Դոլարով միլիոնատեր նախարարները ի՞նչ մոտիվացիա ունեին 500 հազար դրամով աշխատելու. Մարուքյան

Այս պահին ԱԺ-ում քննարկվում է ԱԺ ՀՀԿ խմբակցության պատգամավոր Մանվել Գրիգորյանին անձեռնմխելիությունից զրկելու հարցը:

ԵԼՔ խմբակցության պատգամավոր Էդմոն Մարուքյանը իր ելույթում նշեց, որ չի հասկացել՝ դոլարով միլիոնատեր նախարարները ի՞նչ մոտիվացիա ունեն 500 հազար դրամով աշխատելու:

«Իրականում չէի ցանկանա, որ տպավորություն ստեղծվի, որ ծառն ընկել է, կացնավորը՝ շատացել, որովհետեւ մի ծառ է ընկել, բայց դեմներս անտառներ են, բարձր ծառեր՝ հաստ բներով եւ մի ծառն ընկնելուց այդքան պետք չի ուրախանալ, ոգեւորվել եւ կացինը վերցնել ու հենց այդ մի ծառի վրա հարձակվել:

Մանվել Գրիգորյանից չեմ ուզում խոսել, որովհետեւ պարոն Գրիգորյանին արդեն անձեռնմխելիությունից զրկելու գործընթացի մեջ ենք: Գլխավոր դատախազը այստեղ նստած է, իրավապահ մարմինները աշխատում են, եւ արդարադատությունը խնդիրը կլուծի կարծում եմ, եւ մենք էլ, որպես հասարակության ակտիվ անդամներ, ուշադիր կհետեւենք:

Ես ուզում եմ խոսել մեր պետական համակարգի, հասարակության մոտեցումների մասին եւ այս ամբիոնից ես ժամանակին խոսել եմ զենքի մասին: Այստեղ օրենք էր քննարկվում եւ քննարկում էինք այն հարցը, թե այդ ինչպե՞ս է, որ Հայաստանում կան մարդիկ, ովքեր զինված են ու կան մարդիկ, ովքեր զինված չեն: Ու այն մարդիկ, ովքեր զինված են, նրանցից կա բնական վախ, որովհետեւ, եթե դու գիտես, որ դիմացինդ զինված է ու կարող է կրակել քեզ վրա, դու արդեն իր նկատմամբ անհավասարության մեջ ես: Ես ասում էի՝ ժողովուրդ, կամ եկեք օրենք ընդունենք, Հայաստանում լեգալացնենք զենքը, որ բոլորն իմանան, որ հավասար են, ոչ թե հասարակության կեսը գիտի, որ այն մյուս կեսը զենք ունի եւ այս մի կեսը, որ խելոք չմնա՝ այն մյուս կեսը կկրակի իրենց վրա: Ինձ ասացին՝ այս ի՞նչ եք ասում, չեք ամաչում, ուզում եք մարդիկ իրար տան սպանե՞ն:

Մենք չպետք է ունենանք պետության ներսում փոքր, բայց պետություններ: Պետք է պրոցես սկսել երկրում, որ իրենց պետության տեղ դրած ֆիզիկական եւ իրավաբանական անձանց օրենքով սահմանված կարգով չեզոքացնենք, ուրիշ տարբերակ չունենք: Ես կարծում եմ, որ մենք պետք է վերջ դնենք ինչ-որ թիկնապահներով ման եկող մարդկանց վարք ու բարքին: Այս հարցը ինձ միշտ հուզել է, ես նախորդ իշխանությունների ժամանակ դիմել եմ պետական համապատասխան ծառայություններին, եւ ցանկացել եմ պարզել այս հարցի պատասխանը: Ո՞վ ունի երկրում իրավունք՝ փարոսիկներով, անվտանգության մեքենաներով ման գալու, ասել են անվտանգության խորհրդի անդամները, ասել եմ՝ լավ: Բայց տեսնում եմ՝ մարդիկ կան, որ էլի այդ նույն մեքենաներով շրջում են, բայց անվտանգության խորհրդի անդամ չեն:

Հիմա անվտանգության խորհրդի հին կազմից զատ կան մարդիկ, ովքեր պետական համարներով, փարոսիկներով, պետական զինված մարդկանցով ման են գալիս, այդ ովքե՞ր են այդ մարդիկ, ես չեմ հասկանում:

Ես այստեղ խոսել եմ հետեւյալի մասին՝ պետական պաշտոնյաները հայտարարագրեր են ներկայացնում, նայում ենք կենսագրությունը, 2002 թվականից պետական ծառայության մեջ է: Պաշտոնները նայում եմ, ասենք 2001 թվականից ստացել է 200 հազար դրամ, 2008 թվականից՝ 300 հազար դրամ, 2013-ից էլ ասենք ստացել է 400 հազար դրամ: Ու հայտարարագրել է ասենք 7 մլն դոլար, 8 մլն եվրո, քանի կարատանոց չգիտես ինչ, 60 հեկտար հող, 40 հեկտար շինություն, 70 հատ մեքենա: Մեկդ չէ՞ր հարցնում՝ այ ախպեր ջան, էս որտեղի՞ց քեզ, էս ո՞նց ես դու հարստանում, էս ի՞նչ պրոգրեսիա է քեզ մոտ, էս ինչքան է գործերդ լավ: Մեր պետության գործերը քո գործերի պես լավ լինի, էլ մեզ բռնվելիք չի լինի, ի՞նչ թուրքեր, ի՞նչ թշնամիներ, ի՞նչ բլոկադա: Բայց էլի խոսել ենք, անցել գնացել է: Հիմա էլ եկել ենք, էլի թեմա է բացվել, թեմայի շուրջ խոսում ենք, հարցնում եք՝ բա էդ դաստով վկայականները որտեղի՞ց է, բա դրա մասին անընդհատ խոսում էինք:

