Թորոսգյուղում տեղացած կարկուտը փակել է դեպի Գյումրի տանող ճանապարհը

Շիրակի մարզը կրկին կարկտահարվել է: Ժամը 15:00-ից 16:00-ն ընկած ժամանակահատվածում կարկուտ է տեղացել  Թորոսգյուղում եւ Փոքրաշենում: Սարապատ համայնքի ղեկավար Արտուշ Մանուկյանը ՀԺ-ի հետ զրույցում փոխանցեց, որ Թորոսգյուղում ժամը 15:10-ին սկսված կարկուտը շատ խոշոր եւ ամուր է եղել: Այն ձյան ծածկույթի նման հիմա էլ 15-ից 20 սմ բարձրությամբ նստած է գետնին ու ցանքատարածությունների վրա: Կարկուտը սկսվել է Ցողամարգից, 15 րոպե այս գյուղի վրա է տեղացել, այնուհետ հասել Թորոսգյուղ, եւ 20 րոպե անընդմեջ կարկտահարել ցանքսերը, պտղատու ծառերը: Ըստ Արտուշ Մանուկյանի, կարկուտը տեւական ժամանակ փակել եւ անանցանելի է դարձրել դեպի Գյումրի տանող ճանապարհը:

Գյուղի ցանքսերը վնասվել են, բայց թե ինչքան է վնասի չափն, այս պահին անհնար է ասել: Նման ուժեղ կարկուտին սելավն է հաջորդում, որն էլ քշում եւ հողից դուրս է բերում բույսն ամբողջությամբ: Հիմնականում մշակված էր ցորեն, գարի, վարսակ: 40 հա ցորեն ու գարի է մնացել կարկուտի տակ: Արփենի համայնքին եւս կարկուտը լուրջ վնասներ է հասցրել: Այստեղ կարկտի հաստ շերտի տակ է մնացել 13-ից 14 հա հացահատիկային կուլտուրա:

Տարածքում հակակարկտային կայանքներ չկան: Միշտ էլ բերքը գյուղացուց առաջ կարկուտն է հավաքել: Դրա համար էլ ամեն տարի գյուղերում նվազում է մշակվող հողամասերի թիվը:

Փոքրաշեն համայնքում եւս կարկուտը գյուղացուն մոլոր է թողել: Ժամը 15:00-ին սկսված կարկուտը մոտ 35 հա հացահատիկային կուլտուրա է վնասել: Հիմնականում ցորեն, գարի, առվույտ, կորնգան: Այստեղ եւս հակակարկտային կայանքներ չկան: Փոքրաշենի վարչական ղեկավար Կարեն Վարդանյանի փոխանցմամբ, գյուղում տեղացած կարկուտով այսօր հետաքրքրվել են ե՛ւ Շիրակի մարզպետարանի, ե՛ւ ԱԻՆ պատասխանատուները: «Նաեւ ԱԱԾ-ից են զանգել, իրանց էլ ենք տեղյակ պահել»,-զրույցի ընթացքում ասաց Փոքրաշենի վարչական պատասխանատուն: Մշտապես եք կարկուտի ժամանակ ԱԱԾ-ին տեղյակ պահու՞մ, հարցին, Վարդանյանը պատասխանեց՝ այո, այո, բա ԱԱԾ է, չհետաքրքրվի՞: 

Կարկտահարության վնասի չափը մասնագիտական հանձնաժողովը կպարզի առաջիկա օրերին: Նշենք, որ կարկուտի պահին այդ համայնքներում աշխատանքային այցով շրջայցի է եղել Շիրակի մարզպետ Կարեն Սարուխանյանը: Լուսանկարները վերցված են մարզպետի ֆեյսբուքի էջից:

Տպել
2415 դիտում

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են

Մուրացիկ և թափառաշրջիկ երեխաների խնդիրներով մտահոգ աշխատանքային խմբի քննարկում ոստիկանությունում

Ինչ են նվաճել 2018 թ. ընթացքում տարվա լավագույն 10 մարզիկների թեկնածուները

Վարդենյաց լեռնանցքում տեղ-տեղ մերկասառույց է, ճանապարհը փակ է բեռնատարների համար

Ուրա՞ Մարտի 1-ը, արա՛, Պոպլավոկում, որ մարդ էին խփում. թեժ բանավեճ Քոչարյանի ազատությունը պահանջող ցույցի ժամանակ