ՈՒԵՖԱ-ն հաստատել է՝ «Շիրակն» ուզել է պայմանավորված խաղ անցկացնել. բայց վարույթը կասեցված է

ՈՒԵՖԱ-ն հաստատել է, որ «Շիրակ» ֆուտբոլային ակումբը փորձել է պայմանավորված խաղ անցկացնել: Այս մասին գրում է Հայաստանի ֆուտբոլի ֆեդերացիայի պաշտոնական կայքը: Հունիսի 5-ին ՀՖՖ-ն ստացել է այս գործով ՈՒԵՖԱ-ի որոշումը:

Որոշման համաձայն (30-32-րդ կետեր)՝ ՈՒԵՖԱ-ի բողոքարկման մարմինը գործում առկա ապացույցների հիման վրա հաստատված է համարել, որ «Շիրակը» իր պաշտոնյայի միջոցով ներգրավված է եղել ազգային առաջնության խաղի ելքի վրա ազդելու մեջ:  

Հաստատված համարելով նշված հանգամանքները՝ ՈՒԵՖԱ-ի բողոքարկման մարմինը, այնուամենայնիվ, դադարեցրել է մայիսի 18-ին հարուցած կարգապահական վարույթը, քանի որ «Շիրակը» մինչեւ վարույթի ավարտը՝ 2018 թ. մայիսի 25-ին, ՈՒԵՖԱ-ին ուղղված դիմումով կամավոր հրաժարվել է 2018-19 թթ. ակումբային մրցաշարերի մասնակցությունից:

ՈՒԵՖԱ-ն ընդգծել է, որ նման պայմաններում էական չէ՝ ակումբի որակազրկումը կլինի բողոքարկման մարմնի որոշմամբ, թե ակումբի կամավոր որոշմամբ, քանի որ 2 դեպքում էլ հետեւանքը նույնն է: Այդուհանդերձ, որոշման 33-րդ կետի համաձայն՝ չի բացառվում, որ «Շիրակի» նկատմամբ տվյալ փաստերի հիման վրա հետագայում նոր կարգապահական վարույթ հարուցվի:

Մայիսի 5-ին ՀՖՖ-ն հայտարարել էր, որ փաստեր են հայտնաբերվել, որ ակումբի մարզիչ, մարզական տնօրեն Արարատ Հարությունյանը փորձել է «Բանանցի» ֆուտբոլիստ Էդվարդ Կպոդոյին համոզել գումարի դիմաց այնպես անել, որ ՀՀ Բարձրագույն խմբի առաջնության 27-րդ տուրում իր թիմը պարտվի «Շիրակին»:

ՀՖՖ-ի կողմից Հարությունյանը ցմահ զրկվել էր ֆուտբոլային գործունեություն ծավալելու իրավունքից: Ակումբն էլ տուգանվել էր նվազագույն աշխատավարձի յոթհազարապատիկի չափով: Նաեւ որոշվել էր Բարձրագույն խմբի 2017-18 թթ. առաջնությունում թիմի վաստական միավորները կրճատել 12-ով:

Մայիսի 14-ին ակումբը բողոքարկել էր որոշումը: Մայիսի 18-ին ՀՖՖ բողոքարկման կոմիտեն հայտնել էր, որ ՀՖՖ կարգապահական կոմիտեի պատիժը մնում է նույնը:

«Շիրակը» հրապարակել էր ՀՀ Երեւան քաղաքի ընդհանուր իրավասությունների դատարանի որոշումը, ըստ որի, ՀՖՖ-ին արգելվել էր կրճատել թիմի միավորները: ՀՖՖ-ին, սակայն, դա չէր կանգնեցրել:

ՀՖՖ որոշումը զայրացրել էր Գյումրին ներկայացնող ակումբին: Ղեկավարության որոշմամբ՝ առաջին թիմը չէր մասնակցել վերջին տուրի «Փյունիկի» դեմ խաղին: Ակումբը նաեւ Հայաստանի բոլոր տարիքային առաջնություններից հանել է իր թիմերին:

Պատժի արդյունքում «Շիրակը» նահանջել էր 4-րդ հորիզոնական: Չեմպիոնական տիտղոսն էլ 3-րդ տարին անընդմեջ նվաճել էր «Ալաշկերտը»:

Որոշման բնագիր անգլերեն տեքստին և դրա հայերեն թարգմանությանը կարող եք ծանոթանալ այստեղ՝ անգլերեն բնօրինակ, հայերեն թարգմանություն:

Տպել
1486 դիտում

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին

Հեռախոսային խոսակցությունների գաղտնիությունը խախտելու փաստով ԱԺ-ում տեղի կունենա առաջին նիստը

Երեւանում վթարի է ենթարկվել նախկին պատգամավոր Գագիկ Մխեյանի որդին՝ էլցանցի գլխավոր տնօրենի խորհրդականը

Վարչապետի որոշմամբ՝ նշանակվել է անշարժ գույքի կադաստրի կոմիտեի ղեկավարի տեղակալ

Երեւան-Սեւան ճանապարհին կայանած մեքենային է բախվել մեկ այլ մեքենա. կա 3 վիրավոր, այդ թվում՝ 2 երեխա

Հայաստանում Կոնգոյի դեսպանը հավատարմագրերի պատճենն է հանձնել ՀՀ ԱԳ նախարարին

«Լրագրողներ առանց սահմանների» կազմակերպությունը դատապարտել է խուզարկությունները Yerevan.Today-ում

Պուտին-Էրդողան հանդիպման արդյունքները. Իդլիբի շուրջ զինված գործողություններ, հարձակում չի լինի

Այսօր ու վաղը Հայաստանի մեծ մասում սպասվում է անձրեւ, ամպրոպ, քամու ուժգնացում

3 տարբեր մեդալներ ու խրախուսումներ՝ ԱԻ նախարարության մի շարք աշխատակիցների

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին