Ճըվճվի որդին խմիքչի եւ թմրանյութի ազդեցության տակ չի եղել. տեսուչի հայրը հակառակն է պնդում

Սույն թվականի հունվարի 8-ին ՃՈ տեսուչների մահվան պատճառ դարձած ողբերգական ավտովթարի մասնակից, գործով մեղադրյալ Ճըվճվ Արոյի որդին՝ Սարգիս Վարդանյանը, դեպքի օրը վարել է սահմանված թույլատրելի առավելագույն 60 կմ/ժ-ը գերազանցող արագությամբ՝ 160 կմ/ժ:

Ողբերգական ավտովթարը տեղի էր ունեցել հունվարի 8-ի լուսադեմին: Իրար էին բախվել Ճանապարհային ոստիկանության ծառայություն իրականացնող «Toyota Corolla» մակնիշի եւ «BMW X6» մակնիշի ավտոմեքենաները: Վթարի հետեւանքով «Toyota Corolla»-ի վարորդ, ՃՈ ծառայող Արեգ Դավթյանը եւ ուղեւոր, ՃՈ ծառայող Խաչիկ Գասպարյանը մահացել են:

ՃՈ տեսուչների մահվան պատճառ դարձած ավտովթարի մասնակից Սարգիս Վարդանյանը մեղադրվում է ՀՀ քրեական օրենսգրքի 242-րդ հոդվածի 2-րդ մասով (Ճանապարհային երթեւեկության կանոնները խախտելը, որն անզգուշությամբ առաջացրել է մարդու մահ) եւ ՀՀ ՔՕ 244 հոդվածով (Ճանապարհատրանսպորտային պատահարի վայրը թողնելը): Նա գտնվում է կալանքի տակ:

Երեկ ՀՀ քննչական կոմիտեն հայտնեց սույն գործով նախաքննության ավարտի մասին: Ըստ այդմ՝ քննությամբ փաստական տվյալներ են ձեռք բերվել առ այն, որ «BMWX6» մակնիշի ավտոմեքենայի վարորդը Սայաթ-Նովա պողոտայի ուղղությամբ ընթացել է լապտերը միացված վիճակում՝ բնակավայրերի համար սահմանված թույլատրելի առավելագույն 60 կմ/ժ-ը գերազանցող արագությամբ եւ դրանով իսկ ստեղծել վթարային իրադրություն։

Մեր տեղեկություններով, դատաքիմիական փորձաքննության արդյունքների համաձայն՝ Սարգիս Վարդանյանը դեպքի պահին ո՛չ ալկոհոլի, ո՛չ էլ թմրանյութի ազդեցության տակ չի եղել: Բանն այն է, որ ըստ որոշ ցուցմունքների՝ Սարգիս Վարդանյանը դեպքի օրը ոգելից խմիչք է օգտագործած եղել: Նախաքննության սկզբում նշանակվել էր դատաքիմիական փորձաքննություն, սակայն բացասական պատասխանը, ըստ էության, չէր գոհացրել նախաքննական մարմնին եւ քննիչը դատաքիմիական համալիր փորձաքննություն նշանակելու որոշում էր կայացրել: Սակայն այդ անգամ էլ փորձաքննության պատասխանը բացասական էր եղել:

ՃՈ ոստիկան Արեգ Դավթյանի հայրը՝ գործով իրավահաջորդ Գարիկ Դավթանը, սակայն, հակառակն է պնդում. «Հարյուր տոկոս ինքը եսիմ ինչի դոզայի տակ է եղել, դա միանշանակ: Մինչ Նիկոլ Փաշինյանի իշխանության գալը կարգերն ուրիշ էր, պապին (նկատի ունի Սարգիսի պապին՝ Գազի Կոլյա մականունով հայտնի Նիկոլայ Գաբրիելյանին,-հեղ.) երեւի փողերը տվեց, իրա գործերն արեց: Եթե այդ փորձաքննությունը նշանակվեր Նիկոլի ժամանակով, այդպիսի արդյունք չէր լինի, կտային, ինչպես եւ կարգն է»,- մեր զրույցում ասաց Գարիկ Դավթյանը:

Վերջինս նշեց, որ տեսանյութերի ուսումնասիրությունից պարզ է դառնում, որ Սարգիս Վարդանյանը գերազանցել է արագությունը. «Արագությունը որ նայում ես, ոնց որ կայծակ լինի, այդտեղ տվել են 110 կմ/Ժ արագություն, բայց 110-ի տակ չէր կարող նման արագություն լինել, տեսագրություններում նայում ես, նույնիսկ չի երեւում, որ ավտոմեքենա է անցնում, այնքան արագ է տեղի ունենում, ինչի դա 110 արագություն է՞: Ինչի իր պապի հզորությունն ու փողերի քանակը ո՞վ չգիտի, սաղ աշխարհը գիտի, բա տենց էլ պիտի լիներ»,- նշեց մահացած ոստիկանի հայրը: Նա ասաց, որ ստացել է գործի նյութերը եւ հավելեց, որ դատարանում փորձաքննությունների արդյունքների վերաբերյալ հանդես կգա հայտարարություններով: «Եթե այսօր արդարություն կա, թող իրենց արած հին գործերի համար, որը պապին ծածկեց, մեյդան կանչեն այդ ժամանակվա գործը քննող քննիչին, դատավորին ասեն՝ ինչպե՞ս եղավ, որ մարդը մի հատ պեչենի գողանում ա, դատում եք, էդ հանցագործներին ոչ մի բան: Քանի այդ ձեւի դեպքեր ա եղել, եթե այդ ժամանակ պատժեին, չէր գա էսօր իմ երեխու կյանքի հետ խաղար»,- հավելեց Գարիկ Դավթյանը: Վերջինս Սարգիս Վարդանյանի համար օրենքով սահմանված ամենախիստ պատիժն է պահանջում:

ՃՈ ոստիկան Խաչիկ Գասպարյանի քույրը՝ Տաթեւիկ Գասպարյանն էլ մեր զրույցում ասաց, որ այս ժամկետներում նախաքննությունն ավարտելը արդեն իսկ դրական տեղաշարժ է նշանակում, ինչը նա երկրում տեղի ունեցած հեղափոխության հետ է կապում: «Եթե նախկինում լիներ, ապա բավականին երկար նախաքննություն կկատարվեր, ամեն դեպքում չեմ կարող չնշել, որ իրոք օպերատիվ կերպով են նախաքննությունն ավարտել: Իհարկե, դեռեւս չգիտեմ, թե նախաքննության ընթացքում ինչ հանգամանքներ են բացահայտվել, բայց այն, որ արդեն կա մեղադրական եզրակացություն ՀՀ ՔՕ 242 հոդվածի 3-րդ մասի 4-րդ կետով եւ ՀՀ ՔՕ 244 հոդվածով արդեն իսկ դրական տեղաշարժ է: Այստեղ միանշանակ մեծ դեր խաղաց հեղափոխությունը: Դատավարության ընթացքում արդեն իսկ կծանոթանամ գործի հանգամանքներին: Մենք հույս ունենք, որ արդար դատավճիռ կկայացվի»,- եզրափակեց Տաթեւիկ Գասպարյանը:

Սարգիս Վարդանյանը նախաքննության ընթացքում ընդունել է, որ «BMW»-ի ղեկին ինքն է եղել: Նա նաեւ ցուցմունք է տվել, որ եթե հիմնավորվի իր մեղավորությունը, պատրաստ է օրենքի ամբողջ խստությամբ պատասխանատվության ենթարկվել: Կհաջողվի արդյո՞ք այս անգամ էլ Գազի Կոլյային թոռանը ջրից չոր դուրս բերել, կպարզվի դատաքննության ընթացքում:

Տպել
4751 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