Գյուղապետը տարածք չի հատկացրել Ապրիլյանի հերոս Քյարամի եւ երեք հերոսների խաչքարի համար

Արդեն երկու տարի է՝ ինչ Ապրիլյան պատերազմի հերոս Քյարամ Սլոյանի ընտանիքը չի կարողանում կանգնեցնել որդու հիշատակին նվիրված խաչքարը: Բազմիցս դիմել են իրենց գյուղի՝ Արտաշավանի գյուղապետ Ղազար Կարապետյանին, որպեսզի աջակցի գյուղում տղայի հիշատակին կանգնեցվող հուշարձանի տեղադրմանը կամ գոնե փոքրիկ հողատարածք տրամադրի:

Քյարամի մայրը՝ Նվարդը, ՀԺ-ի հետ զրույցում ասաց, որ գյուղապետն ասել է՝ եթե պետք է Քյարամի պատվին հուշարձան կանգնեցնեն, ապա 1990-ականներին զոհված իրենց գյուղացի չորս հերոսների նկարներով խաչքարեր էլ պետք է լինեն, սակայն այդ մարդկանց պատվին հուշարձաններ արդեն գյուղում կան:

Հերոսի մայրն ասում է, որ մեկ տարի է՝ ինչ մահացել է Քյարամի հայրը՝ Քյալաշ Սլոյանը, ամուսնու մահից առաջ էին դիմել գյուղապետին, մահվանից հետո էլ դիմեցին, սակայն ոչ մի արձագանք: Գյուղապետից հույսը կտրելով՝ Քյարամի մայրը դիմում է գրել Արագածոտնի մարզի մարզպետարան, եւ մարզպետը Սլոյանների տնից բավականաչափ հեռու հողատարածք է հատկացրել: Գյուղացիներից ոչ ոք, սակայն, չի հետաքրքրվել եւ չի աջակցել Քյարամ Սլոյանի հուշարձանի կանգնեցմանը:

«Ամուսնուս Քյալաշի, մահից հետո երդվել եմ, որ ես եմ բերելու ու տղայիս պատվին խաչքար տեղադրեմ»,-ասաց հերոսի մայրը: Վերջինս վստահություն հայտնեց, որ իրենք ոչ ոքի աջակցության կարիքն էլ չունեն՝ իր երկու որդիները կսարքեն եւ կտեղադրեն իրենց եղբոր խաչքարը:

Մենք խոսեցինք նաև Քյարամի փոքր եղբոր՝ Համիկի հետ. վերջինս ասաց, որ իր ձեռքերով է կանգնեցնելու եղբոր հիշատակը վառ պահող խաչքարը, ավելին՝ խաչքարի կողքին փոքրիկ նկարներով հիշատակվելու են եղբոր հետ նահատակված հերոսներ Արմենակ Ուրֆանյանը, Ռոբերտ Աբաջյանն ու Անդրանիկ Զոհրաբյանը: 

Ասաց՝ իր ձեռքով է շարելու, սալիկապատելու, ջուր էլ է քաշելու, որ անցորդները կանգնեն, իրենց ծարավը հագեցնեն: Երկու եղբայրներն արդեն մոտ 2000 դոլար են ծախսել, ասացին, որ ոչ մեկի օգնությանն էլ չեն դիմելու, իրենց ուժերով են անելու:

ՀԺ-ն կապ հաստատեց Արտաշավանի գյուղապետ Ղազար Կարապետյանի հետ: Հողատարածք չհատկացնելու փաստը գյուղապետը շատ ցավով ընդունեց: Վրդովմունք հայտնեց՝ ասելով, որ վիրավորված է Քյարմ Սլոյանի մոր պահվածքից, որ իրեն անտեսելով գնացել Արագածոտնի մարզպետից է հողատարածք խնդրել:

«Մենք մեծ հուշարձան ենք սարքել Հայրենական մեծ պատերազմի եւ Ղարաբաղի զոհերին նվիրված, մեծ երկու պատ է, այս տարի պարսպապատել եմ տարածքը, ուզում եմ ծառ տնկել, սիրուն նստարաններ դնել: Քյարամի հայրը՝ ողորմած Քյալաշը, իմ մանկության ընկերն է եղել: Եկավ ինձ հողի համար դիմեց, ես էլ առաջարկեցի առանձին սարքելու փոխարեն ընդհանուր մյուս հերոսների կողքին, նույն պարսպի ներսում կանգնեցնել: Ինչի՞ տարբերել, եթե նրանք էլ են մեր հերոսները, նույն հերոսության համար են մահացել: Ողորմածը իմ հետ համաձայնվեց, հետո կինը չգիտեմ ինչ որոշեց, մարզպետարան գրություն գրեց»,-պատմեց Արտաշավանի գյուղապետը:

«Ես էդ երեխուն իմ տան երեխու պես եմ տեր կանգնել, զոհվելուց հետո էլ, որպես գյուղապետ եւ որպես ցավող մարդ ամեն ինչ արել եմ»,- ասաց գյուղապետը:

Ղազար Կարապետյանը եւս մեկ անգամ շեշտեց, որ նպատակահարմար չի գտել Քյարամ Սլոյանին առանձնացնել եւ մեկ այլ տեղ վերջինիս պատվին խաչքար կանգնեցնել, քանի որ գյուղում կան այլ նահատակվածների խաչքարեր:

Տպել
8890 դիտում

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին

Տնակից դուրս չեն գալիս, որ նպաստ ստանան. Գյումրու ավագանին 2 ուղերձ հղեց կառավարությանը

Հ. Մարությանի որոշմամբ ապամոնտաժվել է ևս մեկ ինքնակամ շինություն, այս անգամ՝ Գյուրջյան փողոցում

Լոռու ներկայիս մարզպետը՝ նախկին ՀՀԿ-ական մարզպետի հետ ընտրապայքարի մասին

Երևանի Սայաթ Նովայի պողոտա-Նալբանդյան փողոց խաչմերուկի լուսացույցները կտեղափոխվեն

Սերժ Սարգսյանից երկու տարի պահանջվեց, որ Խաչատուրովը դառնա ՀԱՊԿ գլխավոր քարտուղար

Նման դեպքեր այլևս չեն լինելու. Հայկ Մարությանը` Նոր Նորքում ապօրինի շինության մասին

Համաներման շրջանակներում մինչ այժմ ազատ է արձակվել 451 դատապարտյալ

Շիրակի մարզպետն իր հաշվին արձակուրդ կգնա, նա էլ է ՔՊ թեկնածու

Տարոն Մարգարյանը ՀՀԿ ցուցակում չկա

Ոստիկանները Լոռիում բացահայտել են 7.352.400 դրամի յուրացման և 140.000 դրամի կաշառքի դեպք (տեսանյութ)