Մանվել Գրիգորյանի առանձնատնից հայտնաբերված մթերքների մի մասը նախ հասել է Արցախ

«Մենք Ապրիլյան պատերազմի օրերին սննդի ու այլ պարագաների կապոցներ ենք հանձնել Շիրակի ԵԿՄ մարզային խորհրդին, որպեսզի իրենք այդ ծանրոցները հասցնեն առաջնագիծ»,- այս մասին մեր զրույցում ասաց Գիտությունների ազգային ակադեմիայի Ա. Նազարովի անվան երկրաֆիզիկայի եւ ինժեներային սեյսմաբանության ինստիտուտի տնօրեն Ջոն Կարապետյանը՝ նշելով, որ դրանից հետո չէին կարող իմանալ՝ ծանրոցները տեղ հասան, թե՝ ոչ:

Նազարովի անվան երկրաֆիզիկայի եւ ինժեներային սեյսմաբանության ինստիտուտն այն կազմակերպություններից մեկն է, որը 2016 թվականի Ապրիլյան պատերազմի օրերին ծանրոցներ էր ուղարկել առաջնագիծ: Օրերս պարզվեց, որ այդ ծանրոցներից շատերը հասել են ոչ թե հասցեատերերին՝ զինվորներին, այլ հայտնվել են ՀՀԿ-ական պատգամավոր, գեներալ Մանվել Գրիգորյանի առանձնատանը: ԱԱԾ-ի՝ Մանվել Գրիգորյանի առանձնատանն արված խուզարկության տեսագրության մեջ երեւացող ծանրոցներից շատերի վրա գրված է, թե դրանք ովքեր են ուղարկում: Ծանրոցներից մեկից երեւում է, որ այն ուղարկել են Նազարովի անվան երկրաֆիզիկայի եւ ինժեներային սեյսմաբանության ինստիտուտից:

Մանվել Գրիգորյանի առանձնատանը հայտնաբերված ծանրոցներից մեկի գրությունը

Մեր զրույցում ինստիտուտի տնօրենը նշեց, որ իրենք ապրիլի 4-ին նախաձեռնել, ապա ապրիլի 9-ին սնունդ՝ խտացրած կաթ, տուշոնկա, դեղորայք, ծխախոտ ու հեռախոսի մարտկոցներ են ուղարկել առաջնագիծ.

«Այսինքն՝ մենք անձամբ չէինք կարող ուղարկել, դրա համար քսաներկու ծանրոց փոխանցել ենք Շիրակի ԵԿՄ մարզային խորհրդին: Այդ ծանրոցների ստացականներն էլ վերցրել ենք: Դրանից հետո չէինք կարող իմանալ, թե ծանրոցներն ուր են գնալու»,- ասաց Ջոն Կարապետյանը:

Վերջինս նշեց, որ իրենք ծանրոցների ստացականները վերցրել են, օգնությունն՝ ուղարկել, բայց չի հիշում՝ կոնկրետ ում են հանձնել տուփերը:

Շիրակի ԵԿՄ մարզային կառույցի ղեկավար Յուրա Ալեքսանյանը մեր զրույցում հաստատեց, որ իրենք ստացել են այդ ծանրոցները, թեպետ ինքն առաջնագծում է եղել այդ ժամանակ: Նա նշում է, որ դրանք միանշանակ ուղարկվել են Արցախ:

«Շիրակի մարզային խորհրդի ազատամարտիկներս Ապրիլյան պատերազմի օրերին առաջին իսկ ահազանգից մեկնել ենք առաջնագիծ: Վարորդներն էլ ասել են, որ բեռները բերել են Ղարաբաղ: Այն ազատամարտիկները, ովքեր ի վիճակի չեն եղել գալ առաջնագիծ, պահվել են թիկունքում՝ մթերքներ մատակարարելու, ուղարկելու հարցերով զբաղվելու համար: Այդ մթերքների մի մասը ուղարկվել է վարչություն, մեր կենտրոնական հավաքատեղի, որոշ մեքենաներ էլ բերել են մինչեւ Արցախ: Մենք առաջնագծում ենք եղել, էլ չգիտենք՝ ոնց է եղել, ինչ է եղել»,- մեր զրույցում ասաց Ալեքսանյանը:

Նա նշեց, որ մթերքներով լի ծանրոցները Շիրակից ամեն դեպքում ուղարկվել են Արցախ, իսկ իրենք՝ ազատամարտիկները, պատերազմի մոտ քսան օրերին առաջնագծից անգամ թիկունք չեն իջել, որ իմանան՝ ինչ է կատարվել.

«Այն, ինչ եկել է, ընդհանուր է եկել, եկել մի տեղ պահեստավորվել է: Այդ տեսանյութում երեւացող ծանրոցներից մեկի վրա էլ, եթե նայել եք, գրած է՝ «Յուրայի ընկերներից»: Ես անգամ դա եմ տեսել: Շատ զարմանալի է, չգիտեմ: Տեսնենք, պարզաբանումներ տան, հասկանանք՝ ոնց են ծանրոցներն էնտեղ հայտնվել»,- «Հայկական ժամանակ»-ի հետ զրույցում ասաց Շիրակի ԵԿՄ կառույցի ղեկավար Յուրա Ալեքսանյանը:

Ստացվում է, ըստ Ալեքսանյանի, Շիրակից ուղարկած ծանրոցները, այնուամենայնիվ հասել են մինչեւ Արցախ: Դրանից հետո դեռեւս անհայտ է՝ ինչպես եւ ում միջոցով են մթերքները հասել Մանվել Գրիգորյանի առանձնատուն:

Տպել
33250 դիտում

6/51 ընտրատեղամասում «Իմ քայլը» դաշինքը հաղթանակ է տարել. նախնական տվյալ

Նախընտրական շրջանում ամենաշատ մուծումներ է արել ԲՀԿ-ն, ամենամեծ գումարը ծախսել է «Իմ քայլը» դաշինքը

Նորք-Մարաշ համայնքի 9/03 ընտրատեղմասում կրկին առաջատարը «Իմ քայլը» դաշինքն է. նախնական արդյունք

Նաիրա Զոհրաբյանը ԿԳՆ-ի վերաբերյալ տարածել է սուտ տեղեկություններ. ԿԳՆ

Դավիթաշեն վարչական շրջանի 5/7 ընտրատեղամասում առաջատարը «Իմ քայլը» դաշինքն է. նախնական արդյունք

Երեւանյան ընտրատեղամասերի մեծ մասում հաղթանակ է տանում «Իմ քայլը» դաշինքը

Էրեբունու 10/36 ընտրատեղամասում մեծ առավելությամբ առաջատարն է «Իմ քայլը» դաշինքը. նախնական արդյունք

Ժամը 20-ի դրությամբ դրությամբ Երեւանի ավագանու արտահերթ ընտրություններին մասնակցել է ընտրողների 43.65%-ը

Դավիթաշենում «Իմ քայլը» դաշինքը 77.88 տոկոս է հավաքել. նախնական արդյունքներ

Երեւանի ավագանու արտահերթ ընտրությունների արդյունքներին կարող եք հետեւել օն-լայն ռեժիմով, ժամը 24-ից ԿԸՀ հաշվիչը կմիանա

Ավան վարչական շրջանի 1/09 տեղամասում սկսվեց ընտրությունների արդյունքների հաշվարկը

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան