Այս երկրում պատվեր տվողը մեկն էր, էդ կենդանին գիտի՝ ինչ պատվեր է տվել. Սամվել Բաբայան

ԼՂՀ պաշտպանության բանակի նախկին հրամանատար Սամվել Բաբայանն այսօր մեկուսարանից դուրս գալուց հետո մեր հարցին ի պատասխան ասաց, որ ամբողջ Հայաստանում քաղաքական գործիչները տեղյակ են՝ իր ձերբակալումը պատվեր էր:

Մեր հարցին, թե ի վերջո ո՞վ է պատվիրատուն, Բաբայանը պատասխանեց. «Հայաստանում մի մարդ է պատվեր տալիս, 7 հոգի չի: Էդ կենդանին էլ, ինքը գիտի, որ կենդանի է, ինչ պատվեր է տվել, ինչ է արել»: Մեր դիտարկմանը՝ ձեր ձերբակալման ժամանակ երկիրը ղեկավարում էր Սերժ Սարգսյանը, Արցախի հերոսը հետեւյալը պատասխանեց. «Ես չեմ ասում անուն-ազգանուն, ես կենդանի եմ ասում, ով է այդ կենդանին՝ դուք մտածեք: Անուն-ազգանուն տալով դուք մեծարում եք մի մարդու, որը դրան արժանի չէ: Իմ ձերբակալման դրդապատճառը քաղաքական է: Անվտանգության շենքում ձերբակալումից հետո իմ հետ խոսել են, խոսել են, որ մենք (խոսքը ՕՐՕ դաշինքի մասին է) արդեն 5 տոկոսի շեմն անցել ենք եւ պատրաստվում ենք մեծ միտինգի ու արդեն պառլամենտում իրենք (խոսքն, ըստ էության, ՀՀԿ-ի մասին է-հեղ.) չեն կարող ունենալ մեծամասնություն, դրա համար ինձ ձերբակալել են: Ես ասացի՝ ինչո՞ւ ինձ, չէ՞ որ ես ցուցակում չկամ, լիդեր չեմ, ձերբակալեիք օրինակ լիդերներից մեկին: Ինձ պարզ պատասխանեցին, որ՝ պարոն Բաբայան, դուք եք կազմակերպում, շտաբը դուք եք ղեկավարում, դուք եք մեզ պետք: Ինձ սա ասել է անվտանգության ծառայության պետի առաջին տեղակալը, ով զբաղվել է օպերացիայիով: Ես ոչ մի բան ո՛չ թաքցնում եմ, ո՛չ էլ»,- վստահեցրեց Սամվել Բաբայանը:

Նրա խոսքով՝ իրեն ոչ թե քաղբանտարկյալ է համարում, այլ կարծում է, որ իրեն առեւանգել են: «Դեռ 2000 թվականին, երբ քաղբանտարկյալ բառը կպցրել են, որոշ քաղաքական գործիչներ դա շահարկում էին, հենց դրա համար ես այդ բառը չեմ օգտագործել, այն՝ ինչ ես դատարանում փորձել եմ ապացուցել եւ ապացուցելու եմ, դուք բոլորդ կհամոզվեք, որ այն՝ ինչ արել են, դա ոչ թե քաղբանտարկյալ, այլ մարդուն առեւանգել է կոչվում:

Մեր մյուս հարցրին, թե երբ է պատրաստվում մեկնել Արցախ, Բաբայանն ասաց, որ դեռ նման մտադրություն չունի: Մեր դիտարկմանը՝ մամուլում նշում են, որ Արցախում հայտնվելով կսկսեք այնտեղ հեղափոխություն անել, Սամվել Բաբայանը պատասխանեց. «Նրանք, ովքեր մամուլում ասում են, որ ՀՀ քաղաքական դաշտից են, շատերը թոշակի պետք է գնան, սրա-նրա անունը տալով թող դաշտ չմտնեն: Հիմա երիտասարդներ են, թող զբաղվեն: Իմ Արցախը գնալը կախված է ՀՀ իշխանությունների որոշումից: Եթե Հայաստանի իշխանությունները որոշեն, որ ես պիտի լինեմ էնտեղ, ես կլինեմ էնտեղ, բայց Բաբայանն այս պահին ոչ մի տեղ մտադիր չի գնալ, դեստաբիլիզացիա անել, ինչ-որ խնդիրներ դնել, դա շատ լուրջ պետական խնդիր է: Նրանք, ովքեր հայտարարում են, թող մի պահ մտածեն, եթե էդ պատասխանատվությունը գիտեն, թե ամեն մեկը կարող է վերցնել իր վրա, ուրեմն ապուշ են: Ղարաբաղը շատ վտանգավոր գոտի է, չի կարելի այնտեղ խաղալ»,- հայտարարեց Սամվել Բաբայանը՝ նշելով, որ պետք է մինչեւ 2020 թվականը հանգիստ թողնել Արցախին:

Նա չհերքեց, որ հեղափոխության օրերին իշխանությունից իրեն դիմել են, որպեսզի հայտարարություն տարածի եւ ժողովրդին հորդորի գնալ տուն, բայց մերժել է: Խոսելով հեղափոխության մասին՝ Սամվել Բաբայանն ասաց, որ հեղափոխությունը բոլորի համար էր. «Ձեզ համար է, ստրկությունից ձերբազատվեցինք բոլորս՝ ինձանից սկսած: Հերիք է»:

Տպել
11703 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը