Լեհաստանն ու Կոլումբիան ԱԱ 2018-ի H խմբում կպայքարեն առաջին տեղի համար

Աշխարհի 2018 թ. առաջնության H խմբում կենտրոնականը լինելու է Լեհաստան-Կոլումբիա դիմակայությունը: Դրանից մեծապես կախված է՝ ով խմբային փուլում ի վերջո կզբաղեցնի առաջին տեղը: Այս թիմերի հանդիպումը կկայանա հունիսի 24-ին: 2 հավաքականում էլ կան տաղանդներ, որոնք կարող են իրենց ելույթներով գեղեցկացնել աշխարհի առաջնությունը: Հունիսի 14-ից հուլիսի 15-ը Ռուսաստանում ընթացող մրցաշարի խմբային փուլում նրանց փորձելու են խանգարել Սենեգալն ու Ճապոնիան:

Լեհաստան

Առաջին անգամ աշխարհի առաջնությանը մասնակցել է 1930 թ., վերջին անգամ՝ 2006-ին: Լավագույն արդյունքը 3-րդ տեղն է: Նման ցուցանիշ է գրանցել 1974 եւ 1982 թթ.:

Գլխավոր մարզիչ՝ Ադամ Նավալկա

Հավաքականի ղեկն ստանձնել է 2013 թ.: Նրա գլխավորությամբ 2016 թ. թիմը պատմության մեջ առաջին անգամ հասել է Եվրոպայի առաջնության քառորդ եզրափակիչ: Հետո էլ 12 տարի անց կրկին Լեհաստանին առաջնորդել է դեպի աշխարհի առաջնություն: ԱԱ 2018-ի ընտրական փուլում Լեհաստանը Հայաստանի հետ E խմբում էր: 10 խաղից 8-ում հաղթեց, այդ թվում՝ Երեւանում 6:1 ջախջախեց ՀՀ ընտրանուն: Մեկական անգամ էլ պարտվել ու ոչ ոքի է խաղացել: Արդյունքում լեհերը վաստակեցին 25 միավոր ու առաջին տեղով որակավորվեցին աշխարհի առաջնությանը:

Թիմի աստղը՝ հարձակվող Ռոբերտ Լեւանդովսկի

Մյունխենի «Բավարիայի» ֆուտբոլիստն այս պահին աշխարհում լավագույններից է իր դիրքում: Իր հավաքականի բոլոր ժամանակների լավագույն ռմբարկուն է: Ընտրական փուլի 10 խաղերում խփեց 16 գոլ՝ դառնալով որակավորման փուլում եվրոպական գոտու լավագույն ռմբարկուն: Այդ գոլերից 4-ը նա ուղարկել է Հայաստանի հավաքականի դարպասին:

Սենեգալ

Առաջին եւ միակ անգամ աշխարհի առաջնությանը մասնակցել է 2002 թ.: Ռուսաստանում Սենեգալը 2-րդ անգամ հանդես կգա ԱԱ-ում: 2002-ին կարողացել է հասնել մինչեւ քառորդ եզրափակիչ:

Գլխավոր մարզիչ՝ Ալիու Սիսե

Սիսեն 2002-ին եղել է Սենեգալի ավագը: Նրա հետ թիմը պատմություն է կերտել ԱԱ-ում առաջին իսկ մասնակցությամբ քառորդ եզրափակիչ հասնելով: Որպես մարզիչ նա գլխավորել է թիմը 2015-ին ու ԱԱ դուրս բերել այն:

Թիմի աստղը՝ կիսապաշտպան Սադիո Մանե

Աֆրիկայի ամենատաղանդավոր ֆուտբոլիստներից է: 2016 թ. 34 մլն ֆունտ ստեռլինգով տեղափոխվելով «Լիվերպուլ» դարձավ աֆրիկացի ամենաթանկ խաղացողը:

Կոլումբիա

Առաջին անգամ աշխարհի առաջնությանը մասնակցել է 1962 թ., վերջին անգամ՝ 2014-ին: Լավագույն արդյունքն ունեցել է հենց 2014-ին. հասել է քառորդ եզրափակիչ:

Գլխավոր մարզիչ՝ Խոսե Պեկերման

Թիմը գլխավորել է 2012 թ.:

Թիմի աստղը՝ կիսապաշտպան Խամես Ռոդրիգես

«Լոս կաֆատերոսի» ոչ միակ, բայց այս պահին գլխավոր աստղն է: «Բավարիայում» վարձավճարով հանդես եկող «Ռեալի» խաղացողից այս մրցաշարում շատ բան կախված կլինի: Մնում է, որ վնասվածքները չխանգարեն: Երեկ՝ հունիսի 14-ին, չի մասնակցել թիմի մարզմանը:

Ճապոնիա

Առաջին անգամ աշխարհի առաջնությանը մասնակցել է 1998 թ., վերջին անգամ՝ 2014-ին: Լավագույն ցուցանիշը 1/8 եզրափակիչ հասնելն է: Նման բան անել հաջողվել է 2 անգամ՝ 2002 եւ 2010 թթ.:

Գլխավոր մարզիչ՝ Ակիրա Նիսինո

Հավաքականը գլխավորել է 2018-ին:

Թիմի աստղը՝ պաշտպան Մայա Յոշիդա

Առանցքային դեր է կատարել ընտրանու կազմում աշխարհի 2 առաջնությունների ընտրական փուլերում: Լինելով պաշտպան իր թիմին օգնում է նաեւ գոլեր հեղինակելով:

Տպել
1073 դիտում

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է