Հայավարի բիզնես. հյուրանոցներ 4 հոգու համար

15/06/2018 schedule17:50

Տպագրվել է «Հայկական Ժամանակ» օրաթերթի՝ 2005 թվականի հունիսի 14-ի համարում

Հյուրանոցային բիզնեսը Հայաստանում թերեւս ամենախորհրդավոր բիզնեսներից է: Մի քանի տարի է, ինչ Հայաստանում նկատվում է հյուրանոցաշինության բում: Եթե հավատանք մեր պաշտոնական վիճակագրությանը, ապա վերջին 4 տարիներին հյուրանոցների թիվը մեզանում կրկնապատկվել է. եթե 2001-ին կար 15 հյուրանոց, ապա 2005-ին դրանք արդեն 32-ն էին: Առաջընթացը ակնհայտ է: Ի՞նչն է այս բումի պատճառը: Զբոսաշրջության ա՞ճը: Առաջին հայացքից հենց այդպես է որ կա, եւ այդ թվերն էլ կարծես թե բացատրվում են հենց դրանով: Բայց չշտապենք հետեւություններ անել միայն այս թվերից եւ նայենք այլ թվերի եւս: Իսկ այդ թվերը, մեղմ ասած, զարմանալի են: Այսպես` ըստ նույն պաշտոնական վիճակագրության, այս տարվա առաջին երեք ամիսներին Հայաստան այցելած մոտ 40 հազար զբոսաշրջիկից մեր հյուրանոցներում են հանգրվանել 7157-ը:

Այս թվերն ուշագրավ են դառնում, երբ հաշվի ենք առնում, որ մեր 32 հյուրանոցներից յուրաքանչյուրը օրական սպասարկել է միջինը 2.4 զբոսաշրջիկի: Այսինքն՝ միջին եռամսյակային կտրվածքով եթե վերցնենք, ապա ցանկացած պահի մեր ցանկացած հյուրանոցում հանգրվանած է եղել 2,4 զբոսաշրջիկ: Զարմանալի՞ է: Իհարկե, զարմանալի է: Այստեղ կարող են հակաճառել, թե  տարվա սկիզբը Հայաստանի համար զբոսաշրջության առումով գրավիչ չէ: Շատ լավ: Նայենք, թե յուրաքանչյուր հյուրանոց որքան զբոսաշրջիկ է սպասարկում միջին օրական կտրվածքով զբոսաշրջության ամենաթեժ ժամանակահատվածում` ապրիլից մինչեւ սեպտեմբեր: Անցած տարվա այդ ժամանակահատվածում մեր հյուրանոցներում հանգրվանել է մոտ 21 հազար զբոսաշրջիկ:

Եւ եթե կրկին նայում ենք միջին օրական ցուցանիշը, ստացվում է որ մեկ հյուրանոցը օրական սպասարկել է միայն 4 զբոսաշրջիկ: Այսինքն՝ եթե անցած ամռանը ցանկացած պահ մտնեինք մեր հյուրանոցներից որեւէ մեկը, այնտեղ պետք է լիներ ընդամենը 4 զբոսաշրջիկ:  Սա արդեն ավելի քան զարմանալի է: Ակնհայտ է, որ մեր հյուրանոցները մինչեւ կոկորդները թաղված են «ստվերում»: Կարելի է, իհարկե, մատնանշել 2-3 հյուրանոցներ, որոնք զուտ իրենց միջազգային համբավը չվտանգելու նկատառումներով կխուսափեն ստվերի մեջ թաղվելուց, բայց ընդհանուր առմամբ դրանից պատկերը չի փոխվում: Եւ եթե հաշվի առնենք, որ դրանք ճիշտ հաշվետվություններ են ներկայացնում իրենց մոտ հանգրվանած զբոսաշրջիկների թվի մասին, ապա կստացվի, որ մյուս` մոտ երեք տասնյակ հյուրանոցներում ընդհանրապես զբոսաշրջիկներ չեն եղել:

