Ապրիլյան պատերազմում ոտքերը կորցրած Դավիթը Մանվել Գրիգորյանին ազգի դավաճան է համարում

Ապրիլյան պատերազմի օրերին ականի պայթյունի հետեւանքով ոտքերը կորցրած հերոս Դավիթ Գրիգորյանը ԱԺ պատգամավոր, ԵԿՄ նախագահ, գեներալ Մանվել Գրիգորյանի քայլն ազգի դավաճանություն է համարում. «Խոսքեր չեմ գտնում, մի բառ կարող եմ կարճ ասել, դա ազգի դավաճանություն է»:

ՀԺ-ի հետ զրույցում Դավիթ Գրիգորյանն ասաց, որ բնականաբար զարմացած է, չէր սպասում, որ հայ իրականության մեջ նման մարդ կարող է գտնվել, որն այդ օրերին զինվորից հաց է խլել: «Զարմացա, բայց վստահ եմ՝ ինքն իր արժանի պատիժը կկրի»,- ասաց Ապրիլյանի հերոսը: Դավիթը ծառայել է Թալիշի զորամասերից մեկում, վստահեցնում է, որ դիրքերում եղած ժամանակ իրենց հասանելիք խտացրած կաթը ստացել են. «Որ օրը սննդակարգով մեզ ինչ հասնում էր՝ տալիս էին»:

Ապրիլյան պատերազմի հերոսն ասաց, որ մեր նախորդ զրույցից հետո իր կյանքում շատ բան չի փոխվել, ապրում է իր առօրյայով: Դավիթ Գրիգորյանը նշանադրվել էր սույն թվականի փետրվարի 24-ին: Սակայն դժվարացավ ասել, թե երբ կամուսնանա: «Դեռ պետք է աշխատանք ճարեմ, ամուսնանալը կմնա երեւի մյուս տարի, հստակ չգիտեմ: Բայց այս պահին ոչ մի աշխատանք էլ չեմ կարող կատարել, որովհետեւ պետք է վիրահատվեմ, դրանից հետո նոր կկարողանամ»,- ասաց Դավիթը:

Դավիթ Գրիգորյանին մոտ ժամանակներս վիրահատելու են Երեւան քաղաքի Մուրացանի կենտրոնական կլինիկական զինվորական հոսպիտալում: Ինքնազգացողությունից չի բողոքում, ասաց, որ լավ է. «Միայն ոտքերս են ցավում երբեմն, բայց դա էլ ոչ միշտ: Ամեն ամիս բուժզննում եմ անցնում: Գնում եմ, բժիշկս նայում է, հետ եմ գալիս»: Դավիթը ոչ մի դեղորայք չի օգտագործում, բուժզննումներն ու վիրահատությունն անվճար են, իսկ պետության կողմից ստանում է 55 հազար դրամ զինհաշմանդամի թոշակ:

Ապրիլյան պատերազմի հերոսը պատրաստ է կատարել ցանկացած աշխատանք, որին ի վիճակի կլինի, սակայն որեւէ աշխատանք դեռ չի գտնում: Այս պահին հայրիկի՝ իր համար գնած ավտոմեքենան է սարքում: Դավիթն ապրում է Նոյեմբերյանի տարածաշրջանի Ոսկեվան գյուղում: Նստակյաց կյանք չի սիրում, եւ չնայած երկու ոտքերն էլ կորցրել է ու պրոթեզների օգնությամբ է շարժվում, միեւնույն է՝ գերադասում է ակտիվությունը: «Համակարգչային որեւէ աշխատանք էլ չէի ուզենա կատարել, համակարգչի առջեւ երկար մնալուց նյարդայնանում եմ»,- ասաց նա: 

Դավիթը «Գալիք» համալսարանի Իջեւանի մասնաճյուղում իրավագիտություն է սովորում, դեռ հեռակա երկրորդ կուրսում է, իսկ նշանածը՝ Սոնան, դպրոցն ավարտելուց հետո կրթությունը չի շարունակել:

Տպել
18555 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան