Նիկոլ Փաշինյանի ֆեյսբուքյան գրառումը քննարկման առարկա է դարձել. տարբեր կարծիքներ են հնչում

Երեկ ՀՀ վարչապետ Նիկոլ Փաշինյանի ֆեսյբուքյան էջում արված գրառումը սոցցանցերում քաղաքական եւ լրատվական ոլորտի ներկայացուցիչների կողմից բուռն քննարկման առիթ դարձավ:

«Որոշ հեռուստաընկերություններ, փաստորեն, օգտվելով խոսքի ազատության անսահմանափակ հնարավորությունից՝ որոշել են հակապետական քարոզչություն իրականացնել:

Սա, թերեւս այն դեպքերից է, երբ իշխանության բարեկրթությունը ոմանք կրկին ու կրկին շփոթում են թուլության կամ միամտության հետ։ Մի՛ արեք։ Պարզապես մի՛ արեք», - գրել էր Փաշինյանը:

Ի պատասխան վարչապետի գրառման ՀՀԿ փոխնախագահ, ՀՀ ԱԺ պատգամավոր Արմեն Աշոտյանն իր էջի միջոցով դիմել է որոշ կառույցների, որպեսզի գնահատական տան վարչապետի գրառմանը:

«Երեկ երեկոյան վարչապետի արած գրառման ի պատասխան ակնկալում եմ լրագրողական կազմակերպությունների, խոսքի եւ մամուլի ազատության հարցերով զբաղվող կառույցների եւ առանձին իրավապաշտպանների գնահատականը:

Հետաքրքիր կլինի լսել նաեւ ԱՄՆ եւ ԵՄ դեսպանների կարծիքը: Կանխավ շնորհակալ եմ», - գրել է Աշոտյանը:

Խոսքի ազատության պաշտպանության կոմիտեի նախագահ Աշոտ Մելիքյանը, արձագանքելով Արմեն Աշոտյանին, պատասխանել է:

«Այսօր ՀՀԿ փոխնախագահ Արմեն Աշոտյանը ֆեյսբուքյան իր էջում նշել է, թե ակնկալում է լրագրողական կազմակերպությունների, խոսքի եւ մամուլի ազատության հարցերով զբաղվող կառույցների եւ առանձին իրավապաշտպանների գնահատականը՝ վարչապետ Նիկոլ Փաշինյանի ֆեյսբուքյան գրառման կապակցությամբ։ Հիշեցնենք, որ վարչապետը որոշ հեռուստաընկերությունների մասին ասել է, որ հակապետական քարոզչություն են իրականացնում՝ «օգտվելով խոսքի ազատության անսահմանափակ հնարավորությունից»: «Մի' արեք։ Պարզապես մի' արեք»,- վերջում ասել էր վարչապետը:

Իսկապես հետաքրքիր տրանսֆորմացիաներ են տեղի ունենում։ Երբ Արմեն Աշոտյանը, լինելով իշխող ՀՀԿ-ի փոխնախագահ, Հանրային հեռուստաընկերությունում վարում էր «Եռանկյունի» հասարակական-քաղաքական հաղորդումը, եւ լրագրողական կազմակերպությունների փորձագետները, եւ անձամբ ես ասում էի, որ դա անթույլատրելի է, նրա համար մեր կարծիքը որեւէ արժեք չուներ։ Երբ մենք ասում էինք, որ հայաստանյան հեռարձակման ոլորտը եւ «Հեռուստատեսության եւ ռադիոյի մասին» օրենքն արմատական բարեփոխումների կարիք ունի, մեզ անտեսում էին։

Երբ պահանջում էինք բացահայտել եւ պատժել «Էլեկտրիկ Երեւանի» եւ Սարի թաղի իրադարձությունների ժամանակ լրագրողներին բռնությունների եւ հետապնդումների ենթարկողներին, իշխանություններն ընդամենն իմիտացիոն նախաքննություն սկսեցին։ Իսկ հիմա Արմեն Աշոտյանի համար մեր կարծիքը կարեւոր դարձավ։ Անկեղծ ասած, այստեղ նաեւ 2 միտում է նկատվում։

Առաջինը՝ փորձել օգտագործել անկախ լրագրողական կազմակերպություններին՝ ինչ-ինչ քաղաքական նպատակների համար, եւ երկրորդ՝ հնարավորինս շեղել հասարակության ուշադրությունը՝ այսօր տեղի ունեցող շատ ավելի կարեւոր իրադարձություններից։ Կարծում եմ՝ չի հաջողվի թե մեկը, թե մյուսը:

Անկախ լրագրողական կազմակերպությունները եւ, մասնավորապես՝ Խոսքի ազատության պաշտպանության կոմիտեն, անթույլատրելի համարելով ցանկացած իշխանության միջամտությունը կամ ճնշումը լրատվամիջոցների նկատմամբ, միշտ արտահայտել է իր դիրքորոշումը ոլորտի ցանկացած խնդրի վերաբերյալ։

Քանի որ հայաստանյան լրատվամիջոցները բաժանված են տարբեր քաղաքական ճամբարների, վերջին ժամանակներում հատկապես աչքի են ընկնում կողմնակալ, աչառու հրապարակումներով եւ հաղորդումներով։ Այսպիսին է, պարոն Աշոտյան, ՀՀԿ-ի իշխանության օրոք ձեւավորված հեռարձակման դաշտը, եւ կրկնում եմ, այն պետք է արմատապես փոխվի։ Մենք պատրաստ ենք աջակցել դրան ուղղված ցանկացած նախաձեռնության, նաեւ՝ ինքներս հանդես գալ առաջարկություններով:

Այդուհանդերձ, ցանկացած իշխանություն պետք է առավել հանդուրժողական վերաբերմունք ցուցաբերի լրատվամիջոցների հրապարակումների եւ դրանցում տեղ գտած գնահատականների նկատմամբ։

Եվ այս առումով վարչապետ Նիկոլ Փաշինյանի գործածած «հակապետական քարոզչություն» եւ «մի՛ արեք, պարզապես մի՛ արեք» կոչը կարող է գնահատվել որպես միջամտություն հեռուստաընկերությունների գործունեությանը կառավարության ղեկավարի կողմից։

Թերեւս, տեղին կլիներ, եթե վարչապետը մատնանշեր իր նկատի ունեցած հեռուստաընկերությունների հաղորդումներում էթիկական նորմերի բացահայտ խախտումները եւ դիմեր ԶԼՄ-ների ինքնակարգավորման Դիտորդ մարմնին՝ փորձագիտական եզրակացություն ստանալու համար։ Սա լավագույն նախադեպը կարող էր դառնալ մեր հեղափոխական երկրում ԶԼՄ-ներին վերաբերող վեճերը լուծելու համար։ Ասածս թող ընդունվի որպես առաջարկ՝ եւ՛ ներկա, եւ՛ նախկին իշխանություններին»,- ասված է Մելիքյանի պատասխանի մեջ:

Հարցի շուրջ իր կարծիքն է հայտնել նաեւ Միջազգային եւ անվտանգության հարցերի հայկական ինստիտուտի հիմնադիր նախագահ Ստյոպա Սաֆարյանը՝ նշելով, թե ուրախ է, որ վարչապետը հասել է հեռուստատեսային դաշտ:

«Ուրախ եմ, որ վարչապետ Նիկոլ Փաշինյանը հասավ հեռուստատեսային դաշտ, որը կոշմառ եղել է, կոշմառ էլ մնացել է: Այդ դաշտն անհապաղ մաքրել է պետք, դեմը ընտրություններ են ու չպետք է թույլ տրվի, որ ամեն մեկը, ով կապուղի ունի, հեռուստաեթերը վերածի սեփական բեսեդկի: Հիշեցնեմ, որ Ա1+-ն էլ դեռ եթերում չէ»,- գրել է Սաֆարյանը ֆեյսբուքյան իր էջում:

Տպել
4465 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց