Բա աչքերը. Կոնդին ոչինչ նանար է

21/06/2018 schedule16:20

Տպագրվել է «Հայկական Ժամանակ» օրաթերթի՝ 2005 թվականի հունիսի 21-ի համարում

ՀՀ ԱԳ նախարար Վարդան Օսկանյանը, որ նախորդ տասը օրերի ընթացքում իր ունեցած պաշտոնական եւ աշխատանքային մի շարք այցելությունների եւ հանդիպումների մասին ավելի մանրամասն խոսելու համար երեկ  մամուլի ասուլիս էր հրավիրել, ասուլիսի վերջում շատ անզգույշ սայթաքում թույլ տվեց: Լրագրողներից մեկը  հետաքրքրվեց, թե Օսկանյանն ինչ տպավորություն է ստացել ԱՄՆ պետքարտուղար Կոնդոլիզա Ռայսից`  որպես մարդ, որպես կին եւ որպես զրուցակից: Իսկ հարցին պարոն Օսկանյանը պատասխանեց այսպես. «Գայիր, առանձին խոսեինք դրա մասին»: Նշենք, որ հարց տվող լրագրողը  նույնպես տղամարդ էր: Թերեւս կարիք չկա մանրամասնելու, թե մարդկային փոխհարաբերությունների ինչպիսի ոլորտներ շոշափեց  Օսկանյանի այս պատասխանը:

Իհարկե, սա խիստ շաբլոնային կատակ է, որ հաճախ է հնչում երկու տղամարդու խոսակցության մեջ, սակայն տվյալ դեպքում իրավիճակը կտրուկ փոխվում է կատակի սուբյեկտի ինքնության պատճառով: Ստացվում է, որ  խեղճ ու կրակ Հայասանի, խեղճ ու կրակ ԱԳ նախարարը հումորներ է անում աշխարհի մի շարք հզոր երկրների  ղեկավարների ահուսարսափ,  ԱՄՆ պետքարտուղար Կոնդոլիզա Ռայսի մասին: Ի դեպ, պետք է նշել, որ քիչ չեն այն դեպքերը, երբ մարդը հաճույքով հումորներ է անում ուրիշների հետ, սակայն բոլորովին չի հասկանում այն հումորը, որ վերաբերում է իրեն: Օրինակ, ՀՀ ԱԳ նախարար Վարդան Օսկանյանը, երեկ պատասխանելով այն հարցին, թե որքանով են ճիշտ այն տեղեկությունները, որ ինքը Վաշինգտոնում  խոչընդոտել է միեւնույն ժամանակ այնտեղ գտնվող Արամ Զ. Սարգսյանի  հանդիպումներին,  ասաց, որ ոչ միայն մամուլում հայտնված այդ լուրերն են սխալ.

«Բացարձակապես իրականությանը չի համապատասխանում, իսկական աբսուրդ է, ոչ միայն դա, այլեւ լիֆտում հանդիպելը եւ այդ բոլոր հեքիաթները»,- չափազանց լուրջ տոնով հայտարարեց Վարդան Օսկանյանը՝ ի նկատի ունենալով իր ԱՄՆ-ում գտնվելու օրերին մեր թերթում տպագրված մի լուր, որ վերնագրված էր` «Վերելակում»: Պետք է հուսալ, որ Կոնդոլիզա  Ռայսի արձագանքը  Օսկանյանի արած կատակին բոլորովին այլ կլինի:   Ինչեւէ, երեկ ՀՀ արտգործնախարարը  պատասխանեց ԼՂ բանակցություններին, ԼՂՀ-ում տեղի ունեցած  խորհրդարանական ընտրություններին, ՀՀ Սահմանադրական բարեփոխումների վերաբերյալ Վենետիկի  հանձնաժողովի դիրքորոշմանը վերաբերող եւ մի շարք այլ հարցերի:

Ղարաբաղյան բանակցությունների կապակցությամբ ՀՀ ԱԳ նախարարը փորձի բերումով «հետագա բոլոր թյուրիմացություններից եւ սպեկուլյացիաներից» խուսափելու համար մի քանի անգամ հայտարարեց, որ բանակցությունների գործընթացը ներառում է  փաթեթի բոլոր էլեմենտները` ԼՂ կարգավիճակից սկսած մինչեւ փախստականների հարցերն ու անվտանգության խնդիրները, եւ հրաժարվեց  այլ մանրամասներ հաղորդել: Իսկ միակ բովանդակային տեղեկատվությունը բանակցություններից այն էր, որ Փարիզում տեղի ունեցած Օսկանյան-Մամեդյարով հանդիպումը տապալվել է: ՀՀ ԱԳ նախարարը պրոցեսը նկարագրեց այսպես. երկու նախագահները վարշավյան հադիպումում ինչ-որ առաջընթաց էին արձանագրել, որի վրա եւ պետք է կառուցեին իրենց բանակցությունները ԱԳ նախարարները:

