Ասում են՝ գնացեք, բայց ու՞ր գնանք. Սարի թաղում մարդկանց տները փլվում են (տեսանյութ)՝

Երեւան քաղաքի Սարի թաղի բնակիչների մեծ մասն այսօր ապրում է վթարային եւ անբարեկարգ տներում: Գարնան ձնհալից եկող ջրերի եւ առատ անձրեւաջրերի պատճառով տարեցտարի կուտակված խոնավությունն իր սեւ գործն արել է՝ շատերին թողնելով անօթեւան մնալու եզրին:

Սարի թաղցիներն ասում են, որ այսօր այդ վիճակում են, հատկապես այն փողոցների տները, որոնք թեքության վրա չեն: Նրանց թվում է նաեւ Սարի թաղի 18 փողոցը եւ առավել վտանգավոր է 42 հասցեում գտնվող Հայրապետյանների երկհարկանի տունը: Վերջիններիս 8 հոգանոց բազմանդամ ընտանիքն արդեն 25 տարի է՝ ապրում է սարսափի մեջ, ամեն պահի փլման վախը սրտում:

Հայրապետյանները մեծից փոքր քնում ու արթնանում են այն մտքով, որ ուր որ է առաստաղից մի բան կթափվի, պատը դեպի ներս կփլվի, կամ ամեն անգամվա նման խոնավությունից ուռած դրսի դուռը չի բացվի եւ կմնան ներսում: Ասում են՝ բազմիցս նման դեպքեր են եղել, արդեն սովորել են, հարեւաններն էլ գիտեն՝ գալիս օգնության են հասնում: Հայրապետյանները 2012 թվականին դիմել են «Սեյսմիկ պաշտպանության տարածքային ծառայություն»: Տունը նայելուց հետո գնահատել են չորրորդ աստիճանի վթարային:

Դիմել են եւ՛ քաղաքապետարան, եւ՛ թաղապետարան, սակայն միշտ նույն պատասխանն են ստացել. «Ֆոնդ չկա, ֆոնդ լինելու դեպքում հարցին անհապաղ ուշադրություն կդարձվի»: «Գալիս նայում են, իրենք էլ են զարմանում, թե ինչպես ենք այստեղ ապրում, առաջարկում են գնանք այստեղից, բայց ու՞ր գնանք, ինչպես ապրենք: Առանց այն էլ դժվար ենք ապրում, վարձով չենք կարող բնակվել»,- մեզ հետ զրույցում ասաց Հայրապետյանների հարսը՝ Անին:

Անի Հայրապետյանի խոսքով՝ տան անդամներից միայն սկեսուրն ու ամուսնու եղբայրն են աշխատում: Տան տատիկն էլ 34 հազար դրամ թոշակ է ստանում, սակայն հիվանդ է՝ շաքարային դիաբետ, ճնշում. ստացած գումարն անգամ դեղորայքին չի բավարարում: Անին ունի երեք անչափահաս երեխա: Բազմաթիվ դեպքեր են եղել, երբ երեխաները քնից վեր են թռել՝ սենյակներից մեկի առաստաղի կամ պատերի փլուզումից:

Լուսանկարում՝ Անի Հայրապետյանը

«Քնած ենք եղել՝ ներսի պատն է փլվել: Մի անգամ էլ իրենց սենյակինը փլվեց, երեխեքս լացելով եկան, մա՜մա էս ինչա կատարվում, քնաթաթախ եկել, տեսել ենք՝ փլվել է, վախեցած դուրս ենք եկել տնից: Ամեն անգամ տնից վախենալով, դուրս ենք գալիս մինչեւ հասկանում ենք, թե ինչ է փլվում»,- պատմեց Հայրապետյանների հարսը:

Վթարային տունը վերջին անգամ 25 տարի առաջ են վերանորոգել: Գումար չունեն, ասում են՝ գումար ունենալու դեպքում անգամ իմաստ չունի: Սպասում են, որ որոշ ժամանակ կանցնի, կկարողանան մի քանի բան վերանորոգել, բայց ժամանակի հետ տան ճաքերը մեծանում են, իսկ ձմռանը տաքացնելն ուղղակի անհնարին է դառնում:

«Ձմռանը տունը տաքացնում ենք գազի վառարանի միջոցով, իսկ ավելի ցուրտ ժամանակ փայտի վառարանն ենք օգտագործում»: Հայրապետյանների տան մեջ հնարավոր չեղավ գտնել մի անկյուն, որտեղ կամ առաստաղը թափված չլիներ, կամ դեպի դուրս նկատելի մեծ անցք բացված չլիներ: Տան ամենաավագը՝ 74-ամյա Կարինե տատիկը, պատմում է, որ 1961 թվականից իր ջանքերով եւ համատեղ աջակցությամբ է տան պատերը շարվել, մեծ ցավ է ապրում՝ տեսնելով, թե ինչպես է փլվում այն այսօր:

 74-ամյա տատիկը

«17 տարեկանից հարս եմ եկել, թե ի՜նչ տանջանք եմ տարել այս տան վրա՝ նկարագրել հնարավոր չէ: Ընտանիքով ենք տունը կառուցել: Անձրեւաջրերը գալիս լցվում են տան տակը, ամբողջը ջուր է: Բաղնիքն ու զուգարանն էլ դրսի պատից բացվել է, մի անշնորհք բան անեն կողքը սաղ կլսվի»,- ասաց 74-ամյա տատիկը:

Հայրապետյանների զուգարանը

Հ.Գ. Մինչ մենք տեսանկարահանում էինք Հայրապետյանների տունը, այդ ընթացքում հարեւաններից շատերը դիմեցին մեզ նույն խնդրով՝ առաջարկելով գնալ եւ իրենց բնակարաններն էլ տեսնել: Նրանք վստահեցնում էին, որ իրենց տներն էլ պակաս անբարեկարգ եւ վթարային վիճակում չեն՝ անձրեւաջրերի եւ անտերության պատճառով:

Տեսանյութ՝

Տպել
3357 դիտում

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը