ԼՂՀ ղեկավարությունը Մ. Գրիգորյանին կզրկի՞ Արցախի հերոսի կոչումից. մեկնաբանում է Դ.Բաբայանը

Երեկ ՀՀ ԱԱԾ-ն սենսացիոն կադրեր էր հրապարակել ԱԺ պատգամավոր Մանվել Գրիգորյանի առանձնատան եւ ամառանոցի խուզարկությունից: Խուզարկության ժամանակ հայտնաբերվել էին պաշտպանության նախարարությանը մատակարարված «զինվորի բաժին» հատուկ գրությամբ մթերքներ, որոնք ենթակա չեն վաճառքի կամ այլ կարիքների համար օգտագործման: Հայտնաբերվել էր նաեւ մեծ քանակությամբ զենք-զինամթերք եւ 2016 թվականի Ապրիլյան պատերազմի ժամանակ քաղաքացիների ուղարկած օգնությունը, զինվորներին գրված նամակները:

Հարցի լրջությունը հաշվի առնելով Արցախի նախագահ Բակո Սահակյանի մամուլի խոսնակ Դավիթ Բաբայանի հետ զրույցում փորձեցինք հասկանալ Արցախի դիրքորոշումն այս հարցում:

- Պարոն Բաբայան, Արցախի ղեկավարությունը ինչպե՞ս է վերաբերվում Արցախի հերոս Մանվել Գրիգորյանի մասին ՀՀ ԱԱԾ վերջին բացահայտումներին:

- Շատ ծանր տպավորություն են թողել այդ բոլոր տեսանյութերը, դա մեծ հարված է: Մյուս կողմից սա պետք է դիտարկել երկու հարթության վրա` առաջին հերթին օրենքի գերակայության հարթությունում: Բոլորը պարտավոր են լինել հավասար օրենքի առջեւ` անկախ կարգավիճակից, անկախ անցած ճանապարհից, անկախ ունակություններից, անկախ սոցիալական կարգավիճակից:

Օրենքը եւ պետությանը ծառայելը գերագույն արժեքներ են բոլորի համար: Բարոյական տեսանկյունից կրկնակի պատասխանատվություն են կրում հենց այն մարդիկ, ովքեր մեծ ներդրում ունեն պետության կայացման, պատերազմներում տարած հաղթանակների մեջ, քանի որ նրանք պետք է ուղենիշ լինեն մնացած ժողովրդի համար:

Այս բոլոր զարգացումների մեջ կարեւոր է նաեւ վարչապետ Նիկոլ Փաշինյանի ելույթը, որտեղ նա ներկայացրեց այդ կասկածանք-մեղադրանքները: Այս բոլորի համատեքստում մենք, իհարկե ողջունում ենք, որ ամեն ինչ պետք է արվի կայունության, օրենքի գերակայությունը ապահովելու, կոռուպցիայի դեմ պայքարելու շրջանակներում: Բայց այս ամենը նաեւ պարտավորեցնում է անցկացնել բաց, թափանցիկ հետաքննություն, դատավարություն:

Միայն այդ դատավարությունից հետո հնարավոր կլինի տալ վերջնական գնահատական եւ առաջին հերթին իրավական գնահատական: Որովհետեւ քաղաքական տեսանկյունից միեւնույն է՝ լինելու են իրարամերժ կարծիքներ եւ դժվար թե բոլոր այդ մոտեցումները մեկ ուղով ընթանան: Կան մարդիկ, որոնք այս կամ այն մարդուն սրբացնում են, կան մարդիկ, ովքեր հրեշացնում են, սա բնական է, բայց իրավական գնահատականը պետք է տրվի: Կարծում եմ՝ մինչ այդ ճիշտ չէ ոչ քաղաքական, ոչ իրավական եւ ոչ էլ բարոյական տեսանկյունից վերջնական ինչ-որ եզրահանգումներ անել, որովհետեւ դրա իրավասությունն ունի միայն դատարանը:

- Եթե դատարանը որոշեց, որ ԱԱԾ բացահայտումները իրոք ճիշտ են, եւ այս ամենի հետեւում Մանվել Գրիգորյանն է կանգնած, ԼՂՀ ղեկավարությունը պատրա՞ստ է նրան զրկել Արցախի հերոսի պատվավոր կոչումից:

- Եկեք սպասենք դատավարությանը, մինչեւ դատավարության ավարտը ճիշտ չէ ոչ քաղաքական, ոչ իրավական, ոչ բարոյական տեսանկյունից ինչ-որ կանխավարկածներ անել: Իսկ միգուցե դատարանը իրեն չի մեղադրում, կամ որոշ մեղադրանքներ ապացուցվում են, որոշները չեն ապացուցվում, մենք դա չգիտենք, հետեւաբար պիտի սպասենք, որպեսզի որեւէ ձեւով դա կանխորոշում չլինի, ուղղորդում չլինի, ճիշտը դա է:

Տպել
7199 դիտում

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին

Վեց տարեկան Իրինան շարունակում է պայքարել քաղցկեղի դեմ. հանգանակությունը շարունակվում է

Գնդապետ Նելլի Դուրյանի որդին՝ ՊԵԿ նախկին պաշտոնյան, 158 հազար դոլար եւ 53 հազար եվրո ունի

Ակադեմիայի տարածքների մի մասը 50 տարով ուզում են մասնավորին տալ. բողոքի ալիք է բարձրացել

Լարսի անցակետն ու ճանապարհը շարունակում է փակ մնալ. ձնահոսքի վտանգ կա

2019-ին կբարձրանա մոտ 11000 բուժաշխատողի աշխատավարձ, կներդրվի ապահովագրության համակարգ (տեսանյութ)

Պետք է առնվազն չկասկածեր ընդունակություններիս և գիտելիքներիս վրա. Ջուլֆալակյանը՝ լրագրողին

Ժամը 18:00-ի դրությամբ՝ համաներմամբ ազատ է արձակվել 491 դատապարտյալ

Աննա Հակոբյանը հյուրընկալել է ավետարանչական ընկերակցության Հայաստանի տնօրեն Հարութ Ներսեսսյանին

Բրյուսովի անվան համալսարանի դասախոսներն իրենց ուսանողուհիներին սթափության կոչ են անում

Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ. Շարմազանով