Սակայն  հենց առաջին հանդիպման ժամանակ ԱԳ նախարարները անհաջողության են մատնվել: Այդ դեպքում, ինչո՞ւմ է կայանում նախագահների արձանագրած առաջընթացը, եթե առաջին իսկ հանդիպման ժամանակ ԱԳ նախարարները չեն կարողացել շարունակել դա: Մեր այս հարցին երեկ Վարդան Օսկանյանը պատասխանեց. «Մի հարցի շուրջ նախագահները առաջընթաց արձանագրել էին, դա փոխանցեցին մեզ միս ու արյուն տալու համար, քանի որ նախագահները լեզվական ձեւակերպումներ չէին անելու, միայն որոշ սկզբունքներ էին ճշտել եւ գնդակը մեր դաշտն էին գցել, որպեսզի մենք դրան ամբողջական տեսք տայինք: Հիմա աշխատում ենք դրա վրա: Սկզբունքները հստակ են, բայց երբ մանրամասների մեջ ես մտնում, յուրաքանչյուրը աշխատում է դրանք իր համար շահեկան դարձնել:

Դրա համար էլ շարունակում ենք վիճել, եթե մի փոքր զիջում իրենք անեն, մի փոքր զիջում մենք, կարելի է ինչ-որ եզրակացության գալ»,- ահա այսպիսի փակ տեքստով հանդես եկավ ՀՀ ԱԳ նախարարը: Ի դեպ, Օսկանյանը երեկ ողջունեց Ղարաբաղում տեղի ունեցած հերթական խորհրդարանական ընտրությունները եւ նշեց, որ դա մի կարեւոր քայլ է ժողովրդավարական ինստիտուտներն ու տրադիցիաները ԼՂՀ-ում ամրագրելու ուղղությամբ: «Իսկ մեզ համար ամենակարեւորն այն հանգամանքն է, որ ժողովրդի կողմից ընտրյալները միշտ  հնարավորություն ունենան ներկայացնելու ժողովրդի ցանկությունները եւ իրենց դրական ու ավելի համարձակ ներդրումը բերեն ԼՂ հարցի կարգավորման գործում»,- հայտարարեց պարոն Օսկանյանը:

Ինչ վերաբերում է ՀՀ սահմանադրական բարեփոխումների եւ ներկայացված փաթեթի վերաբերյալ  Վենետիկի հանձնաժողովի  եզրակացությանը, ապա  վերջինս  Օսկանյանը անտեղի քննադատություն որակեց: Ըստ նրա, եվրոպացիները պետք է հարգեն Հայաստանի ընտրության իրավունքը. «Հայաստանին ոչ ոք չպետք է թելադրի, թե մենք կառավարման ինչ համակարգ ենք ուզում` նախագահական, խորհրդարանական, թե մեկ այլ հիբրիդային համակարգ: Այդ ընտրությունն իսկապես մեզ է պատկանում` ժողովրդին, կամ նրա ընտրյալներին: Եթե հակասության մեջ ենք մտնում այդ ընտրության նկատմամաբ, կարծում եմ, քննադատությունը ճիշտ չէ»,- ասաց  Օսկանյանը եւ ավելացրեց, որ  այդ ընտրությունը պետք է հարգվի, ապա նոր ուսումնասիրվի, թե ընտրված տարբերակը իր մանրամասներով ինչքանով է համապատասխանում ժողովրդավարության հիմունքներին եւ եվրոպական ստանդարտներին:

«Ես, իհարկե, որպես քաղաքացի եւ որպես ԱԳ նախարար իսկապես ցանկանում եմ, որ Վենետիկի հանձնաժողովի եւ մեր միջեւ ամբողջական համաձայնություն լինի, որ կարողանանք խուսափել անտեղի քննադատություններից»,- հայտարարեց  Օսկանյանը:

Աննա Հակոբյան

Տպել
1493 դիտում

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են

Մուրացիկ և թափառաշրջիկ երեխաների խնդիրներով մտահոգ աշխատանքային խմբի քննարկում ոստիկանությունում

Ինչ են նվաճել 2018 թ. ընթացքում տարվա լավագույն 10 մարզիկների թեկնածուները

Վարդենյաց լեռնանցքում տեղ-տեղ մերկասառույց է, ճանապարհը փակ է բեռնատարների համար

Ուրա՞ Մարտի 1-ը, արա՛, Պոպլավոկում, որ մարդ էին խփում. թեժ բանավեճ Քոչարյանի ազատությունը պահանջող ցույցի ժամանակ