ՏԻՄ. Հրազդանում կրքերը չեն հանդարտվում

13/06/2018 schedule14:20

Տպագրվել է «Հայկական Ժամանակ» օրաթերթի՝ 2005 թվականի հունիսի 10-ի համարում

Հրազդանում հետընտրական կրքերը այդպես էլ չեն հանդարտվում: Երեկ Հրազդանի կենտրոնական հրապարակում, Կոտայքի մարզպետարանի վարչական շենքի դիմաց կրկին տեղի է ունեցել քաղաքապետի թեկնածու Արթուր Շաբոյանի կողմնակիցների հանրահավաք: Իսկ այսօր Կոտայքի մարզի առաջին ատյանի դատարանը կսկսի քննարկել Հրազդանի քաղաքապետի թեկնածու Արթուր Շաբոյանի դիմումը, որով նա պահանջել է անվավեր ճանաչել ընտրությունների արդյունքները: Հիշեցնենք, որ դեռեւս մայիսի 29-ին Հրազդանում տեղի էին ունեցել քաղաքապետի ընտրություններ, որոնք նշանավորվեցին նրանով, որ դրանց կազմակերպիչ թիվ 41 ԸԸՀ-ն սկսել էր բացահայտ օրինախախտմամբ զբաղվել:

Ընտրությունները աչքի ընկան նաեւ այն փաստով, որ քվեարկության վերջում եւ արդյունքների ամփոփման փուլում ինչ-որ ոստիկաններ քաղաքապետի թեկնածուներից Արթուր Շաբոյանի կողմնակիցների ծեծ ու ջարդ էին իրականացրել: Ա.Շաբոյանի բողոքով թիվ 41 ԸԸՀ-ն վերստուգել էր 23 տեղամասերից 21-ը, որից հետո ընտրությունների արդյունքները եղել էին այսպիսին՝ գործող քաղաքապետ Արամ Դանիելյանի օգտին քվեարկել էր 10 հազար 488, իսկ Ա.Շաբոյանի՝ 10 հազար 100 ընտրողներ: Իսկ երեկվա հանրահավաքից հետո նրա կազմակերպիչները տարածել են մի հայտարարություն, որում մասնավորապես ասված է, որ հանրահավաքի մասնակիցներն իրենց վճռական բողոքն են արտահայտում Կոտայքի մարզպետ Կովալենկո Շահգելդյանի դեմ, նշվում է նաեւ, որ թիվ 41 ԸԸՀ-ն օրինականությունն ապահովելու փոխարեն ինքն է Ընտրական օրենսգրքի կոպիտ խախտումներ թույլ տվել:

«2005թ. մայիսի 29-ին տեղի ունեցած Հրազդանի քաղաքապետի ընտրությունների ընթացքում, ինչպես նաեւ դրանցից հետո տեղի ունեցած կեղծիքները, ԸՕ-ի խախտումները եւ ոստիկանության ջոկատների բռնարարքները իրականացվել են Կոտայքի մարզպետի, Հրազդանի գործող քաղաքապետի եւ թիվ 41 ԸԸՀ դրդմամբ եւ թողտվությամբ»,- ասված է հայտարարությունում: Այսպիսով, հանրահավաքի մասնակիցները որոշել են դիմել ՀՀ նախագահին եւ Աժ նախագահին, որպեսզի նրանք Հրազդան ուղարկեն իրենց ներկայացուցիչներին` իրավիճակին տեղում ծանոթանալու:

Վարչապետին դիմում են Կոտայքի մարզպետ Կ.Շահգելդյանի կամայականություններին վերջ տալու, ՀՀ գլխավոր դատախազին՝ Հրազդանում տեղի ունեցածին իրավական գնահատական տալու, ինչպես նաեւ օրինախախտ ԸԸՀ համապատասխան անդամներին պատասխանատվության ենթարկելու համար: Ըստ հայտարարության, հանրահավաքի մասնակիցները որոշել են դիմել նաեւ արդարադատության նախարարին, ՀՀ մարդու իրավունքների պաշտպանին, հասարակական կազմակերպություններին եւ ԶԼՄ-ներին:

Հ.Գ. Երեկ  ուշ երեկոյան հայտնի դարձավ, որ հանրահավաքի 8 մասնակիցներ ենթարկվել են վարչական տույժի չարտոնված հարահավաքի մասնակցելու համար:        

Վահագն Հովակիմյան

Տպել
528 դիտում

Նրա աչքը տեսել եւ արձանագրել է պատկերներ․ Փաշինյանը ցավակցել է Արա Գյուլերի մահվան կապակցությամբ

Ժամանակն է, որ «Հայաստան» հիմնադրամը դառնա 21-րդ դարի կառույց. նախագահ Սարգսյան

Բաքուն պատրաստվում է «սև ցուցակ»-ում ներառել Ֆրանկոֆոնիայի օրերին Արցախ այցելած ֆրանսիացի երեք լրագրողների

Նիկոլ Փաշինյանը ցավակցել է Կերչում տեղի ունեցած ողբերգական դեպքի կապակցությամբ

Կառավարությունը 11 մլն դրամ կտա լավագուն ուսուցչին եւ լավագույն դաստիարակին

Քոչարյանը հայտարարել է, որ մտադիր է ստեղծել կուսակցություն եւ պայքարել ընդդիմադիր դաշտում

Ինչ շանսեր ունի ՀՀ-ն Ազգերի լիգայում. Վրաստանն արդեն փլեյ-օֆում է

Ֆրանսիայի նախագահը եւ առաջին տիկինը հայկական գինին ու կոնյակը բրենդ են համարել. Նիկոլ Փաշինյան

Արմեն Սարգսյանը ցավակցել է Կերչում տեղի ունեցած պայթյունի կապակցությամբ․ բայց ո՞ւմ

ԱԺ-ում շրջանառության մեջ է դրվել միասեռ ամուսնություններն արգելող օրենքի նախագիծ․ Ուրիխանյան

Զոհրաբ Մնացականյանը՝ ՀԱՊԿ ԽՎ-ն Երեւանի փոխարեն Մոսկվայում անցկացնելու մասին

Վալերի Օսիպյանը՝ իր եւ Հունան Պողոսյանի լարված հարաբերությունների մասին

Ժիրայր Սէֆիլյանի քաղաքացիության հարցը դեռ չի լուծվել․ «Սասնա Ծռեր»-ի հայտարարությունը

Ինչպե՞ս կատարել նվիրատվություն ու աջակցել ՔՊ-ին․ Փաշինյանի գրառումը

Մարտի 1-ի գործով ՄԻԵԴ 2-րդ վճիռը. ՄԻԵԴ-ը ճանաչել է Գրիգոր Ոսկերչյանի եւ Մասիս Այվազյանի իրավունքների խախտումները

Գյումրիում երեկ գիշերը հայտնաբերված նորածինները խնամված են եղել ու մաքուր

Հռոմը դեմ է ՌԴ-ի նկատմամբ ԵՄ սահմանած պատժամիջոցների երկարաձգմանը․ Իտալիայի փոխվարչապետ

ԵԼՔ-ը, ԲՀԿ-ն ընտրություններին մասնակցելու են, ՀՀԿ-ն ռեսուրսներն է հաշվարկում, խնդիրներ ունի՞

Հայաստան-Գերմանիա. քննարկվում են գիտական համագործակցության ընդլայնման հնարավորությունները

Ադրբեջանի ՀՕՊ-ի ստորաբաժանումները «ՕՍԱ» ԶՀՀ-ից մարտական հրաձգություն են իրականացրել