Վրաստան. միլիարդատիրոջ քաղաքական վերադարձը

Հայաստանում հեղափոխական գործընթացների արդյուքնում տեղի ունեցած իշխանափոխությունից շուրջ մեկ ամիս անց կտրուկ փոփոխություններ սկսվեցին Վրաստանի իշխանության բուրգում: Հունիսի 13-ին Գիորգի Կվիրիկաշվիլին հրաժարական տվեց Վրաստանի վարչապետի պաշտոնից: Իշխող «Վրացական երազանք» կուսակցությունը վարչապետի թեկնածու առաջադրեց ֆինանսների նախարար Մամուկա Բախտաձեին:

Դատելով վերջինս ներկայացրած առաջնահերթություններից՝ Վրաստանի արտաքին քաղաքական ուղենիշում որեւէ փոփոխություն չի ակնկալվում: Եվրաատլանդյան ինտեգրացիայի խորացումն ու Ռուսաստանի հետ հարաբերությունների կարգավորումը կարեւոր առաջնահերթություններ են վարչապետի թեկնածուի առաջադրած պլատֆորմում: Թեպետ արտաքին քաղաքական հարթակում փոփոխություն չի նախատեսվում, սակայն հարեւան պետության ներքաղաքական կյանքը վերջին մեկ ամսում նշանավորվեց երկու կարեւոր փոփոխությամբ:  

Առաջինը, միլիարդատիր, «Վրացական երազանքի» հիմնադիր առաջնորդ Բիձինա Իվանիշվիլիի արդեն պաշտոնական վերադարձն էր քաղաքականություն՝ կուսակցության ղեկավարի պաշտոնում: Երկրոդ, հեռացավ երկրի վարչապետը, որը դեռեւս շաբաթներ առաջ Վրաստանում արդարադատության խնդիրներով ծագած բողոքի ակցիաների մասնակիցների՝ հրաժարականի պահանջներին պատասխանում էր «ոչ»:

Վրաստանի պաշտպանության նախկին նախարար Թինաթին Խիդաշելին կարծում է, որ երկրի վարչապետի հրաժարականը հասունացել էր եւ այն հանրային պահանջի ու կուսակցական որոշման արդյունք էր: «Այդ երկու գործոնները համընկան եւ միասին ազդեցություն գործեցին: Չեմ կարծում, որ վարչապետերը հենց այնպես հրաժարական են տալիս», - մեզ հետ զրույցում նշեց Խիդաշելին ու ներկայացրեց որոշ մանրամասներ երկրի քաղաքական կյանքից, որոնք տեղի են ունեցել մի քանի ամիս առաջ:

«Մի քանի ամիս առաջ, երբ կառավարությունում տեղի ունեցան փոփոխություններ, եւ ներքին գործերի ու ֆինանսների նախարարների պաշտոններում նոր անձիք նշանակվեցին, պարզ էր, որ վարչապետը հեռանում է: Դա վարչապետի հեռանալու նախապատրաստական փուլն էր: Բոլորը սպասում էին այդ պահին, որը տեղի ունեցավ հիմա»,- նշեց նախկին նախարարը՝ հավելելով, որ այս կերպ իշխող կուսակցությունը երկու հարց է լուծում: Մի կողմից առաջ է տանում սեփական օրակարգը, իսկ մյուս կողմից, վարչապետի փոփոխությամբ պատասխանում է շաբաթներ առաջ հանրահավաքների ժամանակ հնչեցվող հարաժարականների պահանջներին:

Նա այս գործընթացն անվանում է պարզ դիմակափոխություն բարձրագույն իշխանությունում, որից մեծ փոփոխություններ պետք չէ սպասել: «Գործընթացն ինքը կարող է հետաքրքիր թվալ, քանի որ հրաժարական է տվել երկրի վարչապետը, սակայն մեծ փոփոխություններ սպասել պետք չէ, քանի որ իշխանությունը նույն քաղաքական ուժի ձեռքում է եւ այն վարչապետ է նշանակում Մամուկա Բախտաձեին: Ուղղակի իշխանությունում դերերի որոշակի ռոտացիա է տեղի ունենում, փոխվում են դեմքերը, ոչ թե քաղաքականությունը»,- ընդգծում է մեր զրուցակիցը:

