Տան մեջ կրակել եւ վախեցրել են քաղաքացուն. կրակողներից մեկը Միհրան Պողոսյանի շրջապատից է

Այսօր «Հայկական Ժամանակ»-ի խմբագրություն էր այցելել քաղաքացի Վարազդատ Դավթյանը: Դավթյանը ՀԺ-ին պատմեց, թե ինչ է տեղի ունեցել իր հետ 2015 թվականի հոկտեմբերի 24-ին:

2015 թվականի հոկտեմբերին Դավթյանը տարաձայնությունների պատճառով բաժանվել է իր կնոջից` Գայանե Ոսկանյանից: Դրանից մի քանի օր հետո՝ հոկտեմբերի 24-ին, Ջրվեժում գտնվող իր տուն են այցելել իր կնոջ եղբայրը` Խաչիկ Ոսկանյանը, կնոջ մորաքրոջ որդին՝ ոստիկանության աշխատակից, այժմ ՀՀ ոստիկանության քրեական հետախուզության գլխավոր վարչության օպերատիվ-հետախուզական տեղեկատվության 1-ին բաժնի օպերատիվ-հետախուզական տեղեկատվության համակարգի ձեւավորման եւ դիմապատկերի միջոցով անձի նույնականացման պետի տեղակալի պաշտոնը զբաղեցնող Արման Կիրակոսյանը եւ իր կնոջ քավորը` ԱԺ ՀՀԿ խմբակցության պատգամավոր Միհրան Պողոսյանին պատկանող «Մ.Մ.Մ» ընկերության տնօրեն, Նոր-Նորք վարչական շրջանի նախկին համայնքապետ Մելիք Գասպարյանը:  

Մելիք Գասպարյանի եղբայրը Երեւան քաղաքի ավագանու ՀՀԿ խմբակցության անդամ Արտակ Գասպարյանն է, ով հանրությանը հայտնի է դարձել Երեւանի ավագանու «Երկիր Ծիրանի» խմբակցության անդամ Մարինա Խաչատրյանին քաշքշելու ժամանակ:

Դավթյանի խոսքով՝ Մելիք Գասպարյանն իրենից պահանջել է ամուսնության ընթացքում համատեղ ձեռք բերված գույքի կես գումարը` 250 հազար դոլար, որպեսզի տա Դավթյանի նախկին կնոջը:

Սակայն Դավթյանը չի տվել, ինչից հետո Դավթյանի կնոջ եղբայրը` Խաչիկ Ոսկանյանը, վախեցնելու նպատակով կրակել է Դավթյանի ուղղությամբ, փամփուշտը դիպչել է հատակին:

Դրանից հետո ըստ Դավթյանի Մելիք Գասպարյանը, Խաչիկ Ոսկանյանը եւ Արման Կիրակոսյանը հեռացել են իր տնից: Դեպքի մասին Դավթյանը իրավապահներին չի ասել, սակայն 2017 թվականի հուլիսի 25-ին օպերատիվ տեղեկությունների հիման վրա Վարազդատ Դավթյանին տարել են ՀՀ Ոստիկանության Կազմակերպված հանցավորության դեմ պայքարի գլխավոր վարչություն: Վարչությունից Դավթյանին ասել են, որ տեղյակ են այդ դեպքից, ինչից հետո Դավթյանը մանրամասներ է հայտնել: Արդյունքում դեպքի առթիվ քրեական գործ է հարուցվել ՀՀ քրեական օրենսգրքի 137-րդ հոդվածի 1-ին (Սպանության, առողջությանը ծանր վնաս պատճառելու կամ խոշոր չափի գույք ոչնչացնելու սպառնալիքը, եթե այդ սպառնալիքն իրականացնելու իրական վտանգ է եղել) եւ 235-րդ հոդվածի 4-րդ մասով (Ապօրինի կերպով գազային, սառը կամ նետողական զենք կրել): Մելիք Գասպարյանը, Խաչիկ Ոսկանյանը եւ Արման Կիրակոսյանը ներգրավվել են որպես մեղադրյալ: 

Քանի որ դեպքին մասնակցել է նաեւ ոստիկանության աշխատակից, գործն ուղարկվել է ՀՔԾ: Սակայն 2017 թվականի նոյեմբերի 1-ին ՀՔԾ քննիչ Կալաչյանը գործը կարճել է՝ որպես հիմնավորում նշելով հիմքերի բացակայությունն ու հակասությունները:

Այդ ժամանակ հարցաքննվել են Մելիք Գասպարյանը եւ Արման Կիրակոսյանը: Գասպարյանը իր ցուցմունքում նշել է, որ նման բան չի եղել, պարզապես գնացել, սուրճ են խմել՝ հավելելով, որ նա երկար չի մնացել, 5 րոպե հետո հեռացել է: Արման Կիրակոսյանն իր ցուցմունքում նշել է, որ կրակոցի ձայն չի լսել, իսկ կրակողը` Խաչիկ Ոսկանյանը, ընդհանրապես չի հարցաքննվել, նա երկրում չի եղել:

2017 թվականի դեկտեմբերի 12-ին գործը կարճելու քննիչի որոշումը դատախազն ուժի մեջ է թողել: Ինչից հետո Դավթյանը դիմել է դատարան: Առաջին ատյանի դատարանի որոշմամբ գործի վերաբացումը մերժվել է:

Դավթյանը դիմել է վերաքննիչ դատարան եւ այս պահին գործն այնտեղ է: Դավթյանի կարծիքով՝ գործն արդարացի չի քննվել, քանի որ եղել է Միհրան Պողոսյանի գործոնը: 2017-ի խորհրդարանական ընտրություններին Մելիք Գասպարյանը եղել է Միհրան Պողոսյանի նախընտրական շտաբի ղեկավարը: Իսկ հիմա, երբ իրավիճակ է փոխվել, գործը կարող է արդար քննվել: Վարազդատ Դավթյանի պահանջը մեկն է՝ գործն ուղարկել հետքննության եւ պատժել մեղավորներին:

Տպել
10139 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին