Լոռու մարզպետը լրագրողների համար 100 օր «անհասանելի» կլինի

Վերջին օրերին Լոռու մարզի տարբեր համայնքների բնակիչներ բողոքի ակցիաներ են իրականացնում: Ջրաշենում բնակիչները մեղադրում էին համայնքապետին՝ պաշտոնական դիրքի չարաշահման, համայնքային միջոցները վատնելու, ինչպես նաեւ տարբեր ապօրինությունների մեջ: Բնակիչները պահանջում էին նաեւ մարզպետին ու տարածքային կառավարման եւ զարգացման նախարար Սուրեն Պապիկյանին:

Երեկ էլ բողոքի ցույց են իրականացրել «Թեղուտ» գործարանի աշխատակիցները: Շնող, Թեղուտ եւ հարակից համայնքերի բնակիչները առավոտյան ժամը 7-ից փակել էին գործարան տանող ճանապարհը՝ խոստանալով առաջիկայում էլ փակել միջպետական ճանապարհը: Նշված երկու դեպքում էլ մարզպետը մինչ այս պահը չի հանդիպել բնակիչների հետ, չնայած որ համապատասխան մարդիկ պաշտոնապես ու ոչ պաշտոնապես րոպե առաջ տեղեկացրել են իրավիճակի մասին:

Թեմայի հետ կապված Armtimes.com-ը հարցազրույց խնդրեց Լոռու նորանշանակ մարզպետ Հրանտ Մարգարյանից, որն, ի դեպ, նախօրեին կայացած մարզպետարանի աշխատակազմի խորհրդակցության ժամանակ դժգոհություն էր հայտնել, որ ինքն օր ու գիշեր աշխատում է, իսկ հասարակությունը տեղյակ չէ. «Ես գիշեր ցերեկ աշխատել եմ ձեզ հետ միասին, բայց հասարակությունը դրա մասին տեղյակ չէ: Ես բարեգործությունով չեմ զբաղված, որ անեմ ու չասեմ»,- ասել էր մարզպետը: Ի դեպ, երեկվա խորհրդակցության կեսից լրագրողներին դուրս են հրավիրել, այն շարունակելով առանց լրագրողների:

Մարզպետարանի աշխատակազմի ղեկավար Նարեկ Սարգսյանը Armtimes.com-ին հայտնեց, որ մարզպետը որեւէ լրատվամիջոցի հարցազրույց չի ցանկանում տալ, լրագրողների հետ կհանդիպի պաշտոնավարման 100 օրը լրանալուց հետո: Մարզպետ Հրանտ Մարգարյանը ընդունարանի աշխատակցուհու միջոցով փոխանցեց, որ զբաղված է, եւ որեւէ հարցի պատասխանել չի կարող:

Ի դեպ, Armtimes.com-ին հասած տեղեկություններով, մարզպետն արձակուրդ է ուղարկել մարզպետարանի աշխատակազմի հասարակայնության հետ կապի եւ լրատվության բաժնի պետ Վահե Դոխոյանին, լրագրողների հետ աշխատանքը հանձնարարելով կազմակերպել աշխատակազմի ղեկավար Նարեկ Սարգսյանին:

Տպել
1643 դիտում

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)