Սա տխուր գործընթաց է, վստահ է Խիդաշելին, քանի որ իշխանությունները չօգտվեցին վերջին շրջանում քաղաքական ճգնաժամի ընձեռած հնարավորությունից: «Նրանք կարող էին օգտագործել այդ հնարավրությունը, գնալ լուրջ փոփոխությունների, որպեսզի մնային իշխանությունում, սակայն փոխեին մոտեցումներն ու քաղաքականությունը: Սակայն կարծես պարոն Իվանիշվիլին այլ պլաններ ունի: Տեղի է ունենում ձեւի, ոչ թե բովանդակության փոփոխություն»,- նշեց նա՝ հավելելով, որ Իվանիշվիլին ստիպված է վերադառնում քաղաքականություն:

«Նա վերադառնում է ոչ թե նրա համար, որ ամեն ինչ լավ է, այլ հենց այն պատճառով, որ ամեն ինչ վատ է: Իսկ երբ երկրում ամեն ինչ վատ է, պետք է լինի մեկը, որ քավության նոխազ կդառնա: Դա վարչապետն էր՝ անկախ նրանից, նա է եղել իրական որոշումներ ընդունողը, թե ոչ: Սա արդեն կարեւոր չէ, քանի որ դա իր որոշումն ու ընտրությունն է եղել՝ դառնալ երկրի վարչապետ: Նա կարող էր կառավարել այս կամ այն կերպ: Երբ ժամանակին նա որոշեց կառավարել այնպես, ինչպես մինչեւ վերջին օրերն էր կառավարում, ես եւ մի քանի այլ պաշտոնյաներ հեռացանք այդ կառավարությունից՝ վայր դնելով պաշտպանության նախարարի լիազորությունները: Մենք հեռացանք, նրանք հեռացրին»,- ասաց նա՝ նշելով, որ այս փոփոխություններով չի կարելի ասել, որ լուծվեցին ցուցարարների պահանջները կամ այն խնդիրները, որոնք դուրս էին բերել այդ մարդկանց փողոց:

«Խնդիրն ուղղակի պաշտոնյաների փոփոխության մեջ չէ, այլ մոտեցումների, արդարադատության ոլորտում առկա խորքային խնդիրների: Իսկ այդ խնդիրները մնացել են, չեն լուծվել: Ճգնաժամի պատճառերը պահպանվել են»,- նշեց նա:

Մեր զրույցի ավարտին Թինաթին Խիդաշեին անդրադաձավ Վրաստանում հետախուզման մեջ գտնվող, Ուկրաինայից արտաքսված Միխաիլ Սահակաշվիլիի Վրաստան հնարավոր վերադարձի ու երկրում տիրող բարդ քաղաքական գործընթացներում դերակատարություն ստանձնելու հավանականությանը: Նա կտրականապես բացառեց, որ Սահակաշվիլին տեսանելի ապագայում կարող է վերադառնալ ու քաղաքական գործոն դառնալ Վրաստանում:

«Սահակաշվիլին Վրաստանի համար քաղաքական դիակ է: Այո, նա ֆանատիկների որոշակի զանգված ունի, սակայն դա ոչինչ չի նշանակում: Զվիադ Գամսախուրդիան (Վրաստանի նախագահ 1991-1992թթ.) եւս ունի նման ֆանատիկների խումբ Վրաստանում: Նրանք մինչեւ օրս հավատում են, որ Գամսախուրդիան կենդանի է եւ մի օր կվերադառնա Վրաստան»,- եզրափակեց նա:

Տպել
1160 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին