22 հոգի խաղում են ֆուտբոլ, բայց հաղթում է Գերմանիան. ԱԱ գործող չեմպիոնը՝ ֆավորիտ

Ֆուտբոլի աշխարհի 2018 թ. առաջնության F խմբում կենտրոնական համարվում է Մեքսիկա-Շվեդիա դիմակայությունը: Ինչո՞ւ չի առանձնացվում Գերմանիայի մասնակցությամբ որեւէ խաղ, պարզապես որովհետեւ մասնագետները կարծում են, որ աշխարհի քառակի չեմպիոնը՝ գործող չեմպիոնը, արդեն ապահովել է խմբում առաջին հորիզոնականը կամ առնվազն 1/8 եզրափակչի ուղեգրերից մեկը: Մեքսիկան ու Շվեդիան էլ, շատերի կարծիքով, իրար մեջ պետք է վիճարկեն մյուս ուղեգիրը:

Չի բացառվում, սակայն, որ հենց հաջորդ փուլում Գերմանիան լուրջ փորձության բախվի. հանդիպի Մունդիալի ֆավորիտներից մեկին՝ աշխարհի 5-ակի չեմպիոն Բրազիլիային: «Սելեսաոն» ընդգրկված է E խմբում, ու եթե այս թիմերից մեկն իր խմբի մրցելույթներն ավարտի առաջին, իսկ մյուսը՝ 2-րդ տեղում, 1/8 եզրափակչում նրանք մրցակիցներ կդառնան:

ԱԱ 2014-ի կիսաեզրափակչում այս ընտրանիների դիմակայությունն իսկական խայտառակություն էր Բրազիլիայի համար: Իրենց իսկ հարկի տակ անցկացվող առաջնությունում սկզբունքային մրցակիցը նրանց ջախջախեց 7:1 հաշվով:

Այս թիմերի վերջին հանդիպումը կայացել է այս տարվա մարտին Մունդիալի նախապատրաստության շրջանակներում: Բրազիլիան հաղթել է 1:0 հաշվով: Ընդհանրապես վերջին ընկերական 5 խաղում Գերմանիան կարողացել է հաղթել ընդամենը 1 անգամ՝ աշխարհի առաջնությունից առաջ վերջին խաղում: 2:1 հաշվով պարտության է մատնել Սաուդյան Արաբիային:

Բացի Բրազիլիայից՝ ընկերական խաղում պարտվել է նաեւ Ավստրիային (2:1): Իսպանիայի եւ Ֆրանսիայի հետ էլ խաղացել է ոչ ոքի՝ համապատասխանաբար 1:1 եւ 2:2 հաշիվներով: Բայց մրցակիցներին, իհարկե, ընկերական խաղերում Գերմանիայի ցուցանիշները չեն թուլացնի: Հայտնի է, որ այս ընտրանին միշտ էլ կարողանում է հավաքվել կարեւոր պահերին ու դուրս գալ ամենաբարդ իրավիճակներից: Հենց այդ պատճառով էլ նրա մասին ասում են. «Ֆուտբոլում ամեն ինչ պարզ է: 22 հոգի խաղում են ֆուտբոլ, բայց հաղթում է Գերմանիան»:

Հունիսի 14-ից հուլիսի 15-ը Ռուսաստանում կայանալիք մրցաշարի խմբային փուլում, բացի Մեքսիկայից ու Շվեդիայից, Յոախիմ Լյովի թիմի մրցակիցն է լինելու նաեւ Հարավային Կորեան:

Գերմանիա

Առաջին անգամ աշխարհի առաջնությանը մասնակցել է 1934 թ., վերջին անգամ՝ 2014-ին: 4 անգամ չեմպիոն է դարձել՝ 1954, 1974, 1990, 2014 թթ.:

Գլխավոր մարզիչ՝ Յոախիմ Լյով

Ազգային ընտրանու գլխավոր մարզչի պաշտոնում նշանակվել է 2006 թ.: Մինչեւ այդ եղել է գլխավոր մարզիչ Յուրգեն Կլինսմանի օգնականը: Լյովի գլխավորությամբ հավաքականը կայուն ելույթներ է ունենում: 2014 թ. դարձել է աշխարհի չեմպիոն: 2017 թ. Կոնֆեդերացիաների գավաթի խաղարկությունում էլ նրա թիմը հաղթեց:

Իր հաջողությունների շնորհիվ նա պարբերաբար հայտնվում է գրանդ ակումբների ուշադրության կենտրոնում: Առավել հաճախ նրա անունը կապվում է Մադրիդի «Ռեալի» հետ: Վերջերս էլ խոսակցություններ կային, որ Զինեդին Զիդանի հեռանալուց հետո առանց մարզիչ մնացած «արքայական ակումբը» ցանկանում է հրավիրել նրան, սակայն Լյովը բացառել է, որ կթողնի հավաքականը:

Թիմի աստղը՝ կիսապաշտպան Թոնի Կրոս

Չեմպիոնների լիգայի վերջին 3 տարիների հաղթող «Ռեալի» առանցքային խաղացողներից է: Նա Չեմպիոնների լիգայում հաղթել է նաեւ որպես «Բավարիայի» ֆուտբոլիստ: Կարեւոր դեր է ունեցել աշխարհի 2014 թ. առաջնությունում իր թիմի հաղթանակում:

Մեքսիկա

Առաջին անգամ աշխարհի առաջնությանը մասնակցել է 1930 թ., վերջին անգամ՝ 2014-ին: Լավագույն արդյունքը քառորդ եզրափակիչն է: Այդ փուլ է հասել 1970, 1986 թթ.:

Գլխավոր մարզիչ Խուան Կարլոս Օսորիո

Հավաքականը գլխավորել է 2015 թ.:

Թիմի աստղը՝ հարձակվող Խավիեր Էրնանդես՝ Չիչարիտո

Հավաքականի բոլոր ժամանակների լավագույն ռմբարկուն է: Մասնակցել է նաեւ աշխարհի 2010 եւ 2014 թթ. առաջնություններին՝ դառնալով ընդհանուր 3 գոլի հեղինակ:

Շվեդիա

Առաջին անգամ աշխարհի առաջնությանը մասնակցել է 1934 թ., վերջին անգամ՝ 2006-ին: Լավագույն արդյունքը փոխչեմպիոնությունն է (1958): Եզրափակչում զիջել է Բրազիլիային:

Գլխավոր մարզիչ՝ Յանե Անդերսոն

Ընտրանու գլխավոր մարզիչ է դարձել 2015 թ.: Նրա ղեկավարությամբ աշխարհի 2018 թ. առաջնության որակավորման փուլում՝ փլեյ-օֆում, Շվեդիան փակեց Ջանլուիջի Բուֆոնի Իտալիայի ճանապարհը եւ Մունդիալի ուղեգիր նվաճեց:

Թիմի աստղը՝ հարձակվող Մարկուս Բերգ

Անսովոր է, բայց որպես Շվեդիայի աստղը նշվում է ոչ թե Զլատան Իբրահիմովիչի, այլ Մարկուս Բերգի անունը: Ավելին, Իբրան նույնիսկ չի հրավիրվել հավաքական: Նրա բացակայությամբ թիմն առաջ տանելու պարտականությունը Բերգի ուսերին է դրված: ԱԱ 2018-ի որակավորման փուլում նա աչքի է ընկել 8 անգամ:

Հարավային Կորեա

Առաջին անգամ աշխարհի առաջնությանը մասնակցել է 1954-ին, վերջին անգամ՝ 2014-ին: Լավագույն արդյունքն ունեցել է 2002-ին, երբ Մունդիալն անցկացվում էր Հարավային Կորեայում ու Ճապոնիայում: Զբաղեցրել է 4-րդ տեղը: Մրցաշարում այդքան հեռու է գնացել ոչ առանց մրցավարների օգնության:

Գլխավոր մարզիչ՝ Սին Տխե Յոն

Հավաքականի գլխավոր մարզիչ է նշանակվել 2017-ին:

Թիմի աստղը՝ կիսապաշտպան Կի Սոն Յոն

Ավագն է, թիմի ամենահայտնի ֆուտբոլիստներից մեկը: Տեխնիկապես լավ պատրաստված խաղացող է, եւ աշխարհի այս առաջնությունում Հարավային Կորեայի համար նրանից շատ բան կախված կլինի:

Տպել
930 դիտում

Ես հաճույքով կպատժեի վայրահաչողներին. Ալիկ Սարգսյանը՝ իշխանությանը պաշտպանող ֆեյքերի մասին

Կասեցվել է քաղցրավենիքի, պանրի եւ ջրի արտադրամասերի գործունեությունը. պաշտոնական

Փաշինյան-Թրամփ հանդիպումը տեղի չունեցավ ԱՄՆ ու ՀՀ ղեկավարների օրակարգերի սղության պատճառով. ԱԳՆ

Արցախի ՄԻՊ Ռուբեն Մելիքյանը հրաժարական է ներկայացրել

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում

Կառավարման ավտոմատացված համակարգերի համակարգիչների 40%-ից ավելին գրոհի է ենթարկվել. Կասպերսկի

Կալանավորներին եւ դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