապետից (տեսանյութ)

Լոռու մարզի Ջրաշեն գյուղի մի խումբ բնակիչ 18 տարվա  գյուղապետ Վահան Ուռուսյանին մեղադրում են գյուղի հողերն ու գույքը սեփականաշնորհելու մեջ՝ մատնացույց անելով այն շենք շինություններն ու հողատարածքները, որոնք ըստ նրանց՝ գյուղապետի սեփականությունն են. «Մենաշնորհել ա սաղ, գյուղում ինչ կա չկա սաղ սեփականաշնորհել ա, գյուղում չկա մի բան, որ գյուղապետինն ու ընտանիքի անդամներինը չլինեն»,- Armtimes.com-ի հետ զրույցում հայտնեց Ջրաշենի բնակիչ, գյուղապետի նախկին թեկնածու Սամվել Հովհաննիսյանը:

 Բողոքող բնակիչները մեզ հետ զրույցում հայտնեցին, որ գյուղապետը իրեն չընտրած բնակիչներին անգամ տեղեկանք չի տրամադրում, ինչ մնաց թե հողատարածք կամ բնակարան հատկացնի: Բնակիչներն ասում են, որ գյուղապետն անգամ գյուղապետարանի շինությունն է սեփականաշնորհել: Գյուղապետի աշխատանքից դժգոհ բնակիչները 18 տարվա համայնքի ղեկավարից հաշվետվություն են պահանջում, թե ինչի վրա որքան գումար է ծախսել, գյուղապետին մեղադրելով յուրացումների, ազգականներին աշխատանքի տեղավորելու եւ շռայլություններ թույլ տալու, ինչպես նաեւ աղետի գոտու բնակարանաշինությունը կեղծիքներով ու կաշառքով կազմակերպելու մեջ. «Ով տուն չկորցրեց՝ տուն ունեցավ, ով կորցրեց՝ չունեցավ»,- ասում են բնակիչները:

Բնակիչների խոսքով՝ Վահան Ոռուսյանը շարունակում է գյուղապետ մնալ, քանի որ իր ազգը գյուղում մեծ է, հետեւաբար՝  իրեն ընտրողներն էլ են շատ, իսկ գյուղապետից դժգոհ բնակիչները ցանկանում են օր առաջ ազատվել գյուղապետից, բնակիչներին կոչ անելով չվախենալ ու օր առաջ պաշտոնազրկել: 

Գյուղապետ Վահան Ուռուսյանը լրագրողների հետ զրույցում իր աշխատանքից դժգոհողներին  նախ «օբիժնիկ» անվանեց,  նշելով, թե հավաքվածներն այն մարդիկ են, ովքեր ընտրությունների ժամանակ առաջադրված ու պարտված թեկնածուի թիմակիցներն են:

Իրեն ուղղված մեղադրանքներն էլ զրպարտանք որակեց: Այն դիտարկմանը, որ իր աշխատանքից դժգոհ բնակիչներն ավելի շատ են, պարզապես վախենում են բարձրաձայնել, գյուղապետն ասաց. «Էդ լավ ա, որ վախենում են, ես ուրախ եմ, որ վախենում են, էդ ովքեր էն վախեցողները…»:

Գյուղապետարանի բակում դժգոհող բնակիչները լրագրողների ներկայությամբ կրկին իրենց դժգոհությունն արտահայտեցին, որը վերածվեց լեզվակռվի, որը շարունակվեց գյուղի կենտրոնում՝ գյուղապետի աշխատանքից դժգոհ բնակիչների ու գյուղապետի աշխատանքից գոհ նրա ազգականների միջեւ:

Մանրամասները՝ տեսանյութում:

Տպել
8939 դիտում

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել

Վթարի ենթարկված բալետի 23-ամյա արտիստի մոտ դրական դինամիկա է նկատվում

Որոշում եմ կայացրել չմասնակցել գալիք խորհրդարանական ընտրություններին. Արգամ Աբրահամյան