Ուրեմն՝ ի՞նչ կա այս թվերի ետեւում: Ո՞րն է այս բիզնեսի ողջ հմայքը: Օրերս «Գոլդեն Պալաս» հյուրանոցի բացման արարողության ժամանակ Ռոբերտ Քոչարյանին հարց ուղղեցինք, թե ո՞րն  է պատճառը, որ մեր հյուրանոցներից ոչ մեկը տեղ չի գտել 300 խոշոր հարկատուների ցանկում: «Այդ ցանկին, ճիշտն ասած, ծանոթ չեմ»,- մեր հարցին ի պատասխան ասաց նա: Սա տարօրինակ է, որովհետեւ, ընդամենը մի քանի ամիս առաջ Քոչարյանի մասին Հանրային հեռուստատեսության նկարահանած գիտահանրամատչելի-վավերագրական մի ֆիլմում նա իր աշխատանքային օրը սկսում էր հարկային եւ մաքսային օրվա մուտքերի մասին տեղեկանքների ուսումնասիրությամբ: Եւ հանկարծ պարզվում է, որ Քոչարյանին չի հետաքրքրել խոշոր հարկատուների ցանկը: Բայց այս պահին էականն այն է, որ մեր հյուրանոցները խոշոր հարկատուներ չեն: Ինչո՞ւ:

Խնդիրն այն է, որ օտարերկրյա զբոսաշրջիկի սպասարկումը համարվել է ծառայությունների արտահանում եւ ազատվել ավելացված արժեքի հարկից: Բացի այդ, մեր հյուրանոցներից շատերը  համարվում են օտարերկրյա ներդրումներով ընկերություններ, իսկ սա էլ ազատում է նրանց շահութահարկ վճարելու պարտականությունից: Եւ եթե դրա հետ մեկտեղ նրանք ներկայացնում են հաշվետվություններ, որոնց համաձայն օրական ընդամենը 3-4 մարդ են սպասարկում, եւ որեւէ գերատեսչություն այդ սուտը չի բացահայտում եւ նույնիսկ չի աշխատում այդ ուղղությամբ, ապա կարելի է պնդել, որ հյուրանոցները մեզանում դարձել են «վերին արտի» բիզնես: Եւ սրանով արդեն բացատրվում է, թե ինչու է Հայաստանում հյուրանոցների թիվը նման տեմպերով աճում:

Ցանկացած ստվերային բիզնես մեծ ներդրումներ է կլանում: Սրան, անշուշտ, նպաստում է նաեւ այն հանգամանքը, որ կասկածելի փողերով, կասկածելի օֆշորային գոտիներում անհայտ անձանց կողմից գրանցված ընկերությունների մուտքը Հայաստան ոչ միայն չի խոչընդոտվում, այլ ամենայն կերպ ողջունվում է երկրի ամենաբարձր իշխանության կողմից: Օրինակ, ՌԴ նախագահ Պուտինը վերջերս բավական չոր տոնով խոսեց Մոսկվայի կենտրոնում կիպրոսցի սեփականատերերի հայտվելու մասին: Դրանից ընդամենը մի քանի օր առաջ Քոչարյանը ողջունել էր նույն կիպրոսցիների մուտքը Հայաստան: Խոսքն, իհարկե, ոչ թե ծագման մասին է, այլ այն մասին, որ Կիպրոսը օֆշորային գոտի է, եւ այդտեղից եկած ներդրումները, հայերեն ասած, հալալ փողեր չեն: Պարզապես պետք է նայել, թե ովքեր են այդ հյուրանոցների իրական սեփականատերերը, եւ պարզ կդառնա, թե ինչու մեր հյուրանոցները հարկեր չեն վճարում: Դրանից նաեւ հասկանալի կդառնա, թե ինչու են հյուրանոցները ազատվում հարկերից: Պարզ կդառնա նաեւ, թե ինչու են Հայաստանում կառուցվում հյուրանոցներ, որոնք օրական ընդամենը 3-4 հաճախորդ են ունենում:

Հայկ Գեւորգյան

Տպել
1031 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է