Ես կողմ եմ հարստությանը, ես հարգում եմ բոլոր հարուստներին: Հարուստները, գործարարները հասարակության, տնտեսության շարժիչ ուժն են: Մենք նրանց պետք է պաշտպանենք, փայփայենք, սիրենք, հարգենք, պատվենք: Բայց ես չեմ հասկանում, ասենք, դոլարով միլիոնատեր նախարարներին, երբեք չեմ էլ հասկացել, թե այդ ի՞նչ հայրենասերներ են, այդ ովքեր են դրանք, որ դոլարով միլիոնատեր են, բայց եկել են, որ 500 հազար դրամով աշխատեն, գան այստեղ նստեն մենք էլ իրենց վրա ասենք գոռգոռանք: Այդ ո՞րն է այդ մարդու մոտիվացիան, այդ ի՞նչ է ուզում այդ մարդը անի: Այդ հարցը միշտ բարձրացրել ենք, հիմա լավ է, չունենք նման նախարարներ, բայց արդյո՞ք պետք է հետ գնանք, նայենք, տեսնենք՝ այս մարդիկ ինչ են արել, մեր պետության առջեւ ծառացած խնդիրները լուծելու շրջանակներում ի՞նչ գույնի են հարստացել:

Ես ասում եմ հետեւյալը՝ մենք, որպես հասարակություն, այսպիսի դեպքերով խայտառակ ենք եղել: Թող ոչ ոք չասի՝ մենք ինչ կապ ունենք, սա հասարակական հիվանդություն է: Պետք է բոլորով համախմբված սրանով զբաղվենք: Կոչ եմ անում նրանց, ովքեր դեռ չեն հայտնվել այս իրավիճակում, ում հետեւից չի եկել գլխավոր դատախազը, թող կամավոր տանեն իրենց զենքը, հանձնեն ոստիկանություն, կամավոր գնան, ասեն՝ ես այսքան հարկ եմ թաքցրել, բերեք վճարենք պետական բյուջե: Ես դեմ եմ ցանկացած թշնամության: Այս երկիրը մենք իրավական պետություն ենք ուզում կառուցել, երբ որ դատարանը կորոշի, երբ որ դատարանը դատավճիռ կարձակի մեղավորության կամ արդարության մասին, դրանից ելնելով մենք կհամակերպվենք իրավիճակին:

Չե՞նք համակերպվի, կլինի վերադաս դատարան, սա է պետության կառուցման ճանապարհը, ուրիշ ճանապարհ չկա, ոչ մեկին չենք կարող գնդակահարել եւ լինի դատաստան կազմակերպել:

Սա իրավական պետություն է եւ մենք չենք կարող իրավական պետություն չունենալ, որովհետեւ այլ ռեսուրսներ չունենք, մեր ռեսուրսը մարդն է, ժողովրդավարությունն է, քաղաքացիական հասարակությունն է, իրավունքի գերակայության վրա խարսխված ինստիտուտներ ձեւավորելն է, եւ շարժվել առաջ մեր պետության առջեւ դրված առաքելությունը իրականացնելն է»,- ասաց Մարուքյանը իր ելույթում:

Տպել
3091 դիտում

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը

«Ադրբեջանին վաճառած զենքը կրակում է Հայաստանի վրա». Էդուարդ Շարմազանովը՝ Բելառուսի խորհրդարանում

ՊԵԿ օպերատիվ հետախուզության վարչությունը ապօրինի գործող գիշերային ակումբներ է հայտնաբերել

Ովքեր են Երեւանի ավագանու կազմ անցած «Լույս» դաշինքի 3 անդամները

Արդարադատության նախարարության Պրոբացիայի ծառայությունը աշխատանք է առաջարկում

Երեւանցիները քվեարկեցին՝ անսալով վարչապետի կոչին. «Երկիր Ծիրանի»-ի հայտարարությունը

Ովքեր են Երեւանի ավագանու կազմ անցած ԲՀԿ-ի 5 անդամները

Հայաստանի ու Կանադայի վարչապետներն անսպասելի հանդիպել են ԱՄՆ-ում

Աննա Հակոբյանը Կանանց եվրասիական համաժողովի մասնակիցներին կոչ արեց միանալ խաղաղության իր արշավին

Մեկնարկել է ՄԱԿ Գլխավոր ասամբլեայի 73-րդ նստաշրջանը. նոր ծանոթությունների ժամանակը