Սակագների չնչին նվազեցումները չպետք է շեղեն կառավարության ուշադրությունը

20/06/2018 schedule18:47

Երեկ «Գազպրոմ-Արմենիա» ընկերությունը հայտարարություն տարածեց այն մասին, որ սոցիալապես անապահով ընտանիքներին մատակարարվող գազի սակագինը կնվազի 20 դրամով: Խոսքը այն ընտանիքների մասին է, որոնք տարեկան սպառում են մինչեւ 600 խորանարդ մետր գազ: Այդ կատեգորիայի մեջ մտնող ընտանիքների համար գազի սակագինը 100 դրամից կդառնա 80 դրամ:

Լավ է՝ անշուշտ: Փաստորեն, եթե վերցնենք մի ընտանիքի օրինակ, որը տարեկան ուղիղ 599 խմ գազ է օգտագործում եւ օգտվում է այս արտոնությունից, ապա տվյալ ընտանիքը տարեկան 60 հազար դրամի փոխարեն կվճարի 48 հազար դրամ: Ու եթե հաշվի առնենք, որ գազի հիմնական մասը այրվում է տարվա ամենացուրտ 4 ամիսների ընթացքում, ապա այդ ընտանիքները նշված 4 ամիսներին կխնայեն ամսական 3000 դրամ: 

Բայց արդյոք սա՞ է այն ակնկալիքը, որ հասարակությունը պետք է ունենա գազային մոնոպոլիստից՝ «Գազպրոմ Արմենիայից»: Նախանցած շաբաթ էլ ՀՀ կառավարության նիստում էներգետիկայի նախարարը հայտարարեց, թե անապահով խավի համար էլէկտրաէներգիայի սակագինը 10 դրամով նվազեցնելու հնարավորություն կա:

Թե ինչի հաշվին կարող են նվազել գազի եւ էլէներգիայի սակագները, առայժմ չեն ներկայացվել: Տարիներ շարունակ մեզ համոզել են, որ Հանրային ծառայությունները կարգավորող հանձնաժողովի կողմից հաստատված գազի եւ էլէներգիայի սակագները գերհիմնավորված են, անվերապահորեն հիմնավորված են, ոչ մի կասկած լինել չի կարող դրանց հիմնավորվածության մասին: Բայց հանկարծ, չգիտես որտեղից, անսպասելիորեն հայտնվում է հնարավորություն սակագինը նվազեցնելու համար: Թեկուզ բնակչության մի հատվածի համար միայն:

Սակագնի նվազեցումը նշանակում է, որ գազի եւ էլէներգիայի մատակարարողների մոտ առաջանում է եկամուտների նվազում: Եթե գործող սակագինը հիմնավորված է, ապա դա պետք է նշանակի, որ մատակարարների մոտ առաջացել է նաեւ ծախսերի կրճատում: Որեւէ ծախսի կրճատման մասին  ոչ «Գազպրոմ Արմենիան», եւ ոչ էլ «ՀԷՑ»-ը չեն հայտարարել: Հայաստանին մատակարարվող գազի գինը չի նվազել, միջուկային վառելիքի գինը չի նվազել, նոր՝ ավելի էժան էներգիա արտադրող հզորություններ չեն գործարկվել... Մի խոսքով, ծախսերը կրճատելու օբյեկտիվ պատճառների մասին հայտարարություններ չեն հնչել: Այս դեպքում տնտեսական տեսանկյունից միակ տարբերակը մնում է այն, որ մատակարար ընկերությունները՝ «Գազպրոմ Արմենիան» ու «ՀԷՑ»-ը սակագնի նվազեցումը իրականացնելու են իրենց շահույթի հաշվին: Բայց ՀԾԿՀ-ն այդ ընկերությունների շահույթը եւս համարել է լրիվ հիմնավորված եւ նվազեցնելու տարբերակ չի դիտարկել:

Ուրեմն, ի՞նչ ռեսուրսների հաշվին են «Գազպրոմ Արմենիան» ու «ՀԷՑ»-ը նվազեցնելու սակագները: Ոչ մի: Պաշտոնապես նրանք չունեն նման ռեսուրսներ: Բայց դա՝ միայն պաշտոնապես: Իսկ թե ոչ պաշտոնապես որքան ռեսուրս կա սակագների նվազման համար, դժվար, շատ դժվար է ասել: Օրինակ, արդյոք մեր բնակարանների ծախսած հոսանքը կամ գազը ճշգրիտ են չափում հաշվիչները: Այդ հարցի պատասխանը հասարակությունը չունի: Խնդիրն այն է, որ թե գազի, եւ թե հոսանքի հաշվիչների ճշգրտության չափման համակարգերը գտնվում են հենց մատակարարների վերահսկողության տակ: Այլ կերպ ասած, դրանց ճշգրտությունը անկախ կառույցները չէ, որ չափում են: Նույնը վերաբերում է գազի կալորիականության չափմանը: Եթե դրան գումարենք նաեւ գազի ու էլէներգիայի մատակարար ընկերություններում մեղմ ասած, ուռճացված ծախսերը, տարօրինակ գնումները, ապա պարզ կդառնա, որ թե՛ գազի, եւ թե՛ էլէներգիայի սակագների նվազեցման լուրջ ռեսուրսներ կան: Ու անապահով խավի համար սակագնի նվազեցումները չպետք է շեղեն իշխանության ուշադրությունը այս խնդրից:

Տպել
1378 